فوتو: عابيت نۇرحانۇلىنىڭ facebook پاراقشاسىنان
انەستەزيولوگ-رەانيماتولوگ عابيت نۇرحانۇلى نۇر-سۇلتان قالاسىنداعى كوپبەيىندى مەديسينالىق ورتالىقتاعى قىزمەتىنەن نەگىزسىز بوساتىلعانىن مالىمدەگەننەن كەيىن وزىنە قوقان-لوقى كورسەتىلگەنىن حابارلادى.
پاندەميا بويى الەۋمەتتىك جەلىدە ۆيرۋستان ساقتانۋ جولدارى تۋرالى تۇشىمدى اقپارات بەرىپ, قوعامعا اشىقتىعىمەن تانىلعان ؛عابيت نۇرحانۇلى بۇعان دەيىن facebook-تە دارىگەرلىك ەسەپتى قازاقشا بەرگەنى ءۇشىن ورتالىق ديرەكتورىنىڭ ينفەكسيالىق اۋرۋلار بويىنشا ورىنباسارى تاتيانا سەچوەۆا قىر سوڭىنا ءتۇسىپ العانىن, اقىرىندا "روتاسيا جاسايمىز" دەپ جۇمىس گرافيگىنە قوسپاعانىن جازعان. الايدا كوپ ۇزاماي دارىگەر جازباسى وشىرىلگەن. قامشى تىلشىسىمەن سويلەسكەن عابيت نۇرحانۇلى مۇنى "جازبا قىزۋ تالقىلانىپ, كوپشىلىك كوڭىل اۋدارا باستاعاندا قۇقىق قورعاۋ ورگانى قىزمەتكەرلەرى حابارلاسىپ, ماسەلەنى شۋ شىعارماي شەشىپ بەرەتىندەرىن ايتىپ, جازبانى ءوشىرۋدى سۇرادى" دەپ ءتۇسىندىردى. ارتىنشا "تاتيانا سەچوەۆانىڭ تۋىسى" دەلىنگەن ؛ارىپتەسى ۆيتاليي كالينا قوڭىراۋ شالىپ, "شۋلاتۋدى توقتاتپاعان جاعدايدا اڭگىمە باسقاشا بولادى" دەپ قوقان-لوقى كورسەتكەنىن ايتادى. دارىگەر "تاتيانا سەچوەۆامەن ارامىزدىڭ سۋۋىنا و باستا قازاقشا سويلەۋىم سەبەپ بولدى" دەپ سانايدى.
سونداي-اق ول تاتيانا سەچوەۆانىڭ "كوروناۆيرۋس گوسپيتالىندە ادام ۇزاق جۇمىس ىستەي المايدى. قىزىل ايماقتا كوپ جۇرگەن مامانعا روتاسيا جاسالادى نەمەسە ءبىر اي دەمالۋى كەرەك. كەيىن جۇمىسقا كىرىسە الادى. مۇنى كەز كەلگەن كاسىبي كادر بىلەدى" دەگەن سوزىن تەرىسكە شىعارادى.
؛
&ndash؛ "روتاسيا" دەگەن سىلتاۋمەن ۇناماعان ادامىن شىعارىپ, ورنىنا ادام الادى. قايتا قىزىل ايماقتا كوپ جۇرگەن ادامدا يممۋنيتەت قالىپتاسادى, ەگەر جاڭا ادام الىپ كەلسە, ول اۋىرىپ قالۋى مۇمكىن. قىركۇيەك ايىنان بەرى بىزدە بىردە-بىر مەديسينا قىزمەتكەرى اراسىندا اۋرۋ تىركەلمەدى. ءبارى &ndash؛ ىستەپ جۇرگەن ەسكى بريگادا. مەنىڭ جۇمىسىمدى باستاعانىما 5 اي بولدى, ەڭ سوڭعى كەلگەندەردىڭ ءبىرىمىن. كوبىنە ىستەپ جۇرگەندەرگە 7-8 اي بولعان, &ndash؛ دەيدى عابيت نۇرحانۇلى.
دارىگەر قىزمەتىنەن بوساتىلعانى تۋرالى بۇيرىق جوق ەكەنىن, ءبىراق جۇمىس كەستەسىنە دە قوسپاي وتىرعانى ايتادى. "ولار گرافيككە ەنگىزىلمەگەنىممەن كەلىسپەي, ءوز ەركىممەن جۇمىستان كەتكەنىمدى قالاپ وتىر", ؛&ndash؛ دەگەن مامان قازىرگى تاڭدا باسقا جۇمىس قاراستىرىپ جۇرگەنىن جەتكىزدى. سونداي-اق "كەيدە ادىلەتسىزدىكپەن الىسىپ شارشاعانشا, شەتەلگە كەتىپ, تىنىش ءومىر سۇرمەيمىن بە" دەگەن وي كەلەتىنىن دە جاسىرمادى.
قامشى تىلشىسىمەن سويلەسكەندە عابيت نۇرحانۇلىنىڭ داۋسىنان قوبالجۋ بايقالدى. "ايتقاندارىم وزىمە كەسىرىن تيگىزە مە" دەگەن ۇرەي بار سياقتى. سولاي ما؟" دەگەن ساۋالعا "ولار مافيا عوي, ءبىراق وسىعان بولا ءولتىرىپ تاستامايتىن شىعار" دەپ تۇتقانى قويۋعا اسىقتى. دەگەنمەن اڭگىمە سوڭىندا ايتقاندارىن جاريالاۋعا كەلىستى.
عابيت نۇرحانۇلى ەسىمدەرىن اتاعان تاتيانا سەچوەۆا تەلەفون تۇتقاسىن كوتەرمەسە, قامشى ءتىلشىسىنىڭ قوڭىراۋىنا جاۋاپ بەرگەن ۆيتاليي كالينا پىكىر بىلدىرۋدەن باس تارتتى.
ال نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ەڭبەك كودەكسى مەن كاسىپورىننىڭ ۇجىمدىق كەلىسىم-شارتتارىندا قىزمەتكەرلەردى ءبىر ورىننان ەكىنشى ورىنعا اۋىستىرۋ بار نورما ەكەنىن, سوعان سايكەس عابيت نۇرحانۇلىنا رەانيماسيا بولىمىنە اۋىستىراتىنى حابارلانعانىن جەتكىزدى.
سونداي-اق باسقارما باسشىسى عابيت نۇرحانۇلىنىڭ "تاتيانا سەچوەۆا مەديسينا ورتالىعىنا تۋىسقاندارىن جۇمىسقا ورنالاستىرعانى, جۇمىسقا قابىلداۋ بارىسىندا ءتىل, ءدىن, ۇلت سەكىلدى ەرەكشەلىكتەرگە نازار اۋداراتىنى" تۋرالى ايتقاندارىن جوققا شىعاردى.
تيمۋر مۇراتوۆ عابيت نۇرحانۇلى جەكە باسقا نۇقسان كەلتىرگەن نەمەسە قۇقىقتى بۇزعانى تۋرالى ناقتى دالەلدەر بولعان جاعدايدا, ءتيىستى قۇزىرلى ورگاندارعا جۇگىنىپ, ونى دالەلدەۋگە قۇقىلى ەكەنىن ەسكەرتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر