21 قاڭتار, 2021 news
فوتو: كورنەكى سۋرەت
قىتاي 28 امەريكالىققا, ونىڭ ىشىندە بۇرىنعى مەملەكەتتىك حاتشى مايك پومپەو مەن دونالد ترامپتىڭ ساۋدا جونىندەگى كەڭەسشىسى پيتەر ناۆارروعا سانكسيا ەنگىزدى. بۇل تۋرالى قىتاي سىرتقى ىستەر مينيسترلىگىنىڭ مالىمدەمەسىندە ايتىلدى.
"سوڭعى جىلدارى اقش-تىڭ قىتايعا قارسى ءبىرقاتار ساياساتكەرلەرى وزدەرىنىڭ ساياسي مۇددەلەرى مەن قىتايعا دەگەن جەككورۋشىلىك نەگىزىندە قىتاي مەن امەريكا حالىقتارىنىڭ مۇددەلەرىن ەلەمەي, قىتايدىڭ ىشكى ىستەرىنە ەلەۋلى ارالاساتىن بولعان جانە قحر مۇددەلەرىنە نۇقسان كەلتىرگەن ءبىرقاتار اقىلسىز ارەكەتتەردى جوسپارلاپ, جۇزەگە اسىردى. قىتاي اقش-تىڭ وسىنداي ارەكەتتەرىنە جاۋاپتى 28 ادامعا سانكسيا ەنگىزۋ تۋرالى شەشىم قابىلدادى" دەلىنگەن حابارلامادا.
بۇعان دەيىن مايك پومپەو قىتايدى شىڭجاڭ-ۇيعىر اۆتونوميالىق ايماعىندا "گەنوسيد جانە ادامزاتقا قارسى قىلمىستار" جاسادى دەپ ايىپتاعان. ونىڭ ايتۋىنشا, قىتاي ۇكىمەتى "ۇيعىرلاردى جۇيەلى تۇردە جويۋعا تىرىسادى".
قىتاي بيلىگى بارلىق ايىپ مەن سىندى تەرىستەپ, ەلدىڭ ىشكى ىسىنە ارالاسپاۋعا شاقىرعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر