بايبەك: قازاق تىلىندە وقىتاتىن مەكتەپتەر مەن بالاباقشالاردىڭ سانىن كوبەيتەمىز

بيىل قازاقستان تاۋەلسىزدىگىنىڭ 30 جىلدىعى مەن ەلباسىنىڭ تىكەلەي قولداۋىمەن قولعا الىنعان «؛وزىڭنەن باستا»؛ الەۋمەتتىك جوباسىنىڭ 10 جىلدىعى تۇسپا-تۇس كەلىپ وتىر. وسى جىلدار ىشىندە جوباعا دەمەۋشىلەر مەن مەسەناتتار جالپى العاندا 1,4 ملرد.تەڭگەگە جۋىق قاراجات ءبولىپ, سونىڭ ارقاسىندا ءبىز الەمدىك 36 كوركەم جانە انيماسيالىق فيلمدەردى اعىلشىن تىلىنەن تىكەلەي قازاق تىلىنە دۋبلياجدادىق. وسى ورايدا ايتا كەتەرلىگى, مۇنىڭ بارلىعى مادەنيەت مينيسترلىگىنىڭ ەشقانداي قولداۋىنسىز جۇزەگە استى. بالالار ءۇشىن مەملەكەتتىك تىلدە ساپالى ءارى باسەكەگە قابىلەتتى كونتەنت جاساۋعا جاۋاپتى ۋاكىلەتتى ورگان بولاشاقتىقتاردىڭ قوعامدىق باستاماسىن ودان ءارى جالعاستىرادى دەپ ويلايمىن»؛, - دەدى «؛nur otan»؛ پارتياسى ءتوراعاسىنىڭ ءبىرىنشى ورىنباسارى جانە «؛بولاشاق»؛ قورى قامقورشىلىق كەڭەسىنىڭ قۇرمەتتى مۇشەسى باۋىرجان بايبەك.

پارتيا ءباسپاسوز قىزمەتىنىڭ حابارلاۋىنشا, «؛nur otan»؛ مادەنيەت مينيسترلىگىنەن وسى باعىتتا ءتيىستى جۇمىستى تالاپ ەتەتىن بولادى.

جالپى, ءوزىنىڭ سايلاۋالدى ۋادەلەرىن ىسكە اسىرۋ اياسىندا بيلەۋشى پارتيا مەملەكەتتىك ءتىلدىڭ بارلىق سالادا كەڭىنەن قولدانىلۋىنا, قازاق تىلىندە وقىتاتىن مەكتەپتەر مەن بالاباقشالاردىڭ كوبەيۋىنە ىقپال ەتۋدى, سونداي-اق, ءداستۇرلى مادەنيەت پەن ۇلتتىق سپورت تۇرلەرىن قولداۋدى ودان ءارى جالعاستىرادى.

«؛بولاشاق»؛ قامقورشىلىق كەڭەسىنىڭ ءتورايىمى دينارا ءشايجۇنىسوۆا اتاپ وتكەندەي, قور بۇرىنعىسىنشا كينوكارتينالاردى مەملەكەتتىك تىلدە تەڭ ۇسىنۋ ماسەلەسىمەن بەلسەندى اينالىسادى.

«؛ۋاقىت وتە كەلە «؛جان»؛ شەتەلدىك كينونىڭ قازاق تىلىندەگى كلاسسيكاسىنا اينالادى دەپ ويلايمىن. سونىمەن قاتار, قازاقستاندىقتار ءۇشىن قازاق تىلىندەگى كينوعا تەڭ قولجەتىمدىلىكتىڭ وزەكتىلىگى ساقتالۋدا. ۋاكىلەتتى ورگاندار ءتيىستى شارالار قابىلداۋى ءۇشىن ءبىز بۇل ماسەلەنى بارلىق الاڭداردا ودان ءارى كوتەرە بەرەمىز»؛, - دەپ اتاپ ءوتتى ول.

ايتا كەتەيىك, «؛وزىڭنەن باستا»؛ جوباسىن جۇزەگە اسىرۋ بارىسىندا «؛مۇزدى ولكە-2»؛, «؛كەك الۋشىلار: الترون ءدəۋىرى»؛, «؛باتىل جۇرەك»؛, «؛كوكو قۇپياسى»؛, «؛موانا»؛, «؛مالەفيسەنتا»؛, «؛الاددين»؛ سياقتى جانە ت.ب. كارتينالار قازاق تىلىنە دۋبلياجدالدى.

جوبانىڭ ارقاسىندا 100-دەن استام وتاندىق اكتەر «؛walt disney ءpictures»؛-نىڭ داۋىستىق بازاسىنا ەندى. قازاق ءتىلى تۇرىك تىلىنەن كەيىنگى دۋبلياجداعى ەكىنشى تۇركى ءتىلى جانە «؛walt disney»؛ كومپانياسىنىڭ تاريحىنداعى 39-شى ءتىل بولدى.

جوبا تاريحىندا العاش رەت «؛جان»؛ فيلمىنە دۋبلياج جاساۋعا كاستينگكە تەك ءبىر عانا نۇر-سۇلتان قالاسىنىڭ وزىنەن 20 اكتەر قاتىستى. دەگەنمەن, كاسىبي اكتەرلىك قۇرام ىرىكتەلدى. مىسالى, باستى كەيىپكەر دجو گاردنەردى جوباعا كوپتەن بەرى قاتىسىپ جۇرگەن تالانتتى اكتەر داۋرەن سەرعازين دىبىستادى. بۇعان دەيىن ونىڭ داۋىسىمەن «؛اللادين»؛ فيلمىندەگى جىن, «؛ارىستان پاتشا»؛ فيلمىندەگى سۋريكات تيمون جانە ديسنەي ستۋدياسىنىڭ باسقا دا تانىمال كەيىپكەرلەرى سويلەگەن ەدى. سونىمەن قاتار, دۋبلياجعا دانيار سۆانقۇلوۆ, مەرۋەرت ەرمەكباەۆا, تەاتر جانە كينو ءارتىسى مايرا ومار قاتىستى.

تيتردەگى ء«؛ومىر عاجاپ»؛ ءانىن mona songz دەگەن اتپەن تانىمال قازاقستاندىق ورىنداۋشى ماناربەك جۇماتاي ءورىندادى.

باسپاسوز قىزمەتىنىڭ حابارلاۋىنشا, اتالعان انيماسيالىق ءفيلمدى جاقىن ارادا ينتەرنەت جەلىسىندە كورۋگە بولادى.