• usd 468.56

  • eur 497.56

  • rub 7.3

  • cny 67.18

29 ناۋرىز, 02:34:54
الماتى
+35°

الماتى قالاسى اكىمدىگىنىڭ باستاماسىمەن قالا اكىمىنىڭ ورىنباسارى مۇحيت ازىرباەۆتىڭ قۇرىلىس كومپانيالارى وكىلدەرىمەن جانە قۇرىلىس سالۋشىلارمەن ونلاين رەجيمىندە كەزدەسۋى ءوتتى. كەزدەسۋگە الماتى قالاسى الەۋمەتتىك قامسىزداندىرۋ دەپارتامەنتىنىڭ باسشىلىعى قاتىستى.

نەگىزگى مىندەت - جۇمىسشىلاردىڭ ەڭبەك قۇقىقتارىنىڭ ساقتالۋىن قامتاماسىز ەتۋ ماسەلەسىن قاراستىرۋ. اتاپ ايتقاندا, جالاقى دەڭگەيىنىڭ سايكەستىگى, مەديسينالىق ساقتاندىرۋمەن قامتۋ جانە ت.ب.

مۇنارا كران وپەراتورلارىنىڭ جۇمىسىن رەتتەۋ ماسەلەسى بويىنشا bazis construction, bi group, dial-stroy, nest stroy, esentai stroy, qazaq stroy, exclusive, atrix-stroy جانە باسقا دا كومپانيالاردىڭ وكىلدەرى تىڭدالدى. ەستەرىڭىزگە سالا كەتەيىك, كرانشىلاردىڭ نەگىزگى تالاپتارى - جالاقىنى 800 مىڭ تەڭگەگە دەيىن كوتەرۋ, ەرلەردىڭ زەينەت جاسىن 60 جاسقا, ايەلدەردى 55 جاسقا دەيىن تومەندەتۋ. بۇگىنگى كۇنى ءبىرقاتار قۇرىلىس كومپانيالارىنىڭ مالىمەتتەرى بويىنشا كران وپەراتورىنىڭ جارتى ايلىق جالاقىسىنىڭ مولشەرى شامامەن 285 مىڭ تەڭگەنى قۇرايدى. جۇمىس ۋاقىتىنان تىس تولەۋ تەتىگى ەنگىزىلۋدە.

كاسىپورىن باسشىلارىمەن جالاقىنىڭ كەشىكتىرىلۋى جاعدايلارىنىڭ الدىن الۋ ماقساتىندا تۇسىندىرمە اڭگىمە جۇرگىزىلدى. بۇگىنگى كۇنى, الەۋمەتتىك ءال-اۋقات باسقارماسىنىڭ اقپاراتى بويىنشا, ءىرى جۇمىس بەرۋشى كومپانيالاردا جالاقى بويىنشا قارىز جوق. الايدا, شاعىمداردىڭ كوپشىلىگى قوسالقى مەردىگەرلەر ارقىلى جۇمىس ىستەيتىن مۇنارا كران وپەراتورلارىنا قاتىستى. وسى باعىتتا ءتيىستى جۇمىستار دا جۇرگىزىلىپ جاتىر.

وتىرىس ناتيجەسىندە قاتىسۋشىلار كران وپەراتورلارىنىڭ ءوتىنىشى نەگىزىندە قۇرىلىس سالۋشى كومپانيالاردى ءتيىستى قىزمەتتەردى تارتا وتىرىپ, ەڭبەك زاڭناماسىنىڭ ساقتالۋىن, جۇمىسشىلاردىڭ قۇقىقتارىنىڭ ساقتالۋىن تولىعىمەن تەكسەرۋگە شەشىم قابىلدادى. اعىمداعى جاعدايدى تالقىلاۋ جانە زاڭ بۇزۋشىلىقتاردىڭ الدىن-الۋ بويىنشا وسىنداي كەزدەسۋلەر اپتا سايىن وتكىزىلەتىن بولادى.

بۇعان دەيىن قالا اكىمدىگى مەملەكەتتىك باعدارلامالار بويىنشا قۇرىلىس جۇرگىزىپ جاتقان قۇرىلىس كومپانيالارىنا مونيتورينگ جۇرگىزگەن. اكىمدىك پەن قۇرىلىس سالۋشىلاردىڭ وكىلدەرى باستاماشىل توپپەن 15-20 ادامنان تۇراتىن جينالىس وتكىزدى (كران وپەراتورلارى). بارلىق ۇسىنىستار مەن تالاپتار تىڭدالدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر