“قاسقىردىڭ ۇلىعانى ەستىلىپ تۇردى”. جوعالعان بالانىڭ تابىلعانى حابارلاندى

ەكى كۇن دالالىقتا جوعالىپ كەتكەن ءجاسوسپىرىمدى پوليسەي اتپەن ىزدەپ تاۋىپ العان, دەپ حابارلادى ؛polisia.kz سايتى.

سايت مالىمەتىنشە, 16 اقپاندا قاراعاندى وبلىسى جاڭاارقا اۋدانىنىڭ پوليسيا بولىمىنە 14 اقپاندا قىستاقتاردىڭ بىرىنەن 16 جاستاعى ءجاسوسپىرىمنىڭ شىعىپ كەتىپ, قايتىپ ورالماعانى تۋرالى حابارلاما تۇسكەن. اتالعان اقپارات تۇسكەن ساتتەن باستاپ پوليسيا قىزمەتكەرلەرى جەدەل-ىزدەستىرۋ ءىس-شارالارىن ۇيىمداستىرىپ, بالانى ىزدەگەن.

بۇعان دەيىن بالانىڭ اتا-اناسى ەكى كۇن بويى وزدەرى ىزدەگەنىمەن, تابا الماعان.

ىزدەۋ شاراسىنا جاڭاارقا اۋدانى بيدايىق كەنتىنىڭ ۋچاسكەلىك پوليسيا ينسپەكتورى جۇبانىش جۇنىسبەكوۆ تە قاتىسقان.

ۋچاسكەلىك پوليسەيدىڭ ايتۋىنشا, ىزدەۋشىلەر اۆتوكولىكتەرمەن اتتانعان. ال ول ءوزىنىڭ سەرىگى - پوليسيا قىزمەتكەرى كامي ۋسكەنباەۆ ەكەۋى اتپەن ىزدەۋگە شىققان.

&ndash؛ اتپەن ءجۇرىپ, اتىمەن ايعايلاپ شاقىردىق. ءبىز ءوز جاڭعىرىعىمىزدى ەستىپ جۇرگەندىكتەن, قيىن بولدى. سەرىگىمىز ەكەۋمىز ءاربىر تاستى, شومەلەنى زەرتتەدىك, بالانى بايقاماي قالمايتىنىمىزعا سەنىمدى بولۋىمىز كەرەك ەدى. كەش باتىپ كەلە جاتتى, كۇن باتقاننان كەيىن مۇندا ىزدەۋ مۇمكىن ەمەس بولاتىن. بايلانىس بولعان جوق, باعدارىمىزدان جاڭىلدىق. الايدا ءبىز قاراڭعى باتقانشا, ىزدەۋدى جالعاستىرا بەردىك. تاستارمەن ءجۇرۋ اتتارعا قيىن بولدى. ءبىز اتتان ءتۇسىپ, كەزدەسكەن شومەلەنى تەكسەرۋگە باردىق. سول جەردە ءبىز ونىڭ كۇرتەشەسىن كوردىك, &ndash؛ دەدى ۋچاسكەلىك پوليسەي.

ول جاقىنداپ كەلىپ قاراعاندا, بالانىڭ ءتىرى ەكەنىن بايقاعان. ءجاسوسپىرىم ىزعارلى جەلدەن ىقتاسىن ىزدەپ, جەردە تاستاردىڭ اراسىندا جاتقان.

ونىڭ ايتۋىنشا, باستاپقىدا ءجاسوسپىرىم شوك كۇيدە بولعان. پوليسەيلەرگە اڭ-تاڭ بولىپ قاراپ, ولاردى گالليۋسيناسيا ەكەن دەپ ويلاعان.

جاسوسپىرىم دالالىقتا اداسىپ قالىپ, قايتار جولدى ۇزاق ىزدەگەن. تۇندە شارشاعاندىقتان, ءارى توڭعاندىقتان شومەلەگە كىرىپ جىلىنباقشى بولعان. الايدا وعان جان-جاقتىڭ بارىنەن قاسقىردىڭ ۇلىعانى ەستىلىپ تۇرعان.

جاسوسپىرىم ەسىن جيعاننان كەيىن جىلاپ, پوليسەيلەرگە راقمەتىن ايتقان.

ۋچاسكەلىك پوليسەي جۇبانىش جۇنىسبەكوۆ پوليسيادا 2009 جىلدان بەرى قىزمەت اتقارادى.