مامين سولتۇستىك قازاقستان وبلىسىنا نە ءۇشىن بارعانى بەلگىلى بولدى

پرەمەر-مينيستر اسقار مامين جۇمىس ساپارىمەن سولتۇستىك قازاقستان وبلىسىنا باردى, دەپ حابارلادى primeminister.kz سايتى.

سايت مالىمەتىنشە, پرەمەر-مينيستر سولتۇستىك قازاقستان وبلىسىنا جۇمىس ساپارى اياسىندا ينۆەستيسيالىق جوبالاردىڭ ىسكە اسىرىلۋىن تەكسەرىپ, ءوڭىردىڭ ودان ءارى الەۋمەتتىك-ەكونوميكالىق دامۋى جونىندە كەڭەس وتكىزدى. پەتروپاۆل قالاسى qyzyljar اەا اۋماعىندا ەلەكتر تەحنيكالىق ءونىمىن وندىرەتىن جاڭا زاۋىتتىڭ قۇرىلىس بارىسىمەن تانىستى. ؛

ارتىنشا ا. مامين "پەتروپاۆل اۋىر ماشينا جاساۋ زاۋىتىنا" باردى. ونىڭ اۋماعىندا تەز بۇزىلاتىن ازىق-تۇلىك ونىمدەرىن تاسىمالداۋعا ارنالعان تەرموس ۆاگونداردى قۇراستىراتىن جاڭا ءوندىرىس ورنى اشىلعان.

مۇنان سوڭ پرەمەر-مينيستر "سولتۇستىك فانەرا كومبيناتى" جشس لاميناتتالعان فانەرا وندىرەتىن زاۋىتتىڭ جۇمىسىمەن تانىستى.

كەيىن ۇكىمەت باسشىسى پەتروپاۆل قالاسىنىڭ "شىعىس" شاعىن اۋدانىندا jci حالىقارالىق ستاندارتتارى بويىنشا 510 توسەك ورنىنا ارنالعان كوپبەيىندى وبلىستىق اۋرۋحانا قۇرىلىسىنىڭ بارىسىن تەكسەردى.

ارتىنشا قىزىلجار اۋدانىنىڭ چاپاەۆو اۋىلىنداعى "قىزىلجار ءسۇت" ءجشس-نىڭ جاڭا سيفرلاندىرىلعان ءسۇت-تاۋار فەرماسىندا بولدى.

"جۇمىس ساپارىنىڭ قورىتىندىسى بويىنشا پرەمەر-مينيستر سولتۇستىك قازاقستان وبلىسىنىڭ الەۋمەتتىك-ەكونوميكالىق دامۋى جانە الداعى كەزەڭگە ارنالعان پەرسپەكتيۆالارى جونىندە كەڭەس وتكىزدى. ءوڭىر اكىمى قۇمار اقساقالوۆ, اۋىل شارۋاشىلىعى ءمينيسترى ساپارحان وماروۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, دەنساۋلىق ساقتاۋ ءمينيسترى الەكسەي سوي, ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ, ءبىلىم جانە عىلىم ءمينيسترى اسحات ايماعامبەتوۆ, ۇلتتىق ەكونوميكا ۆيسە-مينيسترى ەرمەك الپىسوۆ جانە قارجى ءبىرىنشى ۆيسە-مينيسترى بەرىك شولپانقۇلوۆ بايانداما جاسادى" دەلىنگەن رەسمي سايت حابارلاماسىندا.

&ndash؛ سولتۇستىك قازاقستان وبلىسى اگروونەركاسىپتىك كەشەندە, وڭدەۋ ونەركاسىبىندە جانە باسقا دا سالالاردا ۇلكەن الەۋەتكە يە. ءوڭىردىڭ ودان ءارى الەۋمەتتىك-ەكونوميكالىق دامۋىنا, ونىڭ باسەكەگە قابىلەتتىلىگىن ارتتىرۋعا, حالىقتىڭ تۇرمىس ساپاسى مەن ءال-اۋقاتىنىڭ جوعارى بولۋىن قامتاماسىز ەتۋگە ەلەۋلى سەرپىن بەرۋ قاجەت, &ndash؛ دەدى ا. مامين.

2020 جىلدىڭ قورىتىندىسى بويىنشا سولتۇستىك قازاقستان وبلىسىنىڭ اۋىل شارۋاشىلىعىنداعى جالپى ءونىم كولەمى 779 ملرد تەڭگەنى قۇرادى, بۇل وتكەن جىلعىدان 27%-عا جوعارى, ونەركاسىپتىك ءونىم ءوندىرۋ كولەمى &ndash؛ 306 ملرد تەڭگە (+4,8%). نەگىزگى كاپيتالعا سالىنعان ينۆەستيسيالار كولەمى 20,5%-عا &ndash؛ 281 ملرد تەڭگەگە دەيىن ۇلعايدى.