قىزىلوردادا بالالار ۇيدەن ءجيى قاشاتىن بولعان

قىزىلوردادا بالالاردىڭ ۇيدەن قاشۋ دەرەكتەرى جيىلەپ كەتتى. 15 قاڭتار تۇنگى ون ءبىر جارىمدا قالا تۇرعىنى ءوزىنىڭ قىزى جوعالعانى جونىندە پوليسياعا حابارلاما تۇسىرگەن, دەپ جازادى 24.kz.

كامەلەتكە تولماعان قىز بالا تەرەزە ارقىلى سەكىرىپ, ۇيىنەن قاشىپ كەتكەن. دەرەۋ ىزدەستىرۋ جۇمىسىنا كىرىسكەن ءتارتىپ ساقشىلارى كوپ ۇزاماي ءجاسوسپىرىمدى قۇربىسىنىڭ ۇيىنەن تاپتى. جالپى وتكەن جىلى پوليسەيلەر پاناسىز جانە ۇلكەندەردىڭ قاداعالاۋىنسىز جۇرگەن 186 بالانى بەيىمدەۋ ورتالىعىنا ورنالاستىردى. سونىڭ ىشىندە 92 ءجاسوسپىرىم اتا-اناسىمەن رەنجىسىپ, ەشكىمگە ەسكەرتپەي كەتىپ قالعان. ءتىپتى الماتى وبلىسىندا جوعالعان 12 جاستاعى جەتكىنشەك قىزىلوردا كوشەلەرىنىڭ بىرىندە بەيمەزگىل ۋاقىتتا جالعىز جۇرگەن جەرىنەن تابىلدى. حابار-وشارسىز كەتكەن جاسوسپىرىمدەردىڭ بارلىعى ۇيلەرىنە امان-ەسەن قايتارىلدى. وسى رەتتە يۋۆەنالدى پوليسيا قىزمەتكەرلەرى اتا-انالارعا بالالارىن باقىلاۋسىز قالدىرماۋعا شاقىرادى.

باقىت مولدابەكوۆ, جەرگىلىكتى پوليسيا باسقارماسى باستىعىنىڭ ورىنباسارى:

&ndash؛ 92 ءجاسوسپىرىمنىڭ ىشىندە ۇيىنەن كەتىپ قالۋعا بەيىم 5 ءجاسوسپىرىمدى «؛قاداعالاۋسىز جانە پاناسىز قالعان كامەلەتكە تولماعاندار»؛ ساناتىمەن ىشكى ىستەر ورگاندارىنىڭ ەسەبىنە الىپ, پروفيلاكتيكالىق جۇمىستار جۇرگىزىلۋدە. وسىعان وراي پوليسيا قىزمەتكەرلەرى اتا-انالارعا بالالارىنا باقىلاۋدى جانە جاۋاپكەرشىلىكتى كۇشەيتىپ, قاۋىپسىزدىگىن قامتاماسىز ەتۋ شارالارىن ارتتىرۋ قاجەتتىگىن قاتاڭ ەسكەرتەدى.