10 قاڭتار, 2021 فوتو-ارحيۆ
فوتو: qamshy.kz
پارلامەنت ءماجىلىسى سايلاۋىنا بويكوت جاريالاعان ازاماتتىق بەلسەندى جانبولات ماماي مەن ونىڭ جاقتاستارى الماتىداعى رەسپۋبليكا الاڭى ماڭىندا ميتينگ وتكىزىپ جاتىر. قامشى ءتىلشىسى ميتينگتەن ارنايى فوتورەپورتاج دايىندادى.
الاڭعا شىققان ميتينگشىلەر "ويان, قازاق!", "داريعا بيلىككە كەلمەسىن!", &ldquo؛جەر شەتەلدىكتەرگە بەرىلمەسىن!" دەپ ۇرانداتتى.
جانبولات مامايدىڭ جاقتاستارىنا قارسى ۇرانداتقان بەلگىسىز توپ وكىلدەرى بولدى. ولار "تاۋەلسىزدىكتى نازارباەۆ الىپ بەردى", "ماماي ساتقىن", "تىنىشتىقتى بۇزباڭدار" دەپ ۇرانداتتى.
اتى-جونىن اتاۋدان باس تارتقان "جاستاردىڭ اتىنان كەلىپ تۇرمىن" دەگەن بەلگىسىز ادام نارازى توپقا قارسى سويلەپ, "ەلگە تىنىشتىق كەرەگىن" ايتتى.
 ؛
الدەكىمدەر الاڭعا كولونكا اكەپ, قازاق ەسترادا انشىلەرىنىڭ اندەرىن قويدى. سونىڭ سالدارىنان شەرۋشىلەردىڭ داۋسى دۇرىس ەستىلمەدى.
الاڭعا كەلگەن "oyan, qazaqstan" قوزعالىسىنىڭ مۇشەلەرىن دە ارنايى جاساق قورشاپ تۇردى. ولاردىڭ قولىندا "نە مولچي. پروتەستۋي. گوۆوري گرومچە", "ۆىۆورى 2021" دەگەن پلاكاتتار بولدى.
ميتينگ ءوتىپ جاتقان الاڭعا ەل ىشىندە "امانتاي قاجى" اتالىپ كەتكەن امانتاي حانتەمىرۇلى كەلىپ, "دۇنيەدە تىنىشتىق بولسىن... نازارباەۆ حالىققا اقشاسىن قايتارسىن! ول حالىققا قارىز! ءبىراق ەلگە سوعىس كەرەك ەمەس!" دەدى.
الاڭ مەن سول جەرگە جاقىن ماڭايدا ۇيالى بايلانىس ناشار بولىپ, ينتەرنەت مۇلدەم ىستەمەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر