فوتو: اشىق دەرەككوز
قازاقستان پرەزيدەنتى قاسىم-جومارت توقاەۆ سۋ كودەكسىنە تۇزەتۋلەر ەنگىزگەن زاڭعا قول قويدى, دەپ حابارلادى اقوردا رەسمي سايتى.
"مەملەكەت باسشىسى "قازاقستان رەسپۋبليكاسىنىڭ سۋ كودەكسىنە جەرگىلىكتى وكىلدى, ورتالىق جانە جەرگىلىكتى اتقارۋشى ورگاندار اراسىندا اۋىزسۋمەن جابدىقتاۋدى سۋبسيديالاۋ جونىندەگى وكىلەتتىكتەردىڭ اراجىگىن اجىراتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى" دەلىنگەن سايت ماتىنىندە.
ەندى اۋىل تۇرعىندارى اۋىز سۋ ءۇشىن از اقشا تولەي الادى.
بۇعان دەيىن سەناتتىڭ جالپى وتىرىسىندا ايتىلعانداي, ءقازىر اۋىلداردا اۋىز سۋ تاريفتەرى قالالارعا قاراعاندا جوعارى. مۇنىڭ ءبىر سەبەبى - اۋىلداردىڭ گەوگرافيالىق الىستىعىن, حالىقتىڭ تىعىزدىعىنىڭ تومەندىگىن جانە باسقا فاكتورلاردى ەسكەرە وتىرىپ, سۋ قۇبىرى ينفراقۇرىلىمى قۇرىلىسىنىڭ قىمباتتىعى. وڭىرلەردەگى سۋدىڭ قۇنىن تومەندەتۋ ءۇشىن بۇل شىعىنداردىڭ ءبىر بولىگىن مەملەكەت ءوز موينىنا الادى.
ۇسىنىلىپ وتىرعان نورمالار وڭىرلەردىڭ دامۋىنا جانە جەرگىلىكتى اتقارۋشى ورگاندار جۇمىسىنىڭ تيىمدىلىگىن ارتتىرۋعا ىقپال ەتەتىن بولادى.
سۋعا تاريفتەردى بەكىتۋدىڭ جاڭا تەتىگى ەنگىزىلدى. ەندى مۇنداي وكىلەتتىكتى جەرگىلىكتى وكىلدى ورگاندار &ndash؛ ءماسليحاتتار الادى. سونىمەن قاتار, جاڭا ءتاريفتى قابىلداي وتىرىپ, ولار ايماقتىڭ الەۋمەتتىك-ەكونوميكالىق دامۋىن جانە ادامداردىڭ ءومىر ءسۇرۋ دەڭگەيىن ەسكەرۋى كەرەك. اۋىل تۇرعىندارى ءۇشىن تاريف ورتاشا وبلىستىق دەڭگەيدەن جوعارى بولماۋى ءتيىس.
قازىرگى ۋاقىتتا رەسپۋبليكا بويىنشا بەرىلگەن اۋىز سۋدىڭ ءبىر تەكشە مەترى ءۇشىن ەڭ تومەنگى تولەم مولشەرى 15 تەڭگەنى قۇرايدى.
وسى زاڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر