جالاقى جايلى ەسسە جازدىرۋ اتا انالاردىڭ اشۋىن تۋدىردى

قاراعاندىدا مەكتەپ ءمۇعالىمى وقۋشىلارعا وتباسىلىق بيۋدجەت تۋرالى شىعارما جازۋعا تاپسىرما بەرگەن. بالالار ءوز شىعارمالارىندا اتا-انالارىنىڭ جالاقىلارىن جاسىرماي جازىپتى. بۇل ؛شىعارمانى كورگەن اتا-انالار نارازىلىعىن ءبىلدىردى. مۇنى جەكەنىڭ ومىرىنە قول سۇعۋ دەگەن ولار زاڭعا سايكەس ءبىلىم سالاسىنىڭ شەنەۋنىكتەرىن جاۋاپقا تارتۋ قاجەت دەپ ەسەپتەيدى. بۇل تۋرالى 31 ارنانىڭ ؛"ينفورمبيۋرو" ؛جاڭالىقتار باعدارلاماسى حابارلادى.

شۋ وقۋشىلاردىڭ "وتباسىلىق بيۋدجەت" ؛تاقىرىبىندا جازعان ەسسەلەرى الەۋمەتتىك جەلىگە شىعىپ كەتكەن سوڭ باستالعان. ەسسەدە قاراعاندىنىڭ ءنومىرى 68 مەكتەبىنىڭ ءتورتىنشى سىنىپ وقۋشىلارى اتا-انالارىنىڭ جالاقىلارى, كوممۋنالدىق تولەمدەرگە كەتەتىن اقشا مەن باسقا دا شىعىنداردى ءتىزىپ كورسەتكەن. مۇنى كورگەن اتا-انالار ازاماتتىق قۇقىقتىڭ بۇزىلعانىن ايتادى. ؛

"بالام ءبىزدىڭ جالاقىنى ساناماق تۇگىلى, دۇكەنگە بارمايدى. مۇنى مەنىڭ جەكە ومىرىمە قول سۇعۋ دەپ بىلەمىن. بۇعان مۇلدەم قارسىمىن. بالالار وتباسىلىق بيۋدجەتكە ارالاسپاۋ كەرەك. ءبىلىم سالاسىنىڭ شەنەۋنىكتەرى بۇل جەردە بالانىڭ قۇقىعىن بۇزىپ وتىر. اتا- انانىڭ ؛ جالاقىسى از بولسا, باسقا وقۋشىلار ەرتەڭ ونى بولەكتەپ, ساۋساقتارىن شوشايتادى. شەنەۋنىكتەر قىلمىستىق كودەكستىڭ 147 -بابى, جەكە باسقا قول سۇعۋ دەگەن زاڭدى ۇمىتقان سياقتى", - دەيدى قاراعاندىلىق انا بوتاگوز وماروۆا.

شىعارمانى كورگەن قارتتار دا جاعالارىن ۇستادى. ايتۋلارىنشا, مۇعالىمدەر بالانى بالالىق شاعىنان ءايىرعان.

"بىزدىڭ قالتامىزعا قول سۇققانشا, وقۋدى جەتىستىرىپ السىن. نەمەرەلەرىمنىڭ اجەسى رەتىندە ايتارىم, جاعدايىمىز وڭىپ تۇرعان جوق. ساباق وقىتسىن, نە سۇمدىق بۇل؟!" - دەيدى تاعى ءبىر ۆالەنتينا پەتروۆا ەسىمدى انا

"بالالار نەگە اتا-اناسىنىڭ جالاقىسىن ءبىلۋ كەرەك؟ وعان نەگە باستارىن قاتىرۋ كەرەك؟ ساباقتارىن وقىسىن", - دەدى يرينا راسسوحوۆا. ؛

مەكتەپ اكىمشىلىگى بۇعان قاتىستى سۇحبات بەرۋدەن باس تارتتى. سەبەبى تاپسىرما ءبىلىم بولىمىنەن كەلگەن دەيدى. ال شەنەۋنىكتەر بۇنداي مازمۇنداعى ەسسەدەن حابارسىز بولعاندارىن جەتكىزدى.

"مەنىڭ ويىمشا, بۇنداي تاپسىرمانى ەسسە تۇرىندە وقۋشىلارعا بەرۋ دۇرىس ەمەس. ودان دا ۆيكتورينالىق تاپسىرمالار بەرىلۋ قاجەت. بۇل جەردە ءمۇعالىم دۇرىس نۇسقاۋلىق بەرمەگەن. اتالمىش جاعدايدى تەكسەرەمىز", - دەيدى قاراعاندى قالاسىنىڭ ءبىلىم ءبولىمى باسشىسىنىڭ مىندەتىن اتقارۋشى ناتاليا گولوۆينا. ؛

شەنەۋنىكتىڭ ايتۋىنشا, ءقازىر قالاداعى بارلىق مەكتەپتە قارجىلىق ساۋاتتىلىق اپتالىعى ءوتىپ جاتقان كورىنەدى. سوعان سايكەس ءار مەكتەپ ءىس- شارالار جوسپارىن وزدەرى جاسايدى. ءبىراق ءبىلىم ءبولىمى ونى تەكسەرمەيتىندەرىن جەتكىزدى. ؛