الماتىنىڭ ەرىكتىلەرى قارت ادامداردىڭ قارىن كۇرەپ بەرۋدى باستادى

قالاعا قالىڭ قار جاۋدى, وسىعان وراي الماتى جاستار رەسۋرستارى ورتالىقتارىنىڭ بەلسەندىلەرى مەن جاس وتاندىقتار قارت ادامدار مەن كوممۋنالدىق قىزمەتكەرلەرگە كومەكتەسۋ ءۇشىن قار تازالاۋ اكسياسىنا شىقتى.

الماتىدا 24 اقپان, ساعات 16.00-دەن باستاپ قار ارالاس جاڭبىر جاۋدى, ال 25 اقپاندا تۇنگى ساعات 01.00-دەن باستاپ قار جاۋا باستادى, اۋا تەمپەراتۋراسى - 10 گرادۋسقا دەيىن كۇرت تومەندەدى. ساعات 9.00-دە قالادا 20-30 سم, تاۋلى جانە تاۋ بوكتەرىندەگى اۋدانداردا 30-40 سم قار جاتتى.

الماتى جاستار رەسۋرسى ورتالىقتارىنىڭ ەرىكتىلەرى قاراۋشىسى جوق, جالعىزباستى قارتتاردىڭ ءۇيى ماڭايىنداعى جانە اۋلالارىنداعى قاردى تازالاۋ اكسياسىنا شىقتى. قار تازالاۋ شاراسىنا 30-عا جۋىق جاس قالالىق ؛ قاتىستى.

بۇدان وزگە, nur otan پارتياسى jas otan جاستار قاناتىنىڭ 200-دەن استام بەلسەندىسى مەن قالالىق ەرىكتىلەر ۇيىمى مۇشەلەرى كوممۋنالدىق قىزمەتكەرلەرگە قالانى قاردان تازارتۋ جۇمىستارىنا كومەكتەسىپ, قولداۋ كورسەتتى. جاس وتاندىقتار ولارعا ىستىق ءشاي ۇيىمداستىردى.

تاڭنان بەرى قالانى قاردان تازارتۋ جۇمىستارىنا 1653 جول قىزمەتكەرى 653 تەحنيكا بىرلىگى, ونىڭ ىشىندە 205 قۇملاقتىرعىش جۇمىلدىرىلدى.