ەرجان باباقۇماروۆ الماتىنىڭ دەنساۋلىق ساقتاۋ جۇيەسىن دامىتۋدىڭ وزەكتى ماسەلەلەرى بويىنشا كەڭەس وتكىزدى

الماتى قالاسى اكىمىنىڭ ورىنباسارى ەرجان باباقۇماروۆ قوعامدىق دەنساۋلىق باسقارماسىنىڭ, تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ, الەۋمەتتىك مەديسينالىق ساقتاندىرۋ قورى فيليالىنىڭ باسشىلىعى مەن قىزمەتكەرلەرىنىڭ, سونداي-اق قالانىڭ مەديسينالىق ۇيىمدارىنىڭ باس دارىگەرلەرىنىڭ قاتىسۋىمەن بەينەكونفەرەنسيا بايلانىس ارقىلى كەڭەس وتكىزدى.

قالا تۇرعىندارىنا كورسەتىلەتىن مەديسينالىق قىزمەتتەردىڭ ساپاسىن ارتتىرۋ, مەديسينالىق ۇيىمداردى ماماندارمەن قامتاماسىز ەتۋ دەڭگەيى, انا مەن بالا ولىمىنە, ونكولوگيالىق اۋرۋلاردان جانە قان اينالىمى جۇيەسى اۋرۋلارىنان بولاتىن ولىمگە قارسى كۇرەس بولىگىندە مەگاپوليستىڭ دەنساۋلىق ساقتاۋ جۇيەسىن دامىتۋدىڭ وزەكتى ماسەلەلەرى قارالدى.

الماتىدا 74 مەملەكەتتىك مەديسينالىق ۇيىم, 13 رەسپۋبليكالىق جانە 90 جەكە مەنشىك, 1383 العاشقى مەديسينالىق-سانيتارلىق كومەك ۋچاسكەسى جۇمىس ىستەيدى. 6046 دارىگەر جانە 12969 ورتا مەديسينالىق قىزمەتكەر جۇمىس ىستەيدى.

دەنساۋلىق ساقتاۋ جۇيەسى تيىمدىلىگىنىڭ ماڭىزدى كورسەتكىشتەرىنىڭ ءبىرى حالىقتىڭ مەديسينالىق قىزمەتتەرگە قاناعاتتانۋى بولىپ تابىلادى. 2020 جىلى بۇل كورسەتكىش 5%-عا ارتىپ, 54,3%-دى قۇراعانىنا قاراماستان, پاسيەنتتەر مەديسينالىق قىزمەتكەرلەر تاراپىنان بولاتىن دورەكىلىككە, تەگىن دارى-دارمەكتەردىڭ بولماۋى نەمەسە بەرۋدەن باس تارتۋ, تىركەۋدەن باس تارتۋ, كورسەتىلەتىن مەديسينالىق كومەكتىڭ ساپاسى, اۋرۋحاناعا جاتقىزۋدان باس تارتۋ فاكتىلەرىنە شاعىمدانۋدى جالعاستىرۋدا. مۇنداي كەمشىلىكتەر №4, 8, 11, 12, 17 ەمحانالارعا جانە №7, 4, 2 قالالىق اۋرۋحانالارعا قاتىستى, وسى ماسەلەلەرگە مەديسينالىق ۇيىمداردىڭ باسشىلارى نازار اۋداردى.

الماتى اكىمىنىڭ ورىنباسارى ەرجان باباقۇماروۆ مەديسينالىق ۇيىمدار دەڭگەيىندە «؛التىن ساعات»؛ ىشىندە پاسيەنتتەرمەن تۋىندايتىن ينسيدەنتتەردى جەدەل شەشۋدى تاپسىردى. سونىمەن قاتار, باس دارىگەرلەر مەديسينالىق قىزمەتكەرلەردى كوممۋنيكاسيالىق داعدىلارعا ۇيرەتۋدى ۇيىمداستىرىپ, مەديسينالىق قىزمەت كورسەتۋ ستاندارتتارىن ساقتاۋى كەرەك. بۇل رەتتە, مەديسينالىق كومەكتىڭ كەپىلدىك بەرىلگەن كولەمى جانە ءمامس شەڭبەرىندەگى قىزمەت پەن كورسەتىلەتىن قىزمەتتەر تۋرالى بارلىق اقپارات مەديسينالىق ۇيىمداردىڭ سايتتارىندا جاريالانۋعا ءتيىس.

مەديسينالىق قىزمەتتەردىڭ ساپاسى كاسىبيلىك دەڭگەيىنە جانە كادرلارمەن جاساقتالۋىنا تىكەلەي بايلانىستى. 2020 جىلى ماماندار تاپشىلىعى 30%-عا قىسقاردى. مەديسينالىق قىزمەتكەرلەر كادرلارىنىڭ جەتىسپەۋشىلىگىن تولتىرۋ ماقساتىندا ەرجان باباقۇماروۆ مەديسينالىق ۇيىمداردى ماماندارمەن قامتاماسىز ەتۋدىڭ ۇزاق مەرزىمدى بولجامىن قالىپتاستىرۋدى جانە الەۋمەتتىك قولداۋ شارالارىن قامتيتىن «؛جول كارتاسىن»؛ ازىرلەۋدى, مەديسينالىق قىزمەتكەرلەردى, ونىڭ ىشىندە سالا ماماندارىن دايارلاۋعا گرانتتاردى ۇلعايتۋدى تاپسىردى.

انا مەن بالا دەنساۋلىعىن قورعاۋعا قاتىستى الماتىدا وتكەن جىلى جۇكتىلىك مەرزىمى 12 اپتاعا دەيىنگى 44818 ايەل ەسەپكە الىندى, بۇل 82%-دى قۇرايدى. باقىلاۋمەن ەرتە قامتۋ جۇكتىلىك پەن بوسانۋ كەزىندەگى مۇمكىن بولاتىن اسقىنۋلاردى بولجاۋعا مۇمكىندىك بەرەدى, ءارتۇرلى قاۋىپتەردى ازايتادى.

كەڭەس بارىسىندا پەريناتالدىق بۋىننىڭ بارلىق كەزەڭدەرىندە جۇمىستى ۇيىمداستىرۋ بويىنشا مەنەدجمەنتتەگى كەمشىلىكتەر ايتىلدى. وسىعان بايلانىستى, انا مەن بالا ءولىمىن ازايتۋ ماقساتىندا قالا اكىمىنىڭ ورىنباسارى ە. باباقۇماروۆ جۇكتىلىكتى باقىلاۋدىڭ بارلىق دەڭگەيلەرىندەگى ءوزارا ءىس-قيمىلدى كۇشەيتۋدى, باقىلاۋ جانە بوسانعاننان كەيىنگى كەزەڭدە مساك پاتروناجدىق قىزمەتىنىڭ تيىمدىلىگىن ارتتىرۋدى تاپسىردى.

ونكولوگيادان بولاتىن ءولىم-جىتىمنىڭ الدىن الۋ ماقساتىندا حالىقتىڭ تاۋەكەلشىل ىس-ارەكەتتەرىن تومەندەتۋ بويىنشا پروفيلاكتيكالىق جۇمىس كۇشەيتىلەتىن بولادى. قان اينالىمى جۇيەسى مەن تىنىس الۋ ورگاندارى اۋرۋلارىنان بولاتىن ءولىم-جىتىمدى ازايتۋ جونىندەگى شارالار شەڭبەرىندە مەديسينالىق ۇيىمداردى ماتەريالدىق-تەحنيكالىق جاراقتاندىرۋ نىعايتىلۋدا, رەنتگەن جانە كت-سۋرەتتەردىڭ ءبىرىڭعاي دەرەكقورىن قۇرا وتىرىپ, ات-تەحنولوگيالار ەنگىزىلۋدە, كارديولوگيالىق قىزمەت كۇشەيتىلۋدە, ەمدەۋدىڭ وزىق ادىستەرى ەنگىزىلۋدە.

كەڭەستە قالالىق كارديولوگيالىق جانە ونكولوگيالىق ورتالىقتاردىڭ باسشىلارى تىڭدالدى. ماسەلەن, ونكوورتالىقتا سوڭعى 3 جىلدا ەمدەۋمەن قامتۋ 80%-دى قۇرادى, 2020 جىلى قامتۋ 96%-عا دەيىن ۇلعايدى, ناتيجەسىندە الداعى جىلدارى ءولىم-جىتىم دەڭگەيىن تومەندەتۋگە مۇمكىندىك بەرەدى. سونىمەن قاتار, جەدەل ارەكەت ەتۋ جانە شۇعىل جوعارى بىلىكتى كومەك كورسەتۋ ماقساتىندا مەديسينا سالاسىنداعى ۇزدىك قالالىق جانە رەسپۋبليكالىق مامانداردان تۇراتىن ءموبيلدى توپ قۇرىلاتىن بولادى.

قالانىڭ باس مەملەكەتتىك سانيتار دارىگەرى, الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ج. بەكشين مەديسينالىق ۇيىمداردىڭ اۋماعىندا سانيتارلىق تالاپتاردىڭ ساقتالۋىن جانە گوسپيتالدىق ەپيدەميولوگتاردىڭ بىلىكتىلىگىن ارتتىرۋدى كۇشەيتىلگەن باقىلاۋدىڭ ماڭىزدىلىعىن اتاپ ءوتتى.

وز كەزەگىندە, «؛الەۋمەتتىك مەديسينالىق ساقتاندىرۋ قورى»؛ كەاق قالالىق فيليالىنىڭ باسشىسى ت.ابىلداەۆ دارىلىك پرەپاراتتار قويماسى ءاۋديتىنىڭ قورىتىندىسىن شىعاردى. بۇگىنگى تاڭدا 31 ملن بىرلىك دارىلىك پرەپاراتتار مەن مەديسينالىق بۇيىمدار بار, بۇل قالا قاجەتتىلىگىنىڭ ەكى ايلىق قورىنان اسىپ تۇسەدى.