فوتو: akorda.kz
قاسىم-جومارت توقاەۆ ۇلتتىق قوعامدىق سەنىم كەڭەسىنىڭ مۇشەلەرىمەن ءبىرقاتار كەزدەسۋ وتكىزدى, دەپ حابارلادى اقوردا سايتى.
سايت مالىمەتىنشە, توقاەۆ ۇلتتىق قوعامدىق سەنىم كەڭەسىنىڭ مۇشەلەرى راحىم وشاقباەۆپەن جانە قانات ساحاريانوۆپەن كەزدەسۋ وتكىزدى.
"تالاپ" قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ پرەزيدەنتكە ءوزى باسقارىپ وتىرعان ورتالىقتىڭ جۇمىسى تۋرالى ايتتى. سونداي-اق وتاندىق اناليتيكالىق ورتالىقتاردى دامىتۋ جونىندەگى ۇسىنىستارىن ورتاعا سالدى.
بۇدان بولەك مەملەكەت باسشىسىنا جاھاندىق كومپانيالارمەن اراداعى ىنتىماقتاستىقتىڭ نەگىزىندە ينۆەستيسيا تارتۋ جولدارىن, سونداي-اق اقشا-كرەديت ساياساتىن جەتىلدىرۋگە باعىتتالعان ۇسىنىستار تانىستىرىلدى" دەلىنگەن حابارلامادا.
atameken business تەلەارناسىنىڭ باس ديرەكتورى قانات ساحاريانوۆپەن اڭگىمەلەسۋ بارىسىندا قازاقستاندىق بۇقارالىق اقپارات قۇرالدارىنىڭ باسەكەگە قابىلەتتىلىگىن نىعايتۋ, اقپاراتتىق ساياسات سالاسىن رەتتەيتىن زاڭنامانى ؛ دامىتۋ ماسەلەلەرى قاراستىرىلدى.
قاسىم-جومارت توقاەۆ مەملەكەتتىڭ وتاندىق ماسس-مەدياعا قولداۋ كورسەتە بەرەتىنىنە توقتالىپ, كونتەنت ساپاسىن ارتتىرۋ جانە ءقازاقتىلدى باق-تىڭ باسەكەگە قابىلەتتىلىگىن كۇشەيتۋ قاجەتتىگىن ايتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر