• usd 468.56

  • eur 497.56

  • rub 7.3

  • cny 67.18

29 ناۋرىز, 09:56:40
الماتى
+35°

17-20 اقپان كۇندەرى مۇحتار اۋەزوۆ اتىنداعى ؛قازاق مەملەكەتتىك اكادەميالىق دراما تەاترىندا 4 جاڭا قويىلىمنىڭ تۇساۋى كەسىلدى, دەپ حابارلايدى قامشى ءتىلشىسى.

ولار: "ەكەۋمىز..." دراماسى, "وڭ قول" حوررور دراماسى, ؛"بارىمەن بازار" كومەدياسى جانە "تۋعان كۇن" مونودراماسى.

"ەكەۋمىز..." دراماسى (قويۋشى-رەجيسسەرى ن. دۋبس)

دراماتۋرگ و.جانايداروۆتىڭ پەساسى جاستار اراسىنداعى جەلىك سەزىم, ستەرەوتيپتىك كوزقاراستار, الەۋمەتتىك ماسەلەلەر جانە وتباسىلىق قۇندىلىقتار تاقىرىبىن قامتىدى. جەكە ادامنىڭ ءوزىن-وزى تاني ءبىلۋى, وزگەنىڭ جانىن, جاقىنىنىڭ جانىن سەزىنە الۋى, تىڭداي-كورە ءبىلۋىنىڭ, ءتۇسىنىسۋ مەن جاراسىمنىڭ, كەشىرىمنىڭ قانشالىقتى ماڭىزدىلىعىن ۇعىندىراتىن ساتتەرگە كۋا ەتتى.

"وڭ قول" حوررور دراماسى (قويۋشى-رەجيسسەرى ا. شاريپوۆ)

جازۋشى ت.ابدىكتىڭ "وڭ قول" پەساسىنىڭ وقيعا جەلىسى ادام مەن قوعام قاتىناسىن əردايىم باستى نازاردا ۇستايدى. باستى كەيىپكەر &mdash؛ المانىڭ بويىنداعى ۇزدىكسىز ءجۇرىپ جاتقان ۇرەي مەن قورقىنىش, ءومىر مەن ءولىم اراسىنداعى ارپالىس, جان تولعانىسى كەڭىنەن سۋرەتتەلىپ, قاتەرلى دەرتتىڭ سەبەپ-سالدارىن اشىپ كورسەتتى.

"بارىمەن بازار" كومەدياسى (قويۋشى-رەجيسسەرى ن.جۇمانيازوۆ)

تىنىمباي نۇرماعانبەتوۆ &ndash؛ كومەديا جانرىندا جازىپ جۇرگەن دراماتۋرگتەر ىشىندەگى بىرەگەيى. اۆتوردىڭ بۇرىن ەش جەردە ساحنالانباعان بۇل تۋىندىسىندا قازىرگى قوعامدا بولىپ جاتقان وزەكتى ماسەلەلەر اششى ساتيرامەن مىسقىلدانىپ, كورەرمەندەردى كۇلدىرە وتىرىپ ويعا باتىردى.

"تۋعان كۇن" مونودراماسى (قويۋشى-رەجيسسەرى ە.كارىباەۆ)

اتا-انانىڭ ىستىق قۇشاعى مەن ايالى الاقانىن سەزىنبەي, بالالار ۇيىندە تاربيەلەنگەن, بويجەتكەن شاعىندا سۇيگەن, سەنىم ارتقان ادامىنان ساتقىندىق كورىپ, ءۇمىتى كەككە ۇلاسقان, تاعدىر تالكەگىنە تۇسكەن ايەلدىڭ جاي-كۇيى ؛"تۋعان كۇن" مونودراماسىندا ايقىن كورىندى. ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر