"؛جۇمىس ەندى باستالدى"؛. ماقسات تولىقباي مالىمدەمە جاسادى

پارلامەنت ءماجىلىسى سايلاۋىنا قاتىسقان جۋرناليست, ؛"ادال" پارتياسىنىڭ مۇشەسى ماقسات تولىقباي ءوزىنىڭ پاراقشاسىندا وقىرماندارىنا ۋادە ەتكەن ۇندەۋىن جاريالادى. ونىڭ ايتۋىنشا, جۇمىس ەندى باستالادى. دەموكراتيا, وزگەرىس وزدىگىنەن كەلە سالمايدى.

&ndash؛ ؛ ماجىلىسكە مەن وتپەي قالعان شىعارمىن. سىزدەر قولداعان, داۋىس بەرگەن "ادال" پارتياسىنىڭ ءبىراز ازاماتتارى دەپۋتات بولىپ جاتىر. وبلىسقا, اۋدانعا.

كەيبىر ادامدار تۇسىنبەي دە جاتىر. پارلامەنتكە وتكەن ءۇش پارتيا نە ىستەيدى؟ ولار وزدىگىنەن زاڭ شىعارمايدى. قوعامدىق تىڭداۋ, تالقىلاۋ بولادى. "ادال" پارتياسى رەتىندە بىزدەر سول ءار زاڭ جوباسىن تالقىلاۋعا قاتىسامىز. ءبىز دە پىكىرىمىزدى ايتامىز, ءبىز دە مالىمدەمە جاسايمىز. ونىڭ سىرتىندا مەن وڭىرلەردى ارالاپ جۇرگەندە كوتەرگەن ماسەلەم بار عوي. ء"ار قازاق باي بولسىنشى" دەگەن. كاسىپ باستاعىسى كەلەتىن جۇمىسسىز جاستارعا تەگىن گرانتتاردىڭ سانىن كوبەيتۋىمىز كەرەك. مىنە, بۇگىن پارتيا شەشىم قابىلدادى. الداعى ۋاقىتتا "ادال" پارتياسىنىڭ اتىنان ءبىز تەگىن گرانتتار تاراتاتىن بولامىز. سول جۇمىس جالعاسا بەرەدى. تەك ءۇش-اق نارسە جەتىسپەي قالدى بىزگە: جۇمساق كرەسلو, تەگىن باسپانا جانە ميلليون تەڭگە ايلىق. دالادا قالعان ەشتەڭەمىز جوق. قاراپايىم ورىندىقتا وتىرىپ تا جۇمىس ىستەۋگە بولادى.

ارينە, ءۇمىت بولمادى ەمەس, بولدى. ءبىراق سايلاۋدى وتكىزگەن مەن ەمەس قوي. ول قالاي ءوتتى, تاۋەلسىز باقىلاۋشىلار نەندەي باعا بەردى؟ ونىڭ بارلىعىن اشىق ايتقان ەكى كانديدات بولسا, سونىڭ ءبىرى مەنمىن. اشىق پىكىرىمدى ءبىلدىردىم... بۇل سايلاۋ قالاي ءوتتى, ءبىز &ndash؛ سونىڭ كورىنىسىمىز. ءبىراز ازاماتتىڭ ويانۋىنا ءبىزدىڭ دە سەپتىگىمىز ءتيدى دەپ ويلايمىن. "ادال" پارتياسى ەشقايدا جوعالىپ كەتپەيدى. ناعىز جۇمىس ەندى باستالدى. ورتا جولدا مەن پارتيادان شىعىپ كەتسەم, مەنىڭ تاراپىمنان ساتقىندىق بولادى. ەگەر مەندە ازاماتتىق امبيسيا بولماسا, كرەسلوعا قىزىعاتىن ادام بولسام, كەز كەلگەن پارتيانىڭ اتىنان ۇگىت-ناسيحات جۇمىستارىن جۇرگىزىپ, قاتىسۋىما بولار ەدى. "ادالعا" ادال بولدىم دەپ ويلايمىن, &ndash؛ دەدى جۋرناليست.

وعان قوسا, ماقسات تولىقباي وزىنە قارسى جازبا جاريالاعاندارعا قاتىستى دا پىكىر ءبىلدىردى.

&ndash؛ ماعان قارسى پوست جازىپ, 40 مىڭ تەڭگە العاندار بولدى. وسى ۆيدەونى وزدەرى كورىپ وتىر. "ماقسات تولىقباي ءسالافيت, بولات نازارباەۆتان كوتتەدج العان, ابليازوۆتىڭ تىڭشىسى" دەپ جازعاندار دا بولدى. ءبىر نارسەنى ءتۇسىندىم. بۇل ۇلكەن ساياسي تەحنولوگيا. كىم رامكادان شىققىسى كەلەدى, كىم وزگەرگىسى كەلەدى, وسىلاي اياقتان تارتۋشىلار بولادى. ءبىرىمىزدى ءبىرىمىز اياعىمىزدان شالاتىن بولساق, ەشقاشان باسىمىز بىرىكپەيدى. 37-جىلدان بەرىپ سولاي, اعايىن. قازاقتى ساتقان دا قازاق, اتقان دا قازاق. سوندىقتان ءار ازاماتتى قولداۋىمىز كەرەك. اياقتان تارتىپ وتىرساق, ەشتەڭە وزگەرمەيدى. ؛بىر ۇلكەن ءىستىڭ باسى باستالدى. ءبىر ايدىڭ ىشىندە نە ىستەي الاتىنىمىزدى كورسەتتىك. 27 كۇن ىشىندە ەشقانداي پارتيانىڭ تاريحىندا بولماعان, 360 مىڭ ادامدى مۇشەلىككە وتكىزدىك, &ndash؛ دەگەن ول ميتينگكە شىعۋدىڭ ويدا بولعانىن, الايدا وعان قوعام دايىن ەمەس ەكەندىگىن ايتتى, &ndash؛ ميتينگكە شىعۋ ويدا بولمادى ەمەس, بولدى... اششى دا بولسا ايتايىن, مۇندايعا ءبىزدىڭ قوعام ءالى دايىن ەمەس. مەن اتويلاپ الاڭعا شىعايىن, ارتىمنان كوپ بولسا 2000 ادام ەرىپ شىعادى. سودان نە وزگەرەدى؟ ءسويتىپ تارقايمىز, ؛&ndash؛ دەدى ول.