ارنايى ەسەپشوتتى قالاي اشۋ كەرەك

وتباسى بانكىندە زەينەتاقى جيناقتارىن اۋدارۋعا ارنالعان ەسەپشوتتى ەكى جولمەن اشۋعا بولادى. ءبىرىنشىسى - ؛ "جسسب24" ءموبيلدى قوسىمشاسى. ەكىنشىسى &ndash؛ بايلانىس ورتالىعىنا بەينەقوڭىراۋ جاساۋ. بۇگىندە وتباسى بانكىنەن بولەك حالىق بانكى دە زەينەتاقى جيناقتارىن پايدالانۋ جۇيەسىنە وپەراتور رەتىندە قوسىلىپ, ءوز قوسىمشاسىندا ارنايى ەسەپشوتتاردى اشۋ قىزمەتىن ىسكە قوستى. وندا جيناقتىڭ ەسەبىنەن يپوتەكا راسىمدەۋ, قارىزدى وتەۋ جانە قايتا قارجىلاندىرۋ قاراستىرىلعان. ال وتباسى بانكىندە تۇرعىن ءۇي ماسەلەسىمەن بىرگە ەمدەۋ شارالارىن دا شەشۋگە ءبولادى.

وتىنىم قالاي جىبەرىلەدى

وتىنىمدەر ؛ ؛www.enpf-otbasy.kz ؛سايتى ارقىلى جىبەرىلەدى. ەگەر ارنايى ەسەپشوت بولماسا, ونى ءوتىنىم بەرۋ كەزىندە اشۋعا مۇمكىندىك بار. ءوتىنىم ماقۇلدانعاننان كەيىن 5 جۇمىس كۇنى ىشىندە زەينەتاقى جارنالارىنىڭ ءبىر بولىگى ارنايى ەسەپشوتقا تۇسەدى. ؛

پورتالعا قانداي قۇجات جۇكتەۋ كەرەك

پاتەردى تولىعىمەن ساتىپ الساڭىز, پورتالعا جەكە اداممەن نەمەسە قۇرىلىس كومپانياسىمەن اراداعى ساتىپ الۋ كەلىسىمشارتىن جۇكتەۋ كەرەك. بۇدان بولەك, وسى قۇجاتتىڭ حقكو-دا تىركەلگەنى تۋرالى انىقتاما جىبەرىلەدى. ال زەينەتاقى جارناسىن العاشقى جارنا رەتىندە پايدالانىپ, يپوتەكانى "وتباسى بانكىندە" ەمەس, باسقا بانكتە راسىمدەسەڭىز, سول بانكتىڭ كرەديت بەرۋدى ماقۇلداعانى تۋرالى حاتتى تىركەۋ كەرەك. ؛

زەينەتاقى جيناقتارىن جەكە تۇرعىن ءۇي قۇرىلىسىنا پايدالانۋ ءۇشىن ءبىراز قۇجات جيناۋ قاجەت. سونىڭ ىشىندە ساۋلەت-جوسپارلاۋ تاپسىرماسى, مەردىگەرلىك تۋرالى كەلىسىمشارت (ونى ارنايى ليسەنزياسى بار قۇرىلىس كومپانياسى بەرەدى), قۇرىلىس-مونتاجداۋ جۇمىستارىنا كەتەتىن شىعىندار سمەتاسى (ونى دا قۇرىلىس كومپانياسى جاسايدى), ەسكيزدى جوبا جانە قۇرىلىستىڭ باستالعانى تۋرالى ەسكەرتۋ حات بار. وسى قۇجاتتاردىڭ نەگىزىندە قۇرىلىس كومپانياسىنا اقشا اۋدارىلادى. ءبىراق ەكى جىلدان كەيىن ءۇيدىڭ قۇرىلىسى اياقتالعانى تۋرالى قۇجاتتى جىبەرۋ كەرەك.

ەسەپشوتقا اۋدارىلعان سوما 45 كۇن ىشىندە پايدالانىلماسا...

ارنايى ەسەپشوتقا اۋدارىلعان زەينەتاقى جيناعىن پايدالانۋعا 45 كۇن بەرىلەدى. ال دەمالىس كۇندەرىن قوسا ەسەپتەگەندە ەكى ايعا دەيىن سوزىلادى. دەگەنمەن, قانداي دا سەبەپتەرگە بايلانىستى اقشا پايدالانباي قالسا, بانك ونى قايتادان ءبىرىڭعاي جيناقتاۋشى زەينەتاقى قورىنا اۋدارادى. سوسىن ءوتىنىمدى ەكىنشى رەت بەرۋگە بولادى.

بەس جىلدىق شەكتەۋ قانداي يپوتەكاعا قاتىستى

يپوتەكانىڭ مەرزىمى بەس جىلدان ارتىق بولعان جاعدايدا, سونداي-اق, كرەديت زەينەتاقى جيناقتارىنىڭ ەسەبىنەن راسىمدەلسە, ءۇيدى بەس جىل بويى ساتۋعا تىيىم سالىنادى. وسى نورما تەك يپوتەكالىق قارىزدارعا عانا تارالادى. ال زەينەتاقى جيناقتارىنىڭ ەسەبىنەن قارىز وتەلسە, بەس جىلدىق شەكتەۋ قويىلمايدى.

وتباسى بانكى كوميسسيا الا ما

ارنايى ەسەپشوت اشۋ, ودان اقشا اۋدارۋ جانە تاعى باسقا وپەراسيالار ءۇشىن ەشقانداي كوميسسيا الىنبايدى. سالىمشى ءوز اقشاسىن 45 كۇننىڭ ىشىندە پايدالانىپ ۇلگەرمەسە دە, بارلىق قارجىسى سول كۇيىندە ءبىرىڭعاي زەينەتاقى قورىنا قايتىرىلادى. ؛

پروسەنتسىز يپوتەكا راسىمدەلە مە

يندۋستريا جانە ينفراقۇرىلىمدىق دامۋ مينيسترلىگى ءبىرجولعى زەينەتاقى تولەمىن تۇرعىن ءۇي جاعدايىن جاقسارتۋعا پايدالانۋ ەرەجەسىن بەكىتتى. وندا يسلام بانكىنىڭ قارجىلاندىرۋ باعدارلامالارى اياسىندا تۇرعىن ءۇيدى ساتىپ الۋ تەتىگى قاراستىرىلعان. وسى ساناتتاعى يپوتەكانىڭ شارتتارى تۋرالى بانكتىڭ وزىنەن بىلۋگە بولادى.

جاقىن تۋىستارعا پاتەر الۋعا بولا ءما

اربىر ادام جەتكىلىكتىلىك دەڭگەيىنەن اساتىن زەينەتاقى جارناسىن جاقىن تۋىسىنا بەرە الادى. پورتالدا ارنايى قىزمەت بار. سول ارقىلى زەينەتاقى جارناسىن جاقىن تۋىسقا بەرۋگە بولادى. ول ءوز كەزەگىندە بەرىلگەن اقشانى العاشقى جارنا رەتىندە پايدالانادى, يا بولماسا, تولىعىمەن ءۇيدى ساتىپ الادى. ەرلى-زايىپتىلار دا زەينەتاقى جارناسىن بىر-بىرىنە بەرە الادى. ءبىراق ءوز ارالارىندا پاتەر ساتۋعا جانە ساتىپ الۋعا تىيىم سالىنعان. ؛

شەتەلدە پاتەر ساتىپ الۋ مۇمكىن بە

بىرجولعى زەينەتاقى تولەمىن تۇرعىن ءۇي جاعدايىن جاقسارتۋعا پايدالانۋ ەرەجەسىنە سايكەس, ءۇيدى تەك قازاقستان رەسپۋبليكاسىنىڭ اۋماعىندا عانا ساتىپ الۋعا بولادى.

ەمدەلۋ ءۇشىن پايدالانۋعا ءوتىنىش قالاي بەرىلەدى

ازىرشە, زەينەتاقى جيناقتارىنىڭ ءبىر بولىگىن ەمدەۋ شارالارىنا پايدالانۋ اياسىندا وتباسى بانكى عانا قىزمەت كورسەتۋگە كەلىستى. وسى ماقساتتا دا ارنايى ەسەپشوتتار اشىلادى.

sputnik.kz

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر