اقتوتى رايىمقۇلوۆا اۋەزوۆ تەاترىن 95 جىلدىعىمەن قۇتتىقتادى

13 قاڭتار &ndash؛ م.اۋەزوۆ اتىنداعى قازاق ۇلتتىق اكادەميالىق دراما تەاترىنىڭ قۇرىلعان كۇنى. بيىل قارا شاڭىراققا 95 جىل تولىپ وتىر. كەشە پرەزيدەنت جارلىعىمەن "ۇلتتىق" مارتەبە بەرىلۋى جانە تەاتردىڭ ؛ 95 جىلدىعىنا ارنالعان ءباسپاسوز كونفەرەنسياسى ءوتتى.

كونفەرەنسياعا قر مادەنيەت جانە سپورت ءمينيسترى اقتوتى رايىمقۇلوۆا, سونداي-اق, "ۇلتتىق" مارتەبەسىن يەلەنگەن م.اۋەزوۆ اتىنداعى قازاق ۇلتتىق دراما تەاترىنىڭ كوركەمدىك جەتەكشىسى, قسرو حالىق ءارتيسى &ndash؛ ءا.اشىموۆ؛ م.اۋەزوۆ اتىنداعى قازاق ۇلتتىق دراما تەاترىنىڭ ديرەكتورى, قازاقستاننىڭ ەڭبەك سىڭىرگەن قايراتكەرى &ndash؛ ە.جۋاسبەك؛ اباي اتىنداعى قازاق ۇلتتىق وپەرا جانە بالەت تەاترىنىڭ ديرەكتورى, قازاقستاننىڭ ەڭبەك سىڭىرگەن قايراتكەرى &ndash؛ ا.كاليەۆا؛ م.يۋ.لەرمونتوۆ اتىنداعى ۇلتتىق ورىس دراما تەاترىنىڭ ديرەكتورى &ndash؛ ا.ياكۋشەۆ؛ قۇرمانعازى اتىنداعى ۇلتتىق حالىق اسپاپتار وركەسترىنىڭ ديرەكتورى &ndash؛ م.قۋانىشەۆ؛ قر ۇلتتىق كىتاپحاناسىنىڭ ديرەكتورى &ndash؛ ب.وسپانوۆا قاتىستى.

باق وكىلدەرىنە ارنالعان ءباسپاسوز كونفەرەنسياسىنان كەيىن مادەنيەت جانە سپورت ءمينيسترى ؛مۇحتار اۋەزوۆ اتىنداعى قازاق ۇلتتىق اكادەميالىق دراما تەاترىنىڭ وكىلدەرىن "مادەنيەت سالاسىنىڭ ۇزدىگى" توسبەلگىسىمەن ماراپاتتاپ, مادەنيەت جانە سپورت مينيسترلىگىنىڭ گراموتالارى مەن العىس حاتتارىن تابىس ەتتى.

&ndash؛ وتكەن 2020 جىلى ءبىز ءبىرقاتار ماڭىزدى مىندەتتەردى ابىرويمەن ورىندادىق. ماسەلەن, مەملەكەت باسشىسىنىڭ جولداۋىن ىسكە اسىرۋ اياسىندا 1 قاڭتاردان باستاپ مادەنيەت جانە ارحيۆتەر ۇيىمدارى قىزمەتكەرلەرىنىڭ جالاقىسى رەسپۋبليكالىق دەڭگەيدە 50 پايىزعا, وڭىرلەردە 35 پايىزعا دەيىن ءوستى. جالپى رەسپۋبليكا بويىنشا مۇنداي ءوسىم شامامەن 34 مىڭ ادامدى قۇرادى. بۇل باعىتتاعى جۇمىستار جالعاساتىن بولادى, &ndash؛ دەدى مينيستر مادەنيەت سالاسىنداعى 2020 جىلعى جەتىستىكتەرگە تۇسىنىكتەمە بەرە وتىرىپ.

ماسەلەن, 2020 جىلعى 1 قاڭتاردان باستاپ مادەنيەت جانە سپورت سالاسىنداعى مامانداندىرىلعان مەكتەپتەر مەن كوللەدج قىزمەتكەرلەرىنىڭ جالاقىسى 2023 جىلعا دەيىن جىل سايىن 25 پايىزعا ارتادى.