17 قاڭتار, 2021 news
كورنەكى سۋرەت
بۇگىن دەنساۋلىق ساقتاۋ ۆيسە-مينيسترى اجار عينيات covid-19 شالدىققان پاسيەنتتەرگە مەديسينالىق كومەكتى ۇيىمداستىرۋ ماسەلەلەرى بويىنشا كەڭەس وتكىزدى. وعان وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ دەنساۋلىق ساقتاۋ باسقارمالارى باسشىلارىنىڭ ورىنباسارلارى, ميوكارد ينفاركتىسى جانە جاراقاتتار كەزىندە مەديسينالىق كومەك كورسەتۋدىڭ ينتەگراسيالانعان مودەلىن ەنگىزۋ جونىندەگى ۇيلەستىرۋ كەڭەستەرىنىڭ, ينسۋلت جانە ونكولوگيالىق اۋرۋلار باسقارمالارىنىڭ, قر دەنساۋلىق ساقتاۋ مينيسترلىگىنىڭ قۇرىلىمدىق بولىمشەلەرىنىڭ باسشىلارى قاتىستى. بۇل تۋرالى دەنساۋلىق ساقتاۋ مينيسترلىگىنىڭ رەسمي سايتى حابارلادى.
&ndash؛ بۇگىندە حالىق اراسىندا كۆي اۋرۋىنىڭ ءوسۋىن ەسكەرە وتىرىپ, جەرگىلىكتى جەرلەردەگى دارىگەرلەر تىركەلگەن حالىقتى, ءبىرىنشى كەزەكتە د-ەسەپتە تۇرعانداردى تەكسەرۋ بويىنشا جۇمىستى جالعاستىرۋ, ناۋقاستاردىڭ دەنساۋلىق جاعدايىنىڭ ناشارلاۋىن دەر كەزىندە انىقتاۋ جانە قاجەت بولعان جاعدايدا اۋرۋحاناعا جاتقىزۋ ءۇشىن كوروناۆيرۋسپەن اۋىرعاندارعا مونيتورينگ جۇرگىزۋ قاجەت. جەرگىلىكتى جەرلەردە جۇمىسقا ءموبيلدى بريگادالاردى بەلسەندى تارتۋ كەرەك. ولار ءوز بەتىنشە دياگنوز قويىپ, ەم تاعايىنداۋى كەرەك, &ndash؛ دەدى ۆيسە-مينيستر.
كەڭەس بارىسىندا, سونداي-اق ميوكارد ينفاركتىسى جانە جاراقاتتار كەزىندە مەديسينالىق كومەك كورسەتۋدىڭ ينتەگراسيالانعان مودەلىن ەنگىزۋ, ينسۋلت پەن ونكولوگيالىق اۋرۋلاردى ەمدەۋ بويىنشا ۇيلەستىرۋ كەڭەستەرىنىڭ جۇمىسى قورىتىندىلاندى.
"اتالمىش كەڭەستەردىڭ ۇسىنىمدارى بويىنشا كۆي ەتيولوگياسى مەن پاتوگەنەزىن ەسكەرە وتىرىپ, قان اينالىمى جۇيەسى اۋرۋلارى بار پاسيەنتتەرگە ەرەكشە نازار اۋدارۋ, پاسيەنتتەردى ديناميكالىق باقىلاۋدان وتكىزۋدى جولعا قويۋ, ناۋقاستاردى امبۋلاتوريالىق دەڭگەيدە دارى-دارمەكپەن قامتاماسىز ەتۋ, سونداي-اق مامانداندىرىلعان ورتالىقتاردى ماتەريالدىق جانە كادرلىق قامتاماسىز ەتۋدى كۇشەيتۋ ماڭىزدى" دەلىنگەن ۆەدومستۆو تاراتقان حابارلامادا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر