فوتو: جامبىل وبلىسى اكىمىنىڭ ءباسپاسوز قىزمەتى.

جامبىل وبلىسى سارىسۋ اۋدانى جاڭاتاس قالاسى 2 ىقشاماۋدانداعى 5 قاباتتى تۇرعىن ءۇيدىڭ ء3-شى قاباتىندا ءورت بولىپ, 5 بالا قازا تاپتى, دەپ حابارلادى جامبىل وبلىسى اكىمىنىڭ ءباسپاسوز قىزمەتى.

پاتەر ىشىندە اتا-انانىڭ قاراۋىنسىز كامەلەت جاسىنا تولماعان 2015, 2016, 2017, 2019 جانە 2020 جىلدارى تۋعان بەس بالا قالىپ قويعان.

الدىن الا مالىمەتتەر بويىنشا, ءۇيدىڭ وتاعاسى جۇمىستا بولعان, ال اناسى دۇكەنگە شىعىپ كەتكەن. ءورت سالدارىنان كامەلەت جاسىنا تولماعان بالالار تۇتىنگە ۋلانىپ, جەدەل تۇردە اۋرۋحاناعا جەتكىزىلدى. الايدا اراعا ءبىراز ۋاقىت سالىپ, كوز جۇمعان.

"وقىس وقيعانىڭ سەبەبىن انىقتاۋ ءۇشىن جامبىل وبلىسى اكىمىنىڭ تاپسىرماسىمەن ارنايى كوميسسيا قۇرىلدى. وبلىس اكىمىنىڭ ورىنباسارى ۇلان جازىلبەكتىڭ توراعالىعىمەن كوميسسيا وقيعا ورنىنا اتتاندى. كوميسسيا قۇرامىنا پروكۋراتۋرا, پوليسيا دەپارتامەنتى, توتەنشە جاعدايلار جونىندەگى دەپارتامەنت پەن باسقا دا مۇددەلى مەملەكەتتىك ورگانداردىڭ وكىلدەرى ەنگەن. ؛جەرگىلىكتى اتقارۋشى ورگاندار تاراپىنان قارا جامىلعان وتباسىعا جان-جاقتى كومەك كورسەتىلەدى. پسيحولوگ ماماندار جۇمىلدىرىلىپ, جەرلەۋ شارالارىن ۇيىمداستىرۋعا جاردەم بەرىلمەك. ؛

جاڭاتاسقا جامبىل وبلىستىق تجد باسشىسى مەن جەدەل توپ, جىلجىمالى ورت-تەحنيكالىق زەرتحانا, ءورت ءسوندىرۋ قىزمەتى مەن اپاتتىق-قۇتقارۋ قىزمەتىنىڭ پسيحولوگتارى شىقتى. ؛بۇدان بولەك, جاڭاتاس قالاسىنا وبلىس پروكۋرورى نۇرعالىم ءابدىروۆ پەن پوليسيا دەپارتامەنتىنىڭ باسشىسى جانات سۇلەيمەنوۆ اتتاندى. ؛وقىس وقيعا ورنىندا ءورت ءسوندىرۋ قىزمەتىنىڭ 6 قىزمەتكەرى 1 دانا تەحنيكا جۇمىس اتقاردى. ءورت تولىعىمەن اۋىزدىقتالدى" دەلىنگەن اقپاراتتىق ؛ حابارلامادا.

ورتەنگەن زاتتارداعى گازداردىڭ تولىق جانباۋىنان ۋلى گاز ءتۇزىلىپ, ۋلانۋ جاعدايلارىنا اكەپ سوققان.

وبلىس اكىمدىگى اتا-انالاردان بالالارىن قاراۋسىز قالدىرماۋدى سۇرايدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر