فوتو: qamshy.kz
پرەزيدەنت قاسىم-جومارت توقاەۆ جاڭاتاس قالاسىندا قازا بولعان بالالاردىڭ اتا-انالارىنا كوڭىل ايتتى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي facebook پاراقشاسىندا حابارلادى.
"پرەزيدەنت قاسىم-جومارت توقاەۆ جاڭاتاس قالاسىندا بولعان ءورت سالدارىنان بالالاردىڭ قازا بولۋىنا بايلانىستى كوڭىل ايتۋ جەدەلحاتىن جولدادى.
مەملەكەت باسشىسى ابدىمالىكوۆتەر وتباسىنىڭ قايعىلارىن ءبولىسىپ, قازا بولعان بالالاردىڭ اتا-اناسى مەن تۋىستارىنا جۇباتۋ لەبىزىن ءبىلدىردى" دەلىنگەن حابارلامادا.
پرەزيدەنت بۇل جاعدايدى ءبىر عانا وتباسىنىڭ ەمەس, بۇكىل ەلىمىزدىڭ باسىنا تۇسكەن تراگەديا دەپ سانايدى.
ول بالالاردىڭ اتا-انالارىنا جان-جاقتى كومەك كورسەتۋدى تاپسىردى.
مەملەكەت باسشىسىنىڭ كوڭىل ايتۋ جەدەلحاتىن جامبىل وبلىسىنىڭ اكىمى بەردىبەك ساپارباەۆ جەتكىزدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر