زەينەتاقى جيناقتارىن ينۆەستيسيالاۋ: قىزمەت قاشان قول جەتىمدى بولماق؟

قازاقستاندىقتار زەينەتاقى جيناقتارىنىڭ ءبىر بولىگىن كەلەسى اپتادان باستاپ ينۆەستيسيالاۋشى كومپانياعا بەرە الادى. ؛بۇل تۋرالى قارجى نارىعىن رەتتەۋ جانە دامىتۋ اگەنتتىگى باعالى قاعازدار نارىعى دەپارتامەنتىنىڭ ديرەكتورى ەدىل مەدەۋ مالىمدەدى.

قازىرگى تاڭدا زەينەتاقى اكتيۆتەرىن باسقارۋعا قاتىستى جۇمىستار جۇرگىزىلىپ جاتقانىن ايتتى. كەلەسى اپتادان باستاپ قىزمەت قولجەتىمدى بولادى.

"زەينەتاقى اكتيۆتەرىن باسقارۋدى جوسپارلاپ وتىرعان جەكەلەگەن باسقارۋشى كومپانيالار بجزق-مەن زەينەتاقى اكتيۆتەرىن سەنىمگەرلىك باسقارۋ شارتتارىن جاساسۋ جۇمىسىن باستاپ كەتتى. اقپاننىڭ باسىنان ولار اقپارات الماسۋعا جانە زەينەتاقى جيناقتارىن بەرۋگە بايلانىستى تەحنيكالىق ماسەلەلەردى پىسىقتاپ جاتىر. شارت جاساسىپ, بجزق سايتىندا باسقارۋشى كومپانيالاردىڭ ءتىزىلىمى جاريالانعاننان كەيىن سالىمشى كومپانيانى تاڭداپ, ءوز جيناقتارىنىڭ ءبىر بولىگىن سول جەرگە اۋدارا الادى. كەلەسى اپتادا بۇل وپسيا سالىمشىلارعا قولجەتىمدى بولادى دەپ ويلايمىز", - دەدى ەدىل مەدەۋ اگەنتتىكتىڭ بريفينگىندە.

قازاقستاندا 18 باسقارۋشى كومپانيانىڭ التاۋى زەينەتاقى اكتيۆتەرىن باسقارۋ قۇقىعىن پايدالانا الاتىنىن ناقتىلاندى. بۇل تۋرالى اگەنتتىك ءتوراعاسىنىڭ ورىنباسارى ماريا حادجيەۆا ايتىپ بەردى. ؛

"بۇل بيزنەستى جۇرگىزۋگە ارنالاعان شەشىم, سوندىقتان باسقارۋشى كومپانيا مەن ونىڭ اكسيونەرلەرى بۇل شەشىمدى وزدەرى قابىلداۋى كەرەك. سول سەبەپتى التى كومپانيانىڭ ءبارى بۇل قىزمەت نارىعىنا شىقپاۋى دا مۇمكىن. باسقارۋشى كومپانيالاردى قوسۋ, ولاردىڭ بۇل قىزمەتتى مىندەتتى تۇردە كورسەتەتىنىن بىلدىرمەيدى", - دەپ ءتۇسىندىردى حادجيەۆا.

زەينەتاقى جيناقتارىن كومپانيالار باسقارۋىنا بەرۋ ءۇشىن ونى بجزق-مەن بىرگە جۇرگىزەتىن قوسىمشا شارت جاساسۋ قاجەت.

بۇعان دەيىن اگەنتتىك جيناقتاردى مەرزىمىنەن بۇرىن الۋ شەڭبەرىندە قازاقستاندىقتاردىڭ زەينەتاقى اكتيۆتەرىن باسقارۋعا رۇقسات بەرە الاتىن التى كومپانيانى اتادى:

- first heartland jysan invest اق؛

- bcc invest اق - "بانك سەنتركرەديت" اق-نىڭ ەنشىلەس ۇيىمى؛

- halyk global markets اق ("قازاقستان حالىق بانكى" اق ەۇ)")؛

- halyk finance "قازاقستان حالىق بانكى" ەۇ اق؛

- first heartland capital اق؛

- "سەنتراس سەكيۋريتيز" اق.