مەملەكەت باسشىسى قاسىم-جومارت توقاەۆ دەنساۋلىق ساقتاۋ ءمينيسترى الەكسەي سويدى قابىلدادى. بۇل تۋرالى اقوردا سايتى حابارلادى.

مينيستر پرەزيدەنتكە كوروناۆيرۋس ىندەتىنە قارسى كۇرەس بويىنشا قازاقستاندا قابىلدانىپ جاتقان شارالار جونىندە ەسەپ بەردى.

سونىمەن قاتار ول توقاەۆقا پاندەميانىڭ جەر شارىنداعى نەگىزگى تارالۋ تەندەنسيالارى جانە ۆيرۋسقا قارسى كۇرەستەگى ەلىمىزدىڭ رەتينگى تۋرالى دا باياندادى.

دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنە سايكەس, 1 ميلليون ادامعا شاققانداعى ىندەتكە شالدىققانداردىڭ سانى بويىنشا قازاقستان 221 مەملەكەتتىڭ ىشىندە 109-ورىندا, وتكىزىلگەن تەست سىنامالارىنىڭ سانى بويىنشا 67-ورىندا, ءولىم-جىتىم بويىنشا 94-ورىندا, covid-19 ىندەتىنەن جازىلىپ شىققانداردىڭ سانى بويىنشا 48-ورىندا, دەرتتىڭ اۋىر ءتيۋى تۇرعىسىنان 50-ورىندا.

سوي مەملەكەت باسشىسىنا وڭىرلەردەگى ەپيدەميالىق جاعداي تۋرالى, سونىڭ ىشىندە كارانتين شارالارىنىڭ كۇشەيتىلۋى جانە ۇلتتىق  ؛دەنساۋلىق ساقتاۋ جۇيەسىنىڭ قولدا بار رەسۋرستارى جايىندا مالىمەت بەردى.

ول جۇقپالى اۋرۋلار ستاسيونارلارىنداعى دەرتكە شالدىققان ادامدار جاتاتىن ورىنداردىڭ 33 پايىزعا, جانساقتاۋ بولىمدەرىندە بۇل كورسەتكىش 21 پايىزعا تولعانىن ؛ايتتى. ؛ ؛

الەكسەي سوي covid-19 ۆيرۋسىن جۇقتىرعاندار سانىنىڭ كوبەيۋىنە قاراماستان, ەلىمىزدەگى احۋالدىڭ باقىلاۋدا تۇرعانىن جانە مەديسينالىق قىزمەتتىڭ ازاماتتارعا قاجەتتى كومەك كورسەتۋگە دايىن ەكەنىن اتاپ ءوتتى.  ؛

مينيستر ەلىمىزدە ادامداردىڭ كوروناۆيرۋستان قايتىس بولۋ دەڭگەيى بىلتىرعى شىلدە ايىمەن سالىستىرعاندا 4 ەسە تومەندەگەنىن جەتكىزدى. بۇل دەرتكە شالدىققاندارعا كومەك كورسەتۋ ءۇشىن قابىلدانعان شارالاردىڭ, سونىڭ ىشىندە العاشقى مەديسينالىق-سانيتارلىق جاردەم بەرۋ دەڭگەيىنىڭ تيىمدىلىگىن كورسەتەدى. بەيىندى ۆەدومستۆونىڭ مالىمەتى بويىنشا, بارلىق وڭىردەگى سالىنعان جۇقپالى اۋرۋلار اۋرۋحانالارى حالىقارالىق ستاندارتقا ساي كەلەدى جانە ناۋقاستارعا قاجەتتى كومەك كورسەتۋدە.

قاسىم-جومارت توقاەۆ الەكسەي سويعا ەپيدەميالىق احۋالدى قاتاڭ باقىلاۋدا ۇستاۋدى, حالىقتى ۋاقىتىلى ءارى تولىق قۇلاقتاندىرۋ جۇمىستارىن ساپالى ۇيىمداستىرا وتىرىپ, جاپپاي ۆاكسينا ەگۋگە دايىندىقتى ءتيىستى دارەجەدە قامتاماسىز ەتۋدى تاپسىردى.

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر