سيدنەي وليمپياداسىنىڭ چەمپيونى, الماتى قالاسى ءماسليحاتىنىڭ دەپۋتاتى ؛ەرماحان يبرايىموۆ ميتينگكە شىعۋىنىڭ سەبەبىن ءتۇسىندىرىپ, ءوزىنىڭ نامىسىنا تيگەن سوزدەرگە جاۋاپ بەردى.

&ndash؛ حالىقتىڭ كوبىسى ميتينگكە بوكسشى كەلسە ۇرۋ ءۇشىن كەلدى دەپ ويلايدى. مەن حالىقتى ۇرۋ ءۇشىن جۇگىرگەنىم جوق. مەن "نۇر وتان" پارتياسى اتىنان دەپۋتاتتىققا ۇمىتكەر رەتىندە تىركەلدىم. سوندىقتان حالىق الاڭدا ايقايلاپ تۇرا بەرگەننەن ءبىر مامىلەگە كەلىپ, سويلەسپەكشى بولدىم.

مەن سول كۇنى قارا ماسكادا تۇردىم. حالىق سوندا دا مەنى تانىپ قويدى. تانىسا دا تۇرا بەردىم. تانىدى-اۋ دەپ قاستارىنا بارعانىمدا ولار "ەرماحان ءبىزدى ۇرۋعا كەلدى" دەپ ويلادى. سودان ەكى ايەل مەنىڭ كوكىرەگىمنەن يتەرىپ, "ەرماحان كەت", "ەرماحان سەن ونباعانسىڭ", "سەن حالىقتىڭ ساتقىنىسىڭ" دەدى. مەن ولارعا ءبىر اۋىز ءسوز ايتپاستان جابىلا باستادى.

ارينە مەن ەشكىمدى كىنالامايمىن. مەنىڭ نامىسىما تيگەنى "ەرماحان سەن "نۇر وتان" پارتياسىنىڭ قۇيىرشىعىسىڭ, سەن سولاردىڭ ءسوزىن سويلەيسىڭ", "سەن حالقىڭدى ساتتىڭ" دەگەن سوزدەر. مەن ەشكىمنىڭ قۇيىرشىعى ەمەسپىن. مەن حالىقپەن اشىق ديالوگ قۇرۋ ءۇشىن كەلدىم, ؛&ndash؛ دەدى بوكسشى. ؛

ەسكە سالا كەتەيىك, سايلاۋعا بويكوت جاريالاپ 10 قاڭتار كۇنى الاڭعا شىعىپ, ارنايى جاساق قورشاۋىندا بولعان "دەموكراتيالىق پارتيا" باستاماشىل توبىن سابىرعا شاقىرۋعا تىرىسقان ەرماحان يبرايموۆ نارازى توپپەن جانجالداسىپ قالعان بولاتىن.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر