ماۋلەن اشىمباەۆ: زاڭدار ەڭ الدىمەن ۇلتتىق مۇددەنى قورعاۋعا ءتيىس

ار زاڭ جوباسىن تالقىلاعان كەزدە قوعامنىڭ پىكىرى ەسكەرىلۋى كەرەك. بۇل تۋرالى پارلامەنت سەناتىنىڭ ءتوراعاسى ماۋلەن اشىمباەۆ سەناتتىڭ جالپى وتىرىسىندا ايتتى.

&ndash؛ سەسسيانىڭ اشىلۋىندا پرەزيدەنت قاسىم-جومارت توقاەۆ مەملەكەتتىك ورگانداردىڭ الدىندا تۇرعان نەگىزگى ماقساتتارعا توقتالىپ ءوتتى. ولاردىڭ ءبارى حالىقتىڭ ءومىر ءسۇرۋ ساپاسىن جاقسارتاتىن, ەلىمىزدىڭ ساياسي جانە الەۋمەتتىك-ەكونوميكالىق دامۋىنا تىڭ سەرپىن بەرەتىن باستامالار. وسىعان بايلانىستى پارلامەنت پەن ۇكىمەتكە ماڭىزدى مىندەتتەر جۇكتەلىپ وتىر. جاريالانعان رەفورمالاردى ساپالى زاڭدارمەن قامتاماسىز ەتۋ &ndash؛ ءبىزدىڭ باستى مىندەتىمىز. زاڭدار ەڭ الدىمەن ۇلتتىق مۇددەنى قورعاۋعا ءتيىس. ال ۇلتتىق مۇددە دەگەنىمىز &ndash؛ حالىق پەن مەملەكەتتىڭ مۇددەسى, &ndash؛ دەدى اشىمباەۆ.

سەنات ءتوراعاسىنىڭ ايتۋىنشا, پارلامەنت وزەكتى ماسەلەلەردىڭ شەشىمىن تاباتىن ورتالىققا اينالۋى قاجەت.

&ndash؛ مەملەكەت باسشىسى اتاپ وتكەندەي, قوعامدى الاڭداتقان ماسەلەلەر پارلامەنتتە تالقىلانۋى قاجەت. پارلامەنت وزەكتى ماسەلەلەردىڭ شەشىمىن تاباتىن ورتالىققا اينالۋعا ءتيىس. سوندىقتان ەلمەن ەتەنە جۇمىس ىستەۋ ؛&ndash؛ اسا ماڭىزدى. ءار زاڭ جوباسىن تالقىلاعان كەزدە قوعامنىڭ پىكىرىن ەسكەرۋىمىز كەرەك. سەنات جۇمىسىنا قوعامدىق ۇيىمدار مەن الەۋمەتتىك توپتاردىڭ وكىلدەرىن, ءتيىستى مامانداردى كەڭىرەك تارتۋىمىز قاجەت. مۇنداي قادام زاڭ شىعارۋ جۇمىسىنىڭ جانە قابىلدانىپ جاتقان زاڭداردىڭ تيىمدىلىگىن ارتتىراتىنى ءسوزسىز. الدىمىزدا اۋقىمدى مىندەتتەر تۇر, &ndash؛ دەدى ماۋلەن اشىمباەۆ.