فوتو: akzhol.kz
ماجىلىس دەپۋتاتى بەرىك ءسالىمجانۇلى ۇكىمەت باسشىسى اسقار مامينگە جەر ماسەلەسىنە بايلانىستى بىرنەشە ساۋال جولدادى.
&ndash؛ 2016 جىلى ەلىمىزدە رەزونانس تۋعىزعان ميتينگىلەردەن كەيىن ەلباسى اۋىل شارۋاشىلىعى ماقساتىنداعى جەرلەردى پايدالانۋ ماسەلەسى بويىنشا جەر كودەكسىنىڭ كەيبىر نورمالارىنا موراتوريي ەنگىزگەن. بۇگىندە وسى ءموراتورييدىڭ اياقتالۋىنا ساناۋلى ۋاقىت قالدى. وسى ورايدا پرەزيدەنت توقاەۆ 2019 جىلدىڭ شىلدەسىندە ۇكىمەتتىڭ كەڭەيتىلگەن وتىرىسىندا "جەر &ndash؛ جۇمىس ىستەيتىن ادامدارعا بەرىلۋگە ءتيىس. جەر &ndash؛ ءوندىرىستىڭ باستى فاكتورى. تيىمدىلىك پەن اشىقتىق بولماسا, اۋىلدى دامىتا المايمىز" دەگەن ەدى. 2021 جىلى جەر كودەكسىنىڭ كەيبىر نورمالارىنا موراتوريي اياقتالادى. بۇل ماسەلە بويىنشا ناقتى شەشىم قابىلدانۋعا ءتيىس. ؛وسى 5 جىل ىشىندە وتكىر بولعان قوعامدىق پىكىرتالاس حالىقتىڭ جەر ماسەلەسى بويىنشا ناقتى كوزقاراسى قالىپتاسقانىن كورسەتتى. ءبىراق بۇل ەلدىڭ جەرگە دەگەن پىكىرى ءالى زاڭداستىرىلعان جوق, &ndash؛ دەدى دەپۋتات. ؛
ول بۇدان بۇرىن "اق جول" پارتياسىنىڭ جەر جونىندەگى كوميسسياعا ؛ۇسىنىستارىن جولداعانىن اتاپ ءوتتى.
؛&ndash؛ ؛ "اق جول" پارتياسى ۇكىمەتتىڭ جانىنداعى جەر جونىندەگى كوميسسياعا شەتەلدىك كومپانيالار مەن ازاماتتارعا جەردى ساتۋعا, سونداي-اق قازاقستانمەن شەكارالاس شەت مەملەكەتتەرمەن ولاردىڭ ازاماتتارىنا جەردى جالعا بەرۋگە تىيىم سالۋ تۋرالى ۇسىنىستارىن جولداعان ەدى. الايدا بەلگىسىز سەبەپتەرمەن كوميسسيانىڭ قورىتىندى حاتتاماسىنا بۇل ەنگىزىلمەي قالدى. ءبىز توقاەۆتىڭ جەر ماسەلەسىنە قاتىستى ۇستانىمىن تولىق قولداي وتىرىپ, موراتوريي مەرزىمىنىڭ اياقتالۋىن ەسكەرىپ جەر زاڭناماسىنا جەدەل تۇردە تۇزەتۋلەر ەنگىزۋ قاجەت دەپ سانايمىز. ۇكىمەت جوعارىدا ايتىلعانداردى ەسكەرىپ جەر كودەكسىنە ءتيىستى وزگەرىستەر مەن تولىقتىرۋلاردى ەنگىزىپ, ەلدى الاڭداتقان جەر داۋىنىڭ شەشىلۋىنە نۇكتە قويۋى قاجەت. ۇسىنىسىمىز قابىلدانباعان جاعدايدا "اق جول" پارتياسى جەر كودەكسىنە ءوز تاراپىنان وزگەرىستەر ەنگىزۋگە دايىن ەكەنىن بىلدىرەدى, &ndash؛ دەدى بەرىك ءسالىمجانۇلى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر