پاۆلوداردا ءورت كەزىندە 24 جاستاعى قىزمەتكەر قازا تاپتى

پاۆلودار وبلىسىندا ءورت ءسوندىرۋشى قىزمەتتىك مىندەتىن اتقارۋ كەزىندە قايتىس بولدى, دەپ حابارلادى توتەنشە جاعدايلار مينيسترلىگىنىڭ ءباسپاسوز قىزمەتى.

ۆەدومستۆو مالىمەتىنشە, وقيعا پاۆلودار وبلىسى اقسۋ قالاسىنىڭ اقسۋ شاعىن اۋدانىندا 25 اقپان كۇنى بولعان. تاڭعى ساعات 7:46-دا تۇرعىن ءۇيدى ورتەنگەنى تۋرالى حابارلاما تۇسكەن. ءتورت بولمەلى تۇرعىن ءۇيدىڭ جالپى اۋدانى 80 شارشى مەترىن ءورت شارپىعان. ءورت ساعات 10:16-دا وقشاۋلانعان, ساعات 11:00-دە تولىعىمەن سوندىرىلگەن. ؛

&ndash؛ ءورت سوندىرۋشىلەر ؛ قىزىل جالىنمەن كۇرەسىپ جاتقاندا, 1997 جىلى تۋعان اقسۋ قالاسى № 12 ءورت ءسوندىرۋ بەكەتى بولىمشەسىنىڭ كومانديرى ؛ ازاماتتىق قورعاۋ سەرجانتى ارىستانبەك ماشراپتىڭ جاعدايى ناشارلاعان. ءورت ءسوندىرۋشى اقسۋ اۋىلدىق دارىگەرلىك امبۋلاتورياسىنا ەس-تۇسسىز كۇيدە جەتكىزىلگەن. كەيىن دارىگەرلەر ونىڭ قايتىس بولعاندىعىن حابارلادى. وقيعانىڭ ءمان-جايى انىقتالىپ جاتىر, ؛&ndash؛ دەدى توتەنشە جاعدايلار مينيسترلىگىنىڭ ؛رەسمي وكىلى تالعات ءۋالي.

سونىمەن قاتار 1995 جىلى تۋعان № 12 ءورت ءسوندىرۋ بەكەتى بولىمشەسىنىڭ كومانديرى ازاماتتىق قورعاۋ كىشى سەرجانتى ەرمەك تۇرلىبەكوۆ اۋرۋحاناعا جەتكىزىلىپ, پاۆلودار قالاسىنىڭ اۋرۋحاناسىنا جاتقىزىلدى.

قايتىس بولعان ارىستانبەك ماشراپ ازاماتتىق قورعاۋ ورگاندارىندا 2018 جىلدان باستاپ قىزمەت اتقاردى. پاۆلودار قالاسىنىڭ تۋماسى, ۇيلەنگەن.

توتەنشە جاعدايلار مينيسترلىگىنىڭ ۇجىمى ؛ارىستانبەك ماشراپتىڭ مەزگىلسىز قايتىس بولۋىنا بايلانىستى مارقۇمنىڭ جاقىندارى مەن تۋىستارىنا كوڭىل ايتادى.

"ادامداردى قۇتقارۋ ءۇشىن ءوز ءومىرىن قيعان تج قىزمەتكەرلەرىنىڭ ەرلىگى ەرەن. 1991-2021 جىلدارى ارالىعىندا قىزمەتتىك مىندەتتەرىن ورىنداۋ كەزىندە ازاماتتىق قورعاۋ ورگاندارىنىڭ ؛53 ؛قىزمەتكەرى قايتىس بولدى" دەلىنگەن ۆەدومستۆو حابارلاماسىندا.