ديماش اقش پرەزيدەنتىنىڭ يناۋگۋراسياسىندا ونەر كورسەتەدى

ديماش قۇدايبەرگەن امەريكا قۇراما شتاتتارىندا 17 قاڭتار كۇنى جاڭادان سايلانعان اقش پرەزيدەنتى دجوزەف بايدەننىڭ يناۋگۋراسياسىن تويلاۋ اپتالىعىنىڭ اشىلۋ سالتاناتىنا قاتىسادى. بۇل تۋرالى ؛dimashnews.com سايتى ؛ حابارلادى.

داستۇر بويىنشا ءىس-شارانى "sister cities international" (باۋىرلاس قالالار اسسوسياسياسى) ۇيىمى وتكىزەدى. اقش-تىڭ جاڭادان سايلانعان پرەزيدەنتى دجوزەف بايدەن ۇيىمنىڭ قۇرمەتتى تەڭ ءتوراعاسى اتانعان.

"sister cities international" ۇيىمىنىڭ نەگىزى قالانعالى جانە اقش پەن قازاقستاننىڭ قارىم-قاتىناسى تاريحىندا العاش رەت جاڭا سايلانعان اقش پرەزيدەنتىنىڭ يناۋگۋراسياسىن تويلاۋ اپتالىعىن اشاتىن ءىس-شاراعا قازاقستاندىق ءانشى &ndash؛ ديماش قۇدايبەرگەن قاتىسادى.

پاندەمياعا بايلانىستى مەرەكە 2021 جىلدىڭ 17 قاڭتارىندا ساعات 19:00-دەن 21:00-گە دەيىن (نۇر-سۇلتان ۋاقىتى بويىنشا ساعات 6:00-دەن 8:00-گە دەيىن) ونلاين تۇردە وتەدى" دەلىنگەن اقپاراتتىق حابارلامادا.

ۆاشينگتوندا ورنالاسقان "sister cities international" حالىقارالىق ۇكىمەتتىك ەمەس ۇيىمىنىڭ نەگىزىن 1953 جىلى اقش-تىڭ 34-پرەزيدەنتى دۋايت ەيزەنحاۋەر قالاعان.

سول كەزدەن بەرى اقش پرەزيدەنتتەرى دجون ف. كەننەدي, ۇلكەن دجوردج بۋش, بيلل كلينتون, باراك وباما جانە دونالد ترامپ بۇل ۇيىمنىڭ قۇرمەتتى تەڭ ءتوراعالارى بولدى.

"sister cities international" 70 جىلعا جۋىق تاريحىندا اقش قالالارى جانە ونىڭ 130-دان اسا مەملەكەتتەگى باۋىرلاس قالالارىنىڭ ءوزارا ارەكەتتەسۋىنە بايلانىستى كوپتەگەن ءىس-شارالاردى وتكىزدى.

"sister cities international" ءىس-شاراسىنان ءبىر كۇن بۇرىن, 16 قاڭتاردا ديماش قۇدايبەرگەننىڭ ؛ "dimash digital show" اتتى العاشقى ونلاين-كونسەرتى وتكىزىلەدى.