"؛ۇستازداردىڭ اۆتورلىق كۋرسىن ۇيىمداستىرۋ كەرەك"؛. دەپۋتاتتاردىڭ مينيسترگە ۇسىنىسى

بۇگىن ءماجىلىستىڭ جالپى وتىرىسىندا nur otan پارتياسىنىڭ فراكسيا مۇشەلەرى, دەپۋتاتتار جاناربەك ءاشىمجان مەن جۇلدىز سۇلەيمەنوۆا ءبىلىم جانە عىلىم ءمينيسترى اسحات ايماعامبەتوۆكە دەپۋتاتتىق ساۋال جولدادى. ؛

دەپۋتاتتار الدىمەن پەداگوگ مامانداردىڭ تاپشىلىعى, وتپەلى كەزەڭدە جاقسى وقىعان تۇلەكتەردىڭ پەداگوگيكالىق ماماندىقتارعا بارمايتىنى تۋرالى ايتىپ, پەداگوگيكالىق جوعارى وقۋ ورىندارىنداعى ستۋدەنتتەردىڭ اۋىل مەكتەپتەرىنە كەلمەيتىنىنە نازار اۋداردى. وسى تۇرعىدان اۋىل مەكتەپتەرىن ۇزدىك ءتامامداعان تۇلەكتەردى پەداگوگيكا ماماندىقتارىنا ۇگىتتەۋ جۇمىستارىن جۇيەلەندىرىپ, جانداندىرۋ قاجەتتىگىن ءسوز ەتتى.

&ndash؛ ەكىنشى, پەداگوگيكا ماماندىقتارىنداعى ستۋدەنتتەردىڭ تەوريالىق ءبىلىمىن, پەداگوگيكالىق مەتوديكامەن ۇشتاستىرۋ ماقساتىندا پەداگوگيكالىق تاجىريبەنى اۆتونومدى نەگىزدە ءبىر اپتا, ەكى اپتا, التى اپتا ەمەس, 2 جىلعا, ياعني ءىى, ءىىى, ءىۇ كۋرستاردا مىندەتتى ءبىرىڭعاي ءارى ۇزدىكسىز پەداگوگيكالىق تاجىريبەسىن ەنگىزۋدى قاراستىرۋدى ۇسىنامىز, &ndash؛ دەدى جۇلدىز سۇلەيمەنوۆا.

دەپۋتاتتاردىڭ ايتۋىنشا, جوو-نى بىتىرگەن تۇلەكتەردە ادىستەمەلىك ءبىلىم دەڭگەيىنىڭ جەتكىلىكسىزدىگى بايقالادى.

&ndash؛ ءۇشىنشى, كوپجىلدىق تاجىريبە كورسەتكەندەي, پەداگوگيكالىق ۋنيۆەرسيتەتتەر تۇلەكتەرىنىڭ كوپشىلىگىندە ورتا مەكتەپتەردە پاندىك جانە ادىستەمەلىك ءبىلىم دەڭگەيىنىڭ جەتكىلىكسىزدىگى بايقالادى. وسى رەتتە اكادەميالىق ادالدىق قاعيداتتارىنا نەگىزدەلگەن تاۋەلسىز نەگىزدە پەداگوگيكالىق جوعارى وقۋ ورىندارى ءبىتىرۋشى تۇلەكتەرىنىڭ پاندىك ءبىلىم دەڭگەيىن تەكسەرۋ تەتىكتەرىن ويلاستىرۋ كەرەك, ؛&ndash؛ دەلىنگەن ساۋالدا. ؛

دەپۋتاتتار جوو-دا جاڭا ادىس-تاسىلدەردى ۇيرەتۋ ءۇشىن جاڭاشىل ۇستازداردىڭ اۆتورلىق كۋرستارىن ۇيىمداستىرۋ كەرەگىن ۇسىندى.

&ndash؛ ءتورتىنشى, پەداگوگيكالىق جوعارى وقۋ ورىندارىندا قازىرگى زامانداعى جاڭا يننوۆاسيالىق-پەداگوگيكالىق تەحنولوگيانى, ادىس-تاسىلدەردى ستۋدەنتتەرگە ءتيىمدى ۇيرەتۋ ماقساتىندا ونلاين نەگىزدە ەلىمىزدەگى نوۆاتور ۇستازداردىڭ اۆتورلىق كۋرستارىن ۇيىمداستىرۋدى ۇسىنامىز, ؛&ndash؛ دەدى دەپۋتاتتار.

سونداي-اق دەپۋتاتتار مەكتەپتەردەگى جاراتىلىستانۋ-ماتەماتيكا باعىتتارىنداعى ءپان مۇعالىمدەرىنىڭ تاپشىلىعىن ازايتۋعا سەپتىگىن تيگىزەتىن ۇسىنىستى دا ايتتى.

&ndash؛ بەسىنشى, پەداگوگ مارتەبەسى تۋرالى زاڭنىڭ پەداگوگكە كاسىبي قىزمەتكە رۇقسات بەرۋ دەپ اتالاتىن 10-بابىنىڭ جالپى بەيىنى سايكەس كەلمەيتىن پەداگوگيكالىق نەمەسە كاسىپتىك ءبىلىمى بار ادامدارعا, سونداي-اق پەداگوگيكالىق ءبىلىمى جوق, ءبىراق دايارلىقتىڭ ءتيىستى باعىتى بويىنشا جوعارى, جوعارى ورىننان كەيىنگى تەحنيكالىق جانە كاسىپتىك ءبىلىمى بار ادامدارعا ءتيىستى پەداگوگيكالىق قايتا دايارلاۋدان وتكەننەن كەيىن پەداگوگ رەتىندە كاسىبي قىزمەتپەن اينالىسۋ قۇقىعى بەرىلەدى دەپ كورسەتىلگەن 3-تارماعىن ورىنداۋ مەحانيزمدەرىن وبلىستىق, قالالىق جانە اۋداندىق ءبىلىم بولىمدەرى بىرلەسە وتىرىپ جەتىلدىرۋ قاجەت دەپ ويلايمىز. بۇل نورما ءوز كەزەگىندە بۇگىنگى تاڭدا مەكتەپتەردەگى جاراتىلىستانۋ-ماتەماتيكالىق باعىتتارداعى ءپان مۇعالىمدەرىنىڭ تاپشىلىعىن ازايتۋعا سەپتىگىن تيگىزەدى دەگەن ويدامىز, ؛&ndash؛ دەلىنگەن دەپۋتاتتار ساۋالىندا.