16 اقپان, 2021 ەكونوميكا
كورنەكى سۋرەت
قازاقستاندا ازاماتتاردىڭ تابىسى ارتىپ, مەدياندىق (ەڭبەككە قابىلەتتى تۇرعىنداردىڭ جارتىسى اراتىن جالاقى) جانە ورتاشا جالاقى جىل سايىن وسكەنىمەن, ەكى جىلدان بەرى ەڭ تومەنگى جالاقى 42500 تەڭگە مولشەرىندە قالىپ وتىر. ەكونوميستەر ورتاشا, مەدياندىق جالاقى مەن ەڭ تومەنگى جالاقى اراسىنداعى ايىرماشىلىق الشاقتاعان سايىن الەۋمەتتىك تەڭسىزدىك ۇلعايا بەرەتىنىن ايتادى.
2020 جىلدىڭ قورىتىندىسىنا ساي, جۇمىس ىستەيتىن ازاماتتاردىڭ جارتىسىنان استامى ايىنا 142,3 مىڭ تەڭگە تابادى. ەلدەگى مەدياندىق جالاقى مولشەرى وسىنشا. ەۋروپاداعى ەكونوميكالىق ستاندارتقا ساي, ەلدەگى تومەنگى جالاقى مەدياندىق جالاقىنىڭ 50 پايىزىنا تەڭ بولۋعا ءتيىس. ال قازاقستاندا ول 30 پايىزعا جەتپەيدى. بىلتىر picodi.com پورتالى ەلدەگى ەڭ تومەنگى جالاقى مولشەرى الەمدەگى ەڭ تومەنگىلەردىڭ ءبىرى ەكەنىن حابارلاعان. مۇنى وتاندىق ساراپشىلار دا ۇدايى كوتەرىپ كەلەدى.
قارجىگەر جاسۇلان كۋشەباەۆ ەڭ تومەنگى جالاقىنى ەسەپتەۋدىڭ مەتوديكاسىن وزگەرتۋ كەرەكتىگىنە نازار اۋداردى
؛&ndash؛ ەڭ تومەنگى جالاقى ورتاشا جالاقى مولشەرى مەن ينفلياسيا دەڭگەيىمەن پروپورسيونالدىق تۇردە ءوسىپ وتىرۋى كەرەك. ولاي بولماعان جاعدايدا الەۋمەتتىك تەڭسىزدىك پايدا بولادى. بۇل الەۋمەتتىك شيەلەنىستەرگە اكەلىپ سوعۋى مۇمكىن. ال ونىڭ سالدارى ەل ءۇشىن اۋىر بولۋى ىقتيمال. سوندىقتان ەڭ تومەنگى جالاقىنى ەسەپتەۋدىڭ مەتوديكاسىن وزگەرتۋ كەرەك. ءبىز ءجيى ۇلگى الاتىن رەسەيدىڭ وزىندە 2021 جىلدان باستاپ ەڭ تومەنگى جالاقى مەدياندىق جالاقىنىڭ 43 پايىزىن قۇرايتىن بولادى. قازاقستان ۇكىمەت 2023 جىلى ەڭ تومەنگى جالاقى ورتاشا جالاقىنىڭ 30 پايىزىن قۇرايتىنىنا ۋادە بەرىپ وتىر. قالاي بولارىن ۋاقىت كورسەتەر, &ndash؛ دەيدى قارجىگەر.
ەكونوميست ماقسات حالىق ورتاشا جالاقىنىڭ جىل سايىن ءوسىپ كەلە جاتقانى تۋرالى پروپاگاندامەن اينالىسۋ ازاماتتاردىڭ بيلىككە دەگەن سەنىمىن تۇسىرەدى دەپ سانايدى.
؛
&ndash؛ شەندىلەر حالىققا "ورتاشا جالاقى 200 مىڭ تەڭگەدەن استى" دەگەندى ءجيى ايتادى. شىنايى جاعداي ولاي ەمەس قوي. مۇندايدى ەستىگەندە 60 مىڭ, 70 مىڭ, 80 مىڭ تەڭگە الىپ وتىرعان ازاماتتار ىشتەي كۇلەدى. كەرىسىنشە, "ازاماتتاردىڭ كوبى 150 مىڭ تەڭگەگە جۋىق جالاقى الادى" دەسە حالىقتا شەندىگە دەگەن سەنىم, سىيلاستىق پايدا بولادى. بۇل ونىڭ حالىققا جاقىندىعىن كورسەتەدى. وندايلاردى حالىق تا تۇسىنەدى. سوندىقتان ازاماتتارمەن ديالوگ ورناتۋدا شىنايى جاعدايدى بۇكپەسىز بايانداعان ءجون, &ndash؛ دەپ اتاپ ءوتتى ول.
جاسۇلان كۋشەباەۆ ەلدەگى كەدەيلىك شەگىن انىقتاۋ مەتوديكاسى دا وركەنيەتتى ەلدەردەگى ستاندارتتارمەن ساي كەلمەيتىنىن ايتادى.
؛
&ndash؛ الەمدىك بانك ستاندارتى بويىنشا ازامات كۇنىنە 5,5 دوللاردان از اقشا جاراتاتىن بولسا, وندا كەدەي بولىپ سانالادى. تەڭگەمەن بۇل كۇنىنە 2300 تەڭگە, ايىنا 70 مىڭ تەڭگە. بۇل ەسەپكە ساي, جالاقىسى 70 مىڭ تەڭگەدەن از قازاقستاندىقتار كەدەيشىلىكتە ءومىر ءسۇرىپ جاتقان بولىپ سانالادى. ياعني, ەلدە 2 ميلليوننان استام ادام كەدەي دەگەن ءسوز. ال بىزدە كۇنىنە 1,9 دوللاردان از جۇمسايتىندار عانا كەدەكشىلىك شەگىنە جاتقىزىلادى. مۇنداي مەتوديكامەن ارينە قازاقستاندا كەدەيلەر سانى از بولىپ شىعادى. ءبىز ءوزىمىز ماقسات ەتىپ وتىرعان وزىق وتىزدىققا كىرگىمىز كەلسە, بۇل مەتوديكانى وزگەرۋىمىز كەرەك, &ndash؛ دەيدى ساراپشى.
؛
ماقسات حالىق دۇنيەجۇزىلىك بانك ەسەبىنشە, كەدەيشىلىك شەگى قازاقستاندا 8-12 پايىز ارالىعىندا ەكەنىن مالىمدەدى.
&ndash؛ ەۋروپادا ازاماتتار ازىق-تۇلىككە جالاقىنىڭ 10 پايىزىن جۇمساسا, قازاقستاندىقتار 56 پايىزىن جاراتادى. بۇل ءبىزدىڭ ازاماتتاردىڭ ازىق-تۇلىكتى كوپ تۇتىناتىنىن بىلدىرمەيدى, كەرىسىنشە جالاقى تومەندىگىنىڭ كورىنىسى. سوندىقتان جالاقىنى ارتتىرماي, ەلدىڭ الەۋمەتتىك جاعدايى جاقسارمايدى, &ndash؛ دەگەن پىكىردە ەكونوميست.
جاسۇلان كۋشەباەۆ بالالاردىڭ كەدەي وتباسىلاردا وسكەنى ەل بولاشاعى ءۇشىن تەرىس اسەر ەتەدى دەپ سانايدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر