تۇركىستاندا قايعىلى جاعدايدىڭ جاي-جاپسارى بەلگىلى بولدى

تۇركىستان قالاسىندا قايتىس بولعان ءبىر وتباسى مۇشەلەرىنىڭ ءولىمى ىستان ۋلانۋ ناتيجەسىندە بولعانى انىقتالدى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە حابارلاندى.

وبلىستىق پوليسيا دەپارتامەنتىنىڭ مالىمدەۋىنشە, مايىتتەرگە قاراۋ جۇرگىزۋ بارىسىندا دەنەلەرىندە ەشقانداي زورلىق-زومبىلىق بەلگىلەرى انىقتالماعان.

&ndash؛ ىس ءتيىپ قايتىس بولعان بەس ادامنىڭ دەنەسىن وتباسىنىڭ تانىستارى تاپتى. پوليسيانىڭ بولجامىنا سايكەس, قايعىلى جاعداي ايەل جۇمىستان كەلگەن سوڭ بولعان, &ndash؛ دەدى وبلىستىق پوليسيا دەپارتامەنتى باستىعىنىڭ ءبىرىنشى ورىنباسارى ءابدۋعاني سەيدۋاليەۆ.

ونىڭ ايتۋىنشا, قايتىس بولعاندار ۇيىقتاپ ۇلگەرمەستەن ىس ءتيىپ قايتىس بولۋى مۇمكىن.

&ndash؛ حابارلاما 27 اقپان كۇنى كەشكە ساعات 18:12-دە ءتۇستى. ايەلدىڭ بازاردا بىرگە ىستەيتىن ارىپتەسى ء27-سى كۇنى جۇمىسقا شىقپاعان سوڭ ىزدەپ, ۇيىنە بالاسىن جىبەرگەن. بالاسى ۇيىندە ەشكىم جوق دەپ قايتىپ كەلگەن سوڭ, جۇمىستان كەيىن كۇيەۋىن جىبەرگەن. سەبەبى ول جۇمىسقا كەلمەگەن, وزدەرىنىڭ كەزدەسەتىن جوسپارى بولعان ەكەن. كۇيەۋى ءۇيدىڭ تەرەزەسىنەن ىشتە جارىق جانىپ تۇرعانىن جانە ايەلدىڭ جاتقانىن كورىپ حابارلاعان.

بولجام بويىنشا, قايتىس بولعان جاندار 26 اقپاندا ۇيىقتاپ ۇلگەرمەگەن. ويتكەنى شەشىنىپ, توسەككە دە جاتپاعان. كەشكى ۋاقىتتا پەشتى قوسىپ, تاماقتانىپ بولعان سوڭ قايعىلى جاعداي بولدى دەپ بولجاپ وتىرمىز, &ndash؛ دەدى ول.

وتباسى ءوز مەنشىگىندەگى ءۇش بولمەلى باسپانادا ۋاقىتشا تۇرىپ جاتقان. ونىڭ جانىندا ۇلكەن ءۇيدىڭ قۇرىلىسى ءجۇرىپ جاتىر.

وقيعاعا بايلانىستى سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. سوت-مەديسينالىق ساراپتاما تاعايىندالدى.

وڭىرگە گاز جۇرگىزۋگە جاۋاپتى "گازترانسگازايماق" اق تۇركىستان وبلىستىق وندىرىستىك فيليالىنىڭ ديرەكتورى شالقار وماربەكوۆتىڭ ايتۋىنشا, ءتۇرعىنۇي تابيعي گازبەن جابدىقتالعان. يراندىق قازاندىق ورناتىلعان.

وتباسى 2020 جىلى تەحنيكالىق شارت الۋعا ۇسىنىس بەرگەن. سول قۇجاتتار نەگىزىندە گاز پايدالانۋعا رۇقسات بەرىلگەن.

تەكسەرۋ كەزىندە وقيعا بولعان جەردە تەحنيكالىق سيپاتتامالاردىڭ بۇزىلعانى انىقتالدى. ماماننىڭ ايتۋىنشا, مونتاج جۇمىستارى تەحنيكالىق-ورىنداۋ قۇجاتتارىنا سايكەس كەلمەيدى.

&ndash؛ مونتاجداۋ جۇمىستارىن گازداندىرۋمەن اينالىساتىن "گاز قۇبىرى-2050" دەگەن ليسەنزياسى بار مەردىگەر مەكەمەسى جۇرگىزگەن. ۇيگە ءۇش گاز قۇبىرى كىرگەن. ءبىرى گاز پليتاسىنا, ءبىرى "يران" پەشىنە باعىتتالعان. گاز سيگناليزاتورى جوق, &ndash؛ دەدى شالقار وماربەكوۆ.

بۇعان دەيىن تۇركىستان ؛وبلىسىندا جەكەمەنشىك ۇيدەن ىس تيگەن بەس ادامنىڭ دەنەسى تابىلعانى حابارلانعان.