26 قاڭتار, 2021 ساياسات
فوتو: youtube
54 جاستاعى مارگاريتا يۋدينا سانكت-پەتەربۋرگتە وتكەن ميتينگتە ءوزىن تەپكەن ومون قىزمەتكەرىن سوتقا بەرمەك.
&ndash؛ مەن اۋرۋحانادا جاتقاندا پوليسەيلەر شاعىمىمدى تىڭداۋ ءۇشىن ەمەس مەنى تەپكەن ومون قىزمەتكەرىن كەشىرۋىمدى سۇراۋمەن الەك بولدى. ادامعا شابۋىل جاسالعانى انىق. ءبىز نەلىكتەن ومون قىزمەتكەرلەرىنىڭ ءبىزدى باسىمىزدان, ىشىمىزدەن, قولىمىزدان ۇرعانىن كەشىرۋىمىز كەرەك. مەنىڭ ورنىمدا كەز كەلگەن ادام بولۋى مۇمكىن ەدى, ؛&ndash؛ دەدى مارگاريتا يۋدينا.
اۋرۋحاناعا تۇسكەن مارگاريتا يۋديناعا تەك ءبىر-اق رەت مەديسينالىق كومەك كورسەتىلگەن. ونىڭ ايتۋىنشا, جاستىق قانعا بويالسا دا دارىگەرلەردىڭ ەشقايسىسى كومەككە كەلمەگەن.
وپپوزيسيونەر الەكسەي ناۆالنىيدى قولداۋ ماقساتىندا وتكەن ميتينگكە قاتىسقان مارگاريتا يۋدينا تەرگەۋ كوميتەتىنە شاعىم تۇسىرمەك. ول ءوزىن تەپكەن ومون قىزمەتكەرى تۋرالى اقپارات بىلمەكشى.
"نوۆايا گازەتا" جاريالاعان ۆيدەودان ومون قىزمەتكەرى گۇلمەن مارگاريتا يۋدينانىڭ پالاتاسىنا كىرىپ, كەشىرىم سۇراعانىن كورۋگە بولادى. بەلگىسىز ايەل پالاتاداعى جاعدايدى ۆيدەوعا ءتۇسىرىپ تۇر. اراسىندا اڭگىمەگە ارالاسىپ بەلسەندىدەن ونى كەشىرۋىن سۇرايدى.
ەستەرىڭىزگە سالا كەتەيىك, 23 قاڭتاردا رەسەيدىڭ بىرنەشە قالاسىندا قارسىلىق اكسياسى ءوتتى. حالىق ؛وپپوزيسيونەر الەكسەي ناۆالنىيدى تۇرمەدەن بوساتۋدى تالاپ ەتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر