نۇر-سۇلتان مەن الماتىدا قىتايدا قىسىم كورىپ قازاقستانعا قونىس اۋدارۋعا ءماجبۇر بولعان قوس بىردەي ازاماتقا شابۋىل جاسالدى, دەپ حابارلادى ؛ادام قۇقىقتارى مەن زاڭدىلىقتى ساقتاۋ جونىندەگى قازاقستان حالىقارالىق بيۋروسى.

بيۋرو مالىمەتىنشە, 22 قاڭتارعا قاراعان ءتۇنى نۇر-سۇلتان قالاسىندا جاقىندا عانا بوسقىن مارتەبەسىن العان مۇراگەر ءالىمۇلىنا شابۋىل جاسالىپ, پىشاقتاپ كەتكەن. ءدال وسى ۋاقىتتا الماتىدا (بوسقىن مارتەبەسىن العان) قايشا اقاندى دا بەلگىسىز ادامدار سوققىعا جىققان. ءقازىر ول الماتى قالالىق اۋرۋحاناسىندا. وعان اقمزسجقحب زاڭگەرى زاڭدىق كومەك كورسەتۋدە.

قايشانىڭ سوزىنشە, ؛ وعان جانە قىتايداعى اناسى مەن باۋىرىنا بۇعان دەيىن بىرنەشە مارتە قوقان-لوقى جاسالعان. قىتايداعى ادام قۇقىعىنىڭ تاپتالۋى جونىندە ايتۋدى توقتاتۋىن تالاپ ەتكەن.

مۇراگەر ءالىمۇلى 2019 جىلى تاعى ءبىر ەتنيكالىق قازاق قاستەر مۇساحانۇلىمەن بىرگە قازاقستان شەكاراسىن زاڭسىز كەسىپ وتكەن. ولار قىتايدا قىسىم كورگەندەرىن, شەكارانى زاڭسىز كەسىپ وتۋگە ءماجبۇر بولعاندارىن ايتقان. كەيىننەن شقو زايسان اۋداندىق سوتى مۇساحانۇلى مەن ءالىمۇلىن "مەملەكەتتىك شەكارانى قاساقانا زاڭسىز كەسىپ ءوتتى" دەگەن ايىپپەن كىنالى دەپ تانىپ, باس بوستاندىقتارىنان ايىرعان. 2020 جىلدىڭ 22 ماۋسىمىندا ەكەۋى دە بوستاندىققا شىعىپ, بوسقىن مارتەبەسىن العان.

قايشا اقان 2018 جىلى قىتايدىڭ شىڭجاڭ ايماعىنداعى كەدەن بەكەتى ارقىلى قازاقستان شەكاراسىن زاڭسىز كەسىپ وتكەن. 2019 جىلى الماتى وبلىسى پانفيلوۆ اۋداندىق سوتى اقاندى "شەكارا بۇزعانى" ءۇشىن شارتتى تۇردە جارتى جىلعا باس بوستاندىعىنان ايىرعان. سوتتا قايشا اقان قىتايدا وزىنە لاگەرگە قامالۋ ءقاۋىپى تونگەن سوڭ قازاقستانعا زاڭسىز, قاشىپ وتۋدەن باسقا امالى بولماعانىن ايتقان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر