“كەل, جەكپە-جەككە شىعايىق”. قانات يسلام ساۋل الۆارەستى ايقاسقا شاقىردى

قازاقستاندىق كاسىپقوي بوكسشى قانات يسلام ؛كەزەكتى كەزدەسۋىندە جەڭىسكە جەتكەننەن كەيىن مەكسيكالىق بوكسشى ساۋل الۆارەستى جۇدىرىقتاسۋعا شاقىردى.

&ndash؛ "كانەلو", vamos! سەن مەنى كورىپ وتىرسىڭ, باقىتتىسىڭ, مەنى جاقسى كورەسىڭ! كەل, جەكپە-جەككە شىعايىق, ؛&ndash؛ ؛دەدى يسلام.

 ؛

قازاقستاندىق بوكسشى بۇگىن ەكۆادورلىق دجەيسون ميندادان باسىم ءتۇستى. باستاپقىدا 35 جاستاعى يسلامنىڭ قارسىلاسى 33 جاستاعى گانالىق وبوداي ساي بولاتىنى حابارلانعان. ءبىراق كەيىن وزگەرگەن.

10 راۋندقا جوسپارلانعان كەزدەسۋ جەتىنشى راۋندتا اياقتالدى. قانات يسلام قارسىلاسىن الدىمەن ءتورتىنشى راۋندتا نوكداۋنعا ءتۇسىردى. جەتىنشى راۋندتا رەفەري تاعى دا ءبىر نوكداۋن تىركەدى. ارتىنشا ؛ قازاقستاندىق بوكسشى سول راۋندتا ەكۆادورلىق بوكسشىنى نوكاۋتقا جىبەرىپ, جەڭىسكە جەتتى.

وسىلايشا, قانات يسلام كاسىپقوي بوكستاعى ء28-شى جەكپە-جەگىندە ء28-شى رەت جەڭىمپاز اتانىپ وتىر. ونىڭ 22-سىندە قارسىلاستارىن نوكاۋتقا جىبەرگەن.