"؛ماڭعىستاۋ تۇرعىنى كوروناۆيرۋس ۆاكسيناسىنان كەيىن قايتىس بولدى"؛

facebook الەۋمەتتىك جەلىسىندە "ماڭعىستاۋ وبلىسى مۇنايلى اۋدانى باتىر اۋىلىنىڭ تۇرعىنى covid-19-عا قارسى ەكپە العاننان كەيىن قايتىس بولدى" دەگەن ؛اقپارات جاريالاندى. قر دسم سانيتارلىق-ەپيدەميولوگيالىق باقىلاۋ كوميتەتى اقپاراتتى جوققا شىعاردى.

ۆەدومستۆونىڭ حابارلاۋىنشا, ماڭعىستاۋ تۇرعىنى كوروناۆيرۋس ينفەكسياسىن ەكپەگەن.

&ndash؛ 1978 جىلى تۋعان ەر ادام 19 قاڭتاردا قان قىسىمىنىڭ كوتەرىلۋى سالدارىنان قايتىس بولدى. ول ەشقانداي ەكپە العان جوق. بۇگىندە ماڭعىستاۋ وبلىسىنا كوروناۆيرۋس ۆاكسيناسى اكەلىنگەن جوق. ۆاكسينانىڭ ءبىرىنشى پارتياسىن وڭىرگە 2021 جىلعى 28-29 قاڭتاردا جەتكىزۋ جوسپارلانعان. ايتا كەتەيىك, ۆاكسينالاۋمەن ءبىرىنشى كەزەكتە جۇقپالى اۋرۋلار ەمحانالارى, جەدەل مەديسينالىق جاردەم, رەانيماسيا, بمسك, قابىلداۋ بولمەلەرى, سانەپيدقىزمەتتەرىنىڭ مەديسينا قىزمەتكەرلەرى قامتىلادى. مارقۇم بولعان ازامات بۇل ساناتتاردىڭ ەشقايسىسىنا جاتپايدى, &ndash؛ دەپ ءتۇسىندىردى سانيتارلىق-ەپيدەميولوگيالىق قاداعالاۋ كوميتەتىندە.

سونداي-اق ۆەدومستۆو وكىلدەرى كورىنەۋ جالعان اقپارات تاراتقانى ءۇشىن جاۋاپكەرشىلىك قاراستىرىلعانىن ەسكە سالدى. قر قىلمىستىق كودەكسىنىڭ 274-بابىنا سايكەس, بۇل ءۇشىن 1000 ايلىق ەسەپتىك كورسەتكىشكە دەيىنگى مولشەردە ايىپپۇل سالۋ, نە ءبىر جىلعا دەيىنگى مەرزىمگە باس بوستاندىعىن شەكتەۋ, نە سول مەرزىمگە باس بوستاندىعىنان ايىرۋ جازاسى قاراستىرىلان.