قاشىقتان وقىتۋ تەحنولوگياسى ءبىلىم بەرۋ سالاسىندا جەتەكشى ءرول اتقارىپ كەلەدى

ەلباسىنا كۇن تۋعان وسىناۋ قيىن قىستاۋ كەزەڭدە ءبىلىم بەرۋ وشاقتارى ءبىلىم بەرۋ جۇيەسىن ارى قاراي جۇرگىزۋ بارىسىندا قاشىقتان وقىتۋ تەحنولوگياسىن قولدانۋ ۇستىندە. قازىرگى تاڭدا ەلىمىزدە قاشىقتان وقىتۋ تەحنولوگياسى زامان تالابىنا ساي قارقىندى دامۋدا.

قاشىقتان وقىتۋ جۇيەسىن ءال-فارابي اتىنداعى قازاق ۇلتتىق ۋنيۆەرسيتەتى 16 ناۋرىزدان باستاپ جۇيەلى تۇردە قولدانىپ كەلەدى. ۋنيۆەرسيتەتتىڭ جوو-عا دەيىنگى ءبىلىم بەرۋ فاكۋلتەتى وسى اتالعان وقۋ قۇرلىمىمەن شەتەلدىك تىڭداۋشىلاردى جانە توتەنشە جاعداي سالدارىنان ەلدەرىنە قايتقان ءبىرقاتار دياسپورا تىڭداۋشىلارىن «؛ۋنيۆەر»؛ (univer.kaznu.kz) جانە «؛moodle»؛ (dl.kaznu.kz) سىندى ءاقپاراتتىق-بىلىم بەرۋ جۇيەسىندەگى قاشىقتان ءبىلىم بەرۋ تەحنولوگيالارىن وقىتۋ بارىسىندا zoom, teams, dl جانە باسقا دا قوسالقى سيفرلىق سەرۆيستەردى پايدالانۋ ارقىلى تىڭداۋشىلارعا قاشىقتان ءبىلىم بەرىپ, بىلىكتىلىكتەرىن شىڭداۋدا. zoom, teams, dl تەحنولوگيالارى ءبىلىم بەرۋ جۇيەسىندە ۇزدىك تەحنولوگيالىق جەتىستىكتەردىڭ ءبىر رەتىندە جەتەكشى ءرول اتقارىپ كەلەدى.

قاشىقتان ءبىلىم بەرۋ جۇيەسىنىڭ باستى ماقساتتارىنىڭ ءبىرى &ndash؛ ءبىلىم بەرۋ سالاسىندا جۇمىس اتقارىپ كەلە جاتقان ءبىر قاتار مەكتەپتەر مەن كوللەدجدەر, ۋنيۆەرسيتەتتەر ءۇشىن ءبىلىم بەرۋدى توقتاتپاي, وقۋشىلار مەن ستۋدەنتتەرگە وقۋ باعدارلاماسى بويىنشا وقۋلارىن ارى قاراي وقۋىنا جاعداي جاساۋ. وسىنداي جۇيەنىڭ اياسىندا جۇمىس جاساۋدىڭ العاشقى ساتىسىندا كومپيۋتەرلىك تەحنيكانى ۇتىمدى پايدالانا وتىرىپ, ۇزدىكسىز ءبىلىم بەرۋ پرينسيپتەرىن ويداعىداي ىسكە اسىرۋ قاجەت. قاشىقتان وقىتۋ, وقىتۋشى مەن ستۋدەنتتىڭ, ءمۇعالىم مەن وقۋشىنىڭ تەرريتوريالىق الشاقتىعىنا قاراماستان ساپالى ءبىلىم الۋىنا سەپتىگىن تيگىزەدى. سونىمەن قاتار ستۋدەنتتەردىڭ تەحنيكا قۇرالدارىن مەڭگەرۋ جانە قاجەتتەرىنە قاراي اقپاراتتىق تەحنولوگيالاردى قولدانۋ قابىلەتتىلىكتەرىن قالىپتاستىرۋىنا تيگىزەتىن اسەرى كوپ.

ال-فارابي اتىنداعى قازۇۋ
ج.ب.ساتكەنوۆا
ب.ە.ساۆدەنبەكوۆ
جوو-دەيىنگى ءبىلىم بەرۋ فاكۋلتەتى
جوو-دەيىنگى دايىندىق كافەدراسىنىڭ
اعا وقىتۋشىلارى