زەينەتاقى جيناعىنىڭ ءبىر بولىگىن قاشان الۋعا بولاتىنى بەلگىلى بولدى

23 قاڭتاردا قازاقستاندا زەينەتاقى جيناعىن پايدالانۋعا ءوتىنىش قابىلدايتىن ارنايى پلاتفورما ىسكە قوسىلادى. بۇل تۋرالى وتباسى بانك سايتى حابارلادى.

وتباسى بانكى 23 قاڭتاردان باستاپ ءبىرىڭعاي جيناقتاۋشى زەينەتاقى قورىنان تولەنەتىن ءبىرجولعى زەينەتاقى تولەمدەرىن پايدالانۋعا ءوتىنىش تاپسىرا الاتىن ارنايى ونلاين پلاتفورمانى ىسكە قوسادى.

سايت مالىمەتىنشە, ەگەر جيناقتاۋشى ءبىرجولعى زەينەتاقى تولەمدەرىن ءوزى قولدانۋدى جوسپارلاماسا, وندا ءوزىنىڭ جاقىن تۋىسىنا نەمەسە جۇبايىنا تابىستاي الادى.

سونداي-اق ءوتىنىش بەرگەنگە دەيىن قولدانىستاعى ەسق (ەلەكتروندى سيفرلىق قولتاڭبا) بولۋى قاجەت. زەينەتاقى جيناقتارىنىڭ قولجەتىمدى كولەمىن ءبىرىڭعاي جيناقتاۋشى زەينەتاقى قورى سايتىنان بىلۋگە بولادى.

"ەسق نەمەسە باسقا ەلەكتروندى قۇرالدار ارقىلى ؛وپەراتوردىڭ ينتەرنەت-رەسۋرسىندا اۆتوريزاسيادان ءوتۋ قاجەت. جەكە كابينەت اشىپ, ارنايى شوتقا ءوتىنىش بەرۋ كەرەك.

ارنايى شوت اشقاننان كەيىن ارنايى شوتتىڭ ءنومىرىن, پايدالانۋ ماقساتىن, قولدا بار سومانى, جەكە تابىس سالىعىن ۇستاۋ جانە اۋدارۋ تاسىلدەرىن كورسەتە وتىرىپ, ءبىرجولعى زەينەتاقى تولەمىنە ەلەكتروندىق ءوتىنىش تولتىرۋ قاجەت" دەلىنگەن سايت حابارلاماسىندا.

بۇعان دەيىن, 2 قاڭتار كۇنى پرەزيدەنت قاسىم-جومارت توقاەۆ ازاماتتارعا زەينەتاقى جيناعىنىڭ ءبىر بولىگىن مەرزىمىنەن بۇرىن الۋعا مۇمكىندىك بەرەتىن زاڭعا قول قويعان بولاتىن.

زەينەتاقى جيناقتارىنىڭ ءبىر بولىگىن ماقساتتى قاجەتتىلىكتەرگە پايدالانۋ قۇقىعىن:

- مىندەتتى زەينەتاقى جارنالارى (مزج) جانە مىندەتتى كاسىپتىك زەينەتاقى جارنالارى (مكزج) ەسەبىنەن قالىپتاستىرىلعان زەينەتاقى جيناقتارى بار جۇمىس ىستەيتىن ازاماتتار پايدالانا الادى. نىسانالى پايدالانۋ قۇقىعى بەلگىلى ءبىر جەتكىلىكتىلىك شەگىنەن اساتىن جيناقتارى بار ازاماتتار ءۇشىن كوزدەلەتىن بولادى. جەتكىلىكتىلىك شەگى ءار جاس ءۇشىن جەكە انىقتالادى.

- قالىپتاسقان زەينەتكەرلەر (الەۋەتتى قۇرىلىمدار قاتارىنداعى زەينەتكەرلەردى قوسا العاندا) &ndash؛ بجزق-داعى زەينەتاقى جيناقتارىنىڭ قالعان سوماسىنىڭ 50 پايىزىنان اسپايتىن شەكتە قولدانا الادى. ولاردىڭ زەينەتاقىسىنىڭ جيىنتىق مولشەرى (جاسى نەمەسە ەڭبەك سىڭىرگەن جىلدارى بويىنشا زەينەتاقىنى, بازالىق زەينەتاقىنى قوسا العاندا) جوعالتقان تابىسىن حالىقارالىق ستاندارتتارعا سايكەس كەلەتىن دەڭگەيدە (كەمىندە 40%) الماستىرۋدى قامتاماسىز ەتكەن جاعدايدا اتالمىش قۇقىقتى پايدالانۋعا بولادى.

- ءومىر بويعى اننۋيتەتتىك تولەمدەردى قامتاماسىز ەتەتىن ساقتاندىرۋ كومپانيالارىمەن زەينەتاقى اننۋيتەتى شارتتارىن جاساسقان تۇلعالار جوعارىدا اتالعان قۇقىققا يە.