قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ الماتى وبلىسىنا جۇمىس ساپارىمەن كەلدى. مەملەكەتتىك حاتشى «؛رۋحاني جاڭعىرۋ»؛ باعدارلاماسىنىڭ وڭىردە جۇزەگە اسىرىلۋ جانە جىر الىبى جامبىل جاباەۆتىڭ 175 جىلدىق مەرەيتويىن مەرەكەلەۋگە دايىندىق بارىسىمەن تانىستى.

ساپاردا مەملەكەتتىك حاتشىمەن بىرگە الماتى وبلىسىنىڭ اكىمى اماندىق باتالوۆ, الماتى قالاسىنىڭ اكىمى باقىتجان ساعىنتاەۆ, قر مادەنيەت جانە سپورت ءمينيسترى اقتوتى رايىمقۇلوۆا, جازۋشىلار وداعىنىڭ ءتوراعاسى ۇلىقبەك ەسداۋلەت بىرگە ءجۇرىپ, قاراساي جانە جامبىل اۋداندارىنداعى ءبىرقاتار الەۋمەتتىك-مادەني نىسانداردا بولدى.

اتاپ ايتساق, رەسمي وكىلدەر قازاقستان رەسپۋبليكاسى تۇڭعىش پرەزيدەنتى &ndash؛ ەلباسىنىڭ «؛اتامەكەن»؛ تاريحي-مادەني ورتالىعىنداعى مۋزەيلىك ەكسپوزيسيالارمەن تانىستى.

اتالمىش مادەني ورتالىق شامالعان اۋدانىندا بوي كوتەرگەن. 2017 جىلى بۇقارا ءۇشىن ەسىگىن ايقارا اشقان ەدى. نىساننىڭ جالپى اۋدانى, 3,500 گا, ال مۋزەيدىڭ ورنالاسقان جەرى 1249,5 شارشى مەتىردى قۇرايدى.

ەلباسىنىڭ «؛اتامەكەن»؛ تاريحي-مادەني ورتالىعىنىڭ باستى باعىتى- حالىققا مادەني جانە رۋحاني قىزمەت كورسەتۋ. مۇراجايدا تۇڭعىش پرەزيدەنتتىڭ سارا جولىنان سىر شەرتەتىن 4-ەكسپوزيسيالىق زال جۇمىس جاسايدى. تاريح قوينايىنا ەنەتىن قۇندى دەرەكتەرگە تولى عيماراتقا كەلۋشىلەر سانى از ەمەس. اتالعان ورتالىققا 76 مىڭنان استام قوناق كەلىپ, 2429 ەكسكۋرسيا وتكىزىلگەن.

قىرىمبەك كوشەرباەۆ وتكەن جىلى قازان ايىندا الماتى وبلىسىنا تابان تىرەگەن بولاتىن. ول كەزدە, مينسيتىرلىك بەكىتكەن جۇمىس جوسپارلارىنىڭ جەتىسۋ ولكەسىندە جۇزەگە اسىرىلۋىن باعامداپ قايتقان ەدى.

ىسساپار بارىسىندا, مەملەكەتتىك حاتشى «؛رۋحاني جاڭعىرۋ»؛ باعدارلاماسى بويىنشا «؛تۋعان جەر»؛ جوباسىنىڭ اياسىندا بوي كوتەرگەن ء«؛ۇشقوڭىر»؛ دەنە شىنىقتىرۋ-ساۋىقتىرۋ كەشەنىنە باردى. كەشەن ىشىندەگى باسسەيندى, سپورت زالدارىن ارالاپ, دالاداعى فۋتبول الاڭىن كورىپ, سپورتتىق جاتتىعۋلار مەن ويىنداردىڭ بارىسىنا كۋا بولدى.

جىر الىبىنىڭ مەرەيتويىن وتكىزۋ جوسپارى تانىستىرىلدى

بيىلعى جىلداعى ايتۋلى شارالاردىڭ ءبىرى, جىر الىبى جامبىلدىڭ 175 جىلدىعى. عاسىر اقىنىنىڭ وشپەس مۇراسىن ۇلىقتاۋدى ۇمىت قالدىرماعان قىرىمبەك كوشەرباەۆ باستاعان توپ ج.جاباەۆتىڭ ادەبي-مەموريالدى مۋزەيىنە بارىپ, الدىمەن مۋزەي الدىنا قويىلعان اقىننىڭ ەسكەرتكىشىنە گۇل شوقتارىن قويىپ, تاعزىم ەتتى. جىر الىبىنىڭ ءوزى تۇرعان ءۇي مۋزەي رەتىندە جابدىقتالعان. ونىڭ ىشكى بولمەلەرىن, اقىننىڭ تۇتىنعان بۇيىمدارىن, مۋزەي قابىرعاسىنا جاعالاي ىلىنگەن ءومىرى مەن تۆورچەستۆوسى تۋرالى جادىگەرلەردى تاماشالادى. وبلىس اكىم اماندىق باتالوۆتىڭ ايتۋىنشا, ادەبي مۋزەي كەيىنگى جىلدارى كەڭەيتىلىپ, قوسالقى عيماراتپەن تولىقتىرىلعان. وسى ارادا وبلىس باسشىسى بيىلعى مەرەيتويلارىنا بايلانىستى جەتىسۋ ءوڭىرى ارنايى شىعارعان جامبىل مەن مۇقاعالي اقىنداردىڭ كىتاپتارىن قوناقتارعا سىيعا تارتتى.

«؛قاسىم جومارت توقاەۆ كەمەلۇلىنىڭ جارلىعىمەن وتكەن جەتىدە جامبىل جاباەۆتىڭ 175 جىلدىعىن ءۇيىمداستىرىپ,ىس-شارالاردى وتكىزۋ ءۇشىن ارنايى مەملەكەتتىك كوميسسيا قۇرىلدى. كەلەسى اپتادا ءبىرىنشى وتىرىسى بولادى جانە سىزدەر بىلەسىزدەر 28 اقپان كۇنى جامبىل اقىننىڭ تۋعان كۇنى.سونىڭ قارساڭىندا 6 اقپاندا نۇر-سۇلتان قالاسىندا جانە قازاقستاننىڭ بارلىق ەلدى مەكەندەرىندە, سونداي-اق شەتەلدەردە جامبىل اتامىزعا قويىلعان ەسكەرتكىشتەرگە گۇل شوقتارى قويىلىپ ءار ءتۇرلى ءىس-شارالار ءوتىلدى. بۇگىن ءبىز ەلباسى مەن پرەزيدەنت تاپسىرماسىنىڭ شەڭبەرىندە, الماتى وبلىسىنىڭ باسشىلىعى,مادەنيەت مينيستىرلىگى ءبارىمىز وسىندا كەلىپ,جامبىل اتامىزدىڭ باسىنا ءتاۋ ەتىپ,نيەتىمىزدى ءبىلدىرىپ,وسى ءىس-شارالاردىڭ العاشقى قادامىن جاساپ وتىرمىز. ۇلتتىق رۋحاني جاڭعىرۋداعى ەڭ ءبىرىنشى ەسكە تۇسەتىن تۇلعالاردىڭ ءبىرى اباي قۇنانبايۇلى مەن جامبىل جاباەۆ. ولاردىڭ وشپەس مۇرالارىن ۇرپاق جادىندا جاڭعىرتۋ پارىزىمىز»؛,-دەدى قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ.

اتاپ وتسەك, الماتى وبلىسىندا جامبىل جاباەۆتىڭ مەرەيتويىنا بايلانىستى ءىس-شارالار جوسپارى ازىرلەنگەن. وندا اقىن تۋرالى بيوگرافيالىق ءفيلمنىڭ ءتۇسىرىلىمى, ءومىرى مەن شىعارماشىلىعىنا قاتىستى كىتاپتار شىعارۋ, اقىندار ايتىسىن وتكىزۋ, مادەني ەسكەرتكىشتەر ورناتۋ, سۋرەتشىلەردىڭ حالىقارالىق پلەنەرىن وتكىزۋ جانە ت.ب. شارالار قاراستىرىلعان.

"قامشى" سىلتەيدى
ىلمەك سوزدەر: جامبىل الماتى وبلىسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر