فوتو: qamshy.kz
الماتىداعى بالۋان شولاق اتىنداعى سپورت سارايىنىڭ ماڭىندا ءوتىپ جاتقان دەموكراتيالىق پارتيا باستاماشىل توبى مەن "باسە" youtube ارناسى ۇيىمداستىرعان ميتينگ كەزىندە بەلسەندى ايەلدى جەدەل جاردەم الىپ كەتتى.
الاڭدا قورشاۋدا تۇرعان بەلسەندىلەر ءبىر ساتتە ارنايى جاساقپەن قاقتىعىسقا ءتۇسىپ, اسكەر بەلسەندىلەر قورشاۋىن تارتىلتا ءتۇستى.
وسى ساتتە بەلسەندى ايەلدىڭ "ومون-دار قابىرعامدى سىندىردى" دەپ ايقايلاعان داۋسى شىقتى. ارتىنشا جەدەل جاردەم كولىگى كەلىپ, بەلسەندىنى الىپ كەتتى. ۇزاماي تاعى ءبىر ايەل دەنساۋلىعىنا شاعىمدانىپ, قابىرعاسى اۋىرىپ تۇرعانىن ايتتى.
سپورت سارايىنا جاقىن جەرلەردە ينتەرنەت بايلانىسى جوق, اباي كوشەسىندە كولىك قوزعالىسى شەكتەلگەن.
بۇعان دەيىن الاڭعا 30-دان استام بەلسەندى جينالعانى, پوليسيا مەن ارنايى جاساق وكىلدەرى بەلسەندىلەردەن بىرنەشە ەسەگە كوپ ەكەنىن حابارلانعان.
ۋاقىت وتكەن سايىن, ارنايى جاساق سانى ارتىپ جاتىر.
قورشاۋداعى بەلسەندىلەر دىبىس ۇلعايتقىشپەن "جەر ساتىلماسىن", "نەسيە امنيستياسى جاريالانسىن", "ساياسي تۇتقىنداردى بوساتىلسىن" نازارباەۆ, كەت", "ەۋروپارلامەنت قارارى ورىندالسىن" دەپ ۇرانداتىپ جاتىر.
قامشى ءتىلشىسىنىڭ حابارلاۋىنشا, الاڭدا ازاماتتىق كيىمدەگى بىرنەشە ادام ءجۇر. ولاردىڭ ءبىرى نارازى توپتى تاراۋعا شاقىرسا, كەيبىرى "ماماي, قارابەت, مامايعا سەنبەڭدەر" دەپ ايقايلاپ ءجۇر. ءوزىن "كوپبالالى انامىن" دەپ تانىستىرعان بەلگىسىز ايەلدىڭ بەلسەندىلەردى تاراۋعا ۇندەگەن" داۋسى ەستىلەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر