• usd 468.56

  • eur 497.56

  • rub 7.3

  • cny 67.18

29 ناۋرىز, 03:32:14
الماتى
+35°

كوروناۆيرۋسقا قارسى ۆاكسيناسيا ازاماتتاردىڭ كەلىسىمىمەن ەرىكتى تۇردە جاسالادى جانە 18 جاسقا تولماعان بالالارعا ەكپە سالىنبايدى. بۇل تۋرالى دەنساۋلىق ساقتاۋ مينيسترلىگى حابارلادى.

"حالىق دەنساۋلىعى تۋرالى" كودەكستىڭ 77-بابى نەگىزىندە كەز كەلگەن ەكپە, ونىڭ ىشىندە كوروناۆيرۋس ينفەكسياسىنا قارسى ۆاكسيناسيا ەرىكتى تۇردە جۇزەگە اسىرىلادى. ازاماتتار ۆاكسيناسيادان جازباشا تۇردە باس تارتۋعا قۇقىلى.

18 جاسقا تولماعان بالالار مەن 65 جاستان اسقان ادامدارعا ۆاكسينانىڭ تيىمدىلىگى مەن قاۋىپسىزدىگى تۋرالى مالىمەت جوق, سوندىقتان بۇل جاستاعىلارعا ەكپە سالىنبايدى" دەلىنگەن مينيسترلىك تاراتقان حابارلامادا.

كوروناۆيرۋسقا قارسى ۆاكسيناسيا ەپيدەميولوگيالىق ماڭىزدىلىعىن ەسكەرە وتىرىپ, كەزەڭ-كەزەڭىمەن ؛ تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە جۇرگىزىلەدى.

1 اقپاندا باستالاتىن ءبىرىنشى كەزەڭدە ينفەكسيالىق اۋرۋحانا, جەدەل مەديسينالىق جاردەم, رەانيماسيا جانە قابىلداۋ بولمەلەرى, سانەپيدقىزمەتتىڭ مەديسينا قىزمەتكەرلەرى ۆاكسيناسيالانا الادى.

1 ناۋرىزدا باستالاتىن ەكىنشى كەزەڭدە جالپى ءبىلىم بەرەتىن مەكتەپتەردىڭ, جوو-دىڭ, پەداگوگتەر, مەديسينالىق قىزمەت قىزمەتكەرلەرى قامتىلادى.

1 ساۋىردەن باستاپ ءۇشىنشى كەزەڭدە: مەكتەپ-ينتەرناتتاردىڭ, مەكتەپكە دەيىنگى بالالار مەكەمەلەرىنىڭ پەداگوگتارىنا, ستۋدەنتتەر جانە سوزىلمالى اۋرۋلارى بار ادامدارعا ەكپە سالىنادى.

يممۋنداۋ الدىندا:

- ەگۋ سالدىراتىن ادامعا پروفيلاكتيكالىق ەگۋ, ىقتيمال رەاكسيالار مەن كەرى اسەرى, سونداي-اق ەگۋدەن باس تارتۋ سالدارى تۋرالى تولىق اقپارات بەرىلەدى؛

- ەرىكتى تۇردە اقپاراتتاندىرىلعان كەلىسىم نەمەسە باس تارتۋ قاعازى رەسىمدەلەدى (قر دسم 13.06.2018 ج. № 361 بۇيرىعىمەن بەكىتىلگەن "حالىققا پروفيلاكتيكالىق ەگۋلەردى جۇرگىزۋ بويىنشا سانيتاريالىق-ەپيدەميولوگيالىق تالاپتار" بك 1-قوسىمشاسىنا سايكەس).

- ادىستەمەلىك ۇسىنىمدارعا 2-قوسىمشاعا سايكەس ەگىلگەندەرگە ساۋالناما جۇرگىزىلەدى.

ايەلدەرگە ۆاكسينا سالماس بۇرىن جۇكتى ەمەس پە, بالا ەمىزبەي مە, سونى انىقتاۋ قاجەت.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر