• usd 468.56

  • eur 497.56

  • rub 7.3

  • cny 67.18

29 ناۋرىز, 03:07:53
الماتى
+35°

سوڭعى جىلدارى تۇركيا مەن گرۋزيادان جارىسا جىلجىمايتىن مۇلىك ساتىپ الاتىن قازاقستاندىقتاردىڭ سانى كۇرت ارتقان. ءتىپتى, باي-باعىلاندار مەن شوۋ بيزنەس وكىلدەرى بىرىنەن سوڭ ءبىرى شەتەلدەگى قىمبات اپارتمەنتتەرى مەن ۆيللالارىن كورسەتىپ, ونسىزدا شابادانىن قولىنا الىپ, كوشۋگە شاق تۇرعان ؛ حالىقتىڭ دەلەبەسىن قوزدىرا تۇسۋدە.

ستاتيستيكاعا سەنسەك, 2019 جىلى تۇركيادان 700 وتانداسىمىز جىلجىمايتىن مۇلىك يەلەنگەن. ال كارانتين كەزىندە شەكارا اسىپ كەتۋشىلەر دۇرمەگى ودان سايىن ارتا ءتۇستى. ساراپشىلار 2020 جىلى الانيادا جىلجىمايتىن مۇلىكتىڭ باعاسى 10-15 پايىزعا وسكەنىن, ال تۇرعىن ءۇيدىڭ قىمباتتاي تۇسۋىنە جۇلدىزداردىڭ اسەر ەتكەنىن جاسىرمايدى. وسى ورايدا ايتا كەتەر جايت, ءقازىر تۇركيادا تۇرىپ جاتقان ءانشى قاراقات ءابىلدينا وتكەن اپتادا الەۋمەتتىك پاراقشاسىندا قازاقستاندىقتارعا ارناپ ارنايى جازبا قالدىردى. «؛قايىرلى كۇن, قازاق ەلى! جۇما قۇتتى-بەرەكەلى, دۇعا-تىلەك قابىل بولسىن! وسىناۋ ءبىر قاسيەتتى كۇندە سىزدەرگە ءبىر وي ايتسام دەيمىن. وسى كەزدەردە جازىپ جۇرگەن ويلارىمنىڭ استىنا جىلى جۇرەكتى, اق نيەتتى كوپ قاۋىم يگى, ىزگى سوزدەر جازادى, اللا ءسىزدى قۋانتسىن!

سونىمەن قاتار, سالماقتى وي, سارالى ءسوزدىڭ ءمان-ماعىناسىن دا ۇقپاي, ءاي-شاي جوق كيىپ كەتىپ, جەكە قۇقىعىڭدى تاپتاپ وتە شىعىپ, ىرىتكى سالاتىن «؛كىل اقىلدىلار»؛ جازىپ جاتاتىن پىكىرلەر دە كوزىمنەن قاشپايدى.

  1. «؛قيىندىقتان كوز اشپاي ءبىز ءجۇرمىز, سەن جاتىرسىڭ جىلى جاقتا»؛ دەپ بۇلدانعان ءبىر ادام. وتباسىم بولسا مىناۋ, كۇيەۋىم &mdash؛ اناۋ, سەندەر كەتتىڭ ەلدەن قاشىپ»؛ دەگەن نەتكەن كوپ كىسى. اينالايىندار-اۋ, مەن ەلدەن قاشاتىنداي جاۋ ما ەدىم؟! الدە ەلىم ماعان جاۋ ما ەدى؟!
  2. «؛ەلدىڭ ىشىندە نەگە وتىرمادىڭ؟»؛ دەيسىز, قاتاڭ كارانتين ەنگىزىلدى دەگەننەن بالالارىمدى باۋىرىما قىسىپ, تاپجىلماي جاتقان جوقپىز با ۇيدەن شىقپاي. وسى تۋرا 9 اي سىرتقى ەسىكتەن قادام اتتاپ باسپاي وتىردىق تا قويدىق. نە وزگەردى؟! مەنىڭ قولىمدا تۇرعان نە بار؟ باتپانداپ كەلگەن دەرتتەن مەن كىمگە اراشا بولا الام؟
  3. «؛حالىقتىڭ اقشاسىنا شالقىپ ءجۇرسىڭ»؛ دەپ كىنالاي ما تاعى. كىمنىڭ جولىن توسىپ, كىمنىڭ تونىن شەشىپ الدىق ەكەن؟! بىرەۋدىڭ اقىسىنا كىرىپ, الا ءجىبىن اتتاۋدان قۇداي ساقتاسىن! اللا كاسىبىمىزدىڭ بەرەكەسىنەن, بالالارىمنىڭ نەسىبەسىنەن, ەرىمنىڭ ادال ەڭبەك ەتىپ تاپقان ءناپاقاسىنان ايىرماسىن. مۇلدە باسقا نارسەنى مەڭزەپ تۇرعان پوستىڭ استىنا كەپ «؛اقتالىپ جاتىرسىڭ باا»؛ دەي مە&hellip؛ نەلىكتەن اقتالايىن؟! كىمگە بارىپ, نە ءۇشىن اقتالۋىم كەرەك؟ اللانىڭ الدىندا عانا اقتالامىن. ال كىسى الدىندا ارىم دا, اقىم دا اق! ءسوز سوڭىندا ايتارىم: وففلاين ءومىر بولسىن, ونلاين ءومىر بولسىن سوزدەرىڭدى سارالاپ, ايتارىڭدى باعامداپ العانعا نە جەتسىن! وتىز ەكى تىستەن وقتاي ۇشقان اۋىر ءسوز قايتا اينالىپ كەپ قاق ماڭدايدان سوققانداعى سالماعىنا توتەپ بەرە الار ما ەكەنبىز, سونى دا ويلاپ قويۋ كەرەك-اۋ&hellip؛ ء«؛لاق»؛ ەتكىزىپ ايتا سالعان, جازا سالعان كەسىرلى ءسوزدىڭ كيەسى يەسىنە, نە ۇرپاعىنا, ۇرپاعىنىڭ ۇرپاعىنا اسەر ەتپەسىنە كىم كەپىل؟ ويتكەنى, بۇل ومىردە ءبارى بۋمەرانگ زاڭىمەن وزىمىزگە قايتىپ كەلەدى. جاقسى ءسوز سويلەيىك اعايىن! بولماسا ۇندەمەيىك!»؛ دەيدى ءانشى.

راسىندا دا, ۇندەمەيىك قاراقات حانىم! ... ونسىز دا تارىداي شاشىلعان قازاقتى ءبىر قازاقيانىڭ استىنا جيناي الماي جاتقاندا سوڭعى جىلدارى قازاقتاردىڭ شەتەلگە جوڭكىلە كوشۋى سۇمدىق ۇلتتىق ماسەلە ەمەس پە؟! ءتىپتى سول قازاقتى جيناۋ ءۇشىن قانشا جىل ارنايى قانداستارىمىزعا ارناپ باعدارلاما جاساپ, ميلليونداعان اقشا جۇمساعان جوقپىز با؟! ال بۇگىنگى كۇنى قاراقاتتىڭ 3 ملن 700 مىڭ ادامى بار پاراقشاسىندا شەكارانىڭ ارعى بەتىن جارنامالاپ وتىرۋى باسقالارعا قالاي اسەر ەتەتىنىن نەگە ويلامايسىز دەگىمىز كەلەدى؟! ەلباسىنىڭ ءوزى وسى ماسەلەگە الاڭداپ, «؛شەتەلدەگى ءومىردى وزىمىزدە جاساۋعا تىرىسايىق»؛ دەپ جاتقاندا, قاراقاتتىڭ بىرەسە جىلجىمايتىن مۇلىكتى جارنامالاپ, بىرەسە ازىق تۇلىگىن, ەندى بىردە اۋا رايىن جارنامالاۋى پاراقشاسىنداعى ميلليونداعان حالىققا قالاي اسەر ەتەدى؟ سوندىقتان, ۇندەمەگەن دۇرىس اۋ!

 ؛  ؛كۇنى كەشە الەۋمەتتىك جەلىدەگى پاراقشاسىندا قاراقات حانىم بازارعا بارعانىن سالدى. اۋەلى كوشەدە كەزدەسىپ قالعان قازاقستاندىق اسكەري اداممەن تىلدەستى. «؛كوشىپ كەلگەنىمە ەكى جىلدان استى. كەلگەلى دەنساۋلىعىم جاقسى, قازاقستاندا اسكەري ادام بولىپ نەشە جىل قىزمەت ەتتىم, ءقازىر وسىندا قونىس اۋداردىم»؛ دەدى. ودان سوڭ «؛كوپتەن ويىمدا ءجۇر ەدى»؛ دەپ, الانياداعى جەمىس-جيدەك, كوكىنىستەردىڭ باعاسىن ايتىپ, ۆيدەوعا تۇسىرە باستادى. «؛قۇلپىناي 550 تەڭگە, اپەلسين ؛275, الما 275, ماندارين 330 تەڭگە, ءجۇزىم 500, كارتوپ 140 تەڭگە, قىزاناق 220. قايتا بۇل 2-3 كۇننەن بەرى قىمباتتاپ تۇرعانى ەكەن... »؛ دەپ. شىنى كەرەك, التىن وردانىڭ وزىندە كارتوپ 190 تەڭگە, الما 400 تەڭگە, ءجۇزىم 800 تەڭگە ال قۇلپىنايدى ەمگە تاپپاي تۇرعاندا تۇركياداعى الگى باعا ەرتەگىدەي كورىنەتىنى راس. ونىڭ ۇستىنە «؛سوڭعى كەزدەرى قازاقستاندىقتاردى ءجيى كورەمىن تۇركيادان, كوشەدەن كورىپ امانداسىپ جاتامىن»؛ دەگەنىنە قاراپ, پاراقشاسىنداعىلار ەلدە جۇرتتىڭ ورنىندا قالعانداي, كەلەشەگى جوق ەلدە ءوزى عانا قالعانداي الاڭدايتىنى راس. وسى ورايدا «؛الەۋمەتتىك جەلىدەگى مۇنداي جارناما قازاقستاندىقتارعا قالاي اسەر ەتەدى»؛؟ دەگەن ساۋالدى الەۋمەتتانۋشىلارعا دا قويىپ كورگەن ەدىك.

نۇربولات ايەكەشوۆ, الەۋمەتتانۋشى:

&ndash؛ راسىندا دا, ءقازىر شەتەل دەسە, ەلەڭدەپ تۇراتىندار كوبەيدى. وعان قاراقاتتاي جۇلدىزداردىڭ جەلىدەگى جارناماسى دا ءوز اسەرىن تيگىزەتىنى راس. پاندەميا كەزىندە ەلىمىز مەديسيناسىنىڭ قاۋقارسىزدىعى, ءتىپتى جاساندى تىنىس الۋ قوندىرعىسىنا جارىماي, شەتەلدەن كەلەتىن قوندىرعىعا تەلمىرىپ قالۋىمىز, باعانىڭ كۇن ساناپ اسپانداۋى حالىقتىڭ قوعامعا دەگەن سەنىمسىزدىگىن قالىپتاستىردى. ەلباسى قانشا جەردەن "كەتپەڭدەر" دەسە دە, كەتەم دەۋشىلەردى ۇستاپ قالۋ قيىن. ءبىر قينالاتىنىمىز, بۇرىن حالىق ەل باسىنا كۇن تۋعاندا شاشىراپ كەتسە, ءقازىر ايدىڭ كۇنىنىڭ امانىندا شەتەلدەگى ءومىردى اڭساپ كەتىپ قالۋدا. سوندىقتان بۇل ماسەلەنىڭ استارىنا ءۇڭىلىپ, مەملەكەت تاراپىنان جۇمىستار جۇرگىزىلۋى كەرەك. حالىققا قوعامنىڭ قامقورلىعىن سەزىندىرۋ كەرەك.

قۋانىش ەرسۇڭقار

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر