توقاەۆ رەسەي دەپۋتاتتارىنىڭ داۋلى مالىمدەمەسىنە جاۋاپ قاتتى

"بابالاردان مۇرا بولعان قاسيەتتى جەرىمىز &ndash؛ ەڭ باستى بايلىعىمىز. قازاققا وسىناۋ ۇلان-عايىر اۋماقتى سىرتتان ەشكىم سىيعا تارتقان جوق. بۇل تۋرالى پرەزيدەنت "تاۋەلسىزدىك بارىنەن قىمبات" ماقالاسىندا ءمالىم ەتتى.

"بۇگىنگى تاريحىمىز 1991 جىلمەن نەمەسە 1936 جىلمەن ولشەنبەيدى. حالقىمىز قازاق حاندىعى كەزىندە دە, ودان ارعى التىن وردا, تۇرىك قاعاناتى, عۇن, ساق داۋىرىندە دە وسى جەردە ءومىر سۇرگەن, وسىپ-ونگەن. قىسقاشا ايتقاندا, ۇلتتىق تاريحىمىزدىڭ تەرەڭ تامىرلارى كونە زاماننىڭ وزەگىندە جاتىر. جالپى, تاريحپەن ساياساتكەرلەر ەمەس, تاريحشىلار اينالىسۋى كەرەك.

شەكارا سىزىعىن رەسمي تۇردە حالىقارالىق شارتپەن بەكىتىپ, ونى الەم جۇرتىنىڭ مويىنداۋى سوڭعى بىرنەشە عاسىردا ۇردىسكە اينالدى. وعان دەيىن قازىرگىدەي دەليميتاسيا, دەماركاسيا دەگەن ۇعىمدار بولماعان. ؛ ؛

بىز شەكارا ماسەلەسىن شەشۋمەن ناقتى اينالىسىپ جاتقان كەزدە كەيبىر ساياساتكەرلەر مەن قوعام قايراتكەرلەرى ء"بىز بۇعان اسىقپايىق", "كەيىن دە كەلىسۋگە بولادى" دەپ ارقانى كەڭگە سالعىسى كەلگەنى ەسىمىزدە. كەلىسسوزدەردى تاباندىلىقپەن جۇرگىزىپ, ىرگەمىزدى دەرەۋ قىمتاپ العانىمىز وتە دۇرىس بولعانىن ۋاقىتتىڭ ءوزى دالەلدەپ بەردى. ءقازىر كىم نە ايتسا دا, ءبىزدىڭ ەكىجاقتى كەلىسىمدەرمەن بەكىتىلىپ, حالىقارالىق دەڭگەيدە تانىلعان شەكارامىز بار. ەندى وعان ەشكىم داۋلاسا المايدى.

 ؛

جوعارىدا ايتقانىمداي, شەكارامىز تولىعىمەن شەگەندەلدى. 2018 جىلى كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويىلعاننان كەيىن قۇرلىقتاعى عانا ەمەس, تەڭىزدەگى شەكارامىز دا ءبىرجولا ايقىندالىپ, تۇپكىلىكتى شەشىلدى" دەلىنگەن پرەزيدەنت ماقالاسىندا.