28 اقپان, 2021 news
فوتو: qamshy.kz
بۇگىن 28 اقپاندا شەتەلدەگى وپپوزيسيونەر مۇحتار ءابليازوۆ جەتەكشىلىك ەتەتىن قازاقستاننىڭ دەموكراتيالىق تاڭداۋى قوزعالىسىنىڭ ميتينگى وتەدى دەلىنگەن الماتىداعى ارباتتا پوليسيا 4-5 ادامدى ۇستادى.
بەلسەندىلەر الدىمەن ورتالىق ساياباق ماڭىنا جينالاتىنى حابارلانعان. الايدا قامشى ءتىلشىسى ول جاقتان پوليسيا قىزمەتكەرلەرى مەن ؛بەيساۋىت جۇرگەن ادامداردى عانا بايقادى. ورتالىق ساياباق ەسىگىنە قۇلىپ قويىلىپ, سانيتارلىق جۇمىستار جۇرگىزىلىپ جاتقانى تۋرالى قاعازدار ىلىنگەن.
بەلسەندىلەر باراتىن سوڭعى نۇكتە رەتىندە بەلگىلەنگەن ارباتتا قىدىرىپ جۇرگەندەردەن بولەك تۇس-تۇستا بىرنەشە ادام تۇردى. ءبىراق سىرت كوزگە ولار ميتينگكە شىققان ادامعا ۇقسامايدى. قامشى ءتىلشىسى سونداي ادامداردىڭ بىرنەشەۋىن پوليسيا ۇستاپ, اۆتوزاگقا سالىپ اكەتكەنىن كوردى. ؛تىلشىنىڭ "ول ازاماتتاردى نە ءۇشىن ۇستادىڭىزدار؟" دەگەن سۇراعىنا پوليسەيلەر "ولار ماس بولعان سوڭ ۇستادىق" دەپ جاۋاپ بەردى.
وزىن بايجان بەدەلوۆ دەپ تانىستىرعان ۇستالعان ازاماتتاردىڭ ءبىرى ميتينگكە ەمەس, شامالعاندا تۇراتىن بالاسى مەن كەلىنىنە بارا جاتقانىن ايتادى.
قازاقستاننىڭ دەموكراتيالىق تاڭداۋى قازاقستاندا ەكسترەميستىك دەپ ءتانىلعان. ؛بىراق ەۋروپارلامەنت 2019 جىلعى رەزوليۋسياسىندا قدت-نى "بەيبىت وپپوزيسيالىق قوزعالىس" دەپ اتاعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر