قازاقستاندا جەمقورلىقپەن سوتتالعانداردى جازالاۋ ءتارتىبى وزگەردى

30 جەلتوقساننان باستاپ قازاقستاندا اۋىر جانە اسا اۋىر سىبايلاس جەمقورلىق قىلمىستارى ءۇشىن سوتتالعانداردى شارتتى تۇردە مەرزىمىنەن بۇرىن بوساتۋعا تىيىم سالىنادى. قىلمىستىق جانە قىلمىستىق-پروسەستىك كودەكستەردەگى وسى جانە باسقا دا وزگەرىستەر تۋرالى سىبايلاس جەمقورلىققا قارسى ءىس-قيمىل دەپارتامەنتى باستىعىنىڭ ورىنباسارى ايدوس مامىت بريفينگتە مالىمدەدى. بۇل تۋرالى azh.kz سايتى حابارلادى. ؛

ونىڭ ايتۋىنشا, ەكى جاعدايدا عانا تىيىم قولدانىلمايدى. 1. ەگەر سوتتالعان ادام الەۋمەتتىك جاعىنان وسال ازاماتتاردىڭ كەيبىر ساناتىنا جاتاتىن بولسا (كىشكەنتاي بالالارى بار ايەلدەر؛ كىشكەنتاي بالالارىن جالعىز ءوزى تاربيەلەيتىن ەر ادامدار؛ 58 جاستان اسقان ايەلدەر, 63 جاستان اسقان ەرلەر؛ i جانە ii توپتاعى مۇگەدەكتەر). 2. ەگەر سوتتالعان ادام ىنتىماقتاستىق تۋرالى پروسەسسۋالدىق كەلىسىمنىڭ بارلىق شارتىن ورىنداعان بولسا.

بىراق مەرزىم ارالىعى ۇزارتىلدى, ول وتكەننەن كەيىن شارتتى تۇردە مەرزىمىنەن بۇرىن بوساتۋعا ءوتىنىش بەرۋگە قۇقىلى.

&ndash؛ ؛ ەگەر بۇرىن جوعارىدا اتالعان ازاماتتار ساناتى اۋىر سىبايلاس جەمقورلىق قىلمىسى ءۇشىن جازانىڭ ۇشتەن ءبىرىن وتەگەن سوڭ شارتتى تۇردە مەرزىمىنەن بۇرىن بوساتۋعا ءوتىنىش بەرە الاتىن بولسا, ەندى ولار جازانىڭ كەمىندە جارتىسىن وتەۋى كەرەك بولادى. ؛ال اسا اۋىر سىبايلاس جەمقورلىق قىلمىستارى ءۇشىن سوتتالعان ادام شارتتى تۇردە مەرزىمىنەن بۇرىن بوساتۋعا ءوتىنىشتى جازۋ ءۇشىن جازانىڭ كەمىندە ۇشتەن ەكى بولىگىن وتەۋى كەرەك (بۇرىن كەمىندە جارتىسى بولعان). قولدانىستاعى شارالار كۇشتى الدىن-الۋ قۇرالىنا اينالاتىنىنا سەنىمدىمىن. ءاربىر مەملەكەتتىك قىزمەتشى ەندى اياعىن شالىس باسپاس بۇرىن, مىڭ رەت ويلاناتىن بولادى, ؛&ndash؛ دەدى مامىت

ەكىنشى وزگەرىس &ndash؛ سوتتالۋشىلاردا جەمقورلىق قىلمىسى ءۇشىن جازانى بىردەن قونىس كولونياسىندا وتەۋ مۇمكىندىگى بولمايدى.

&ndash؛ بۇل جالپى قىلمىس جاساعانى ءۇشىن سوتتالعاندارمەن سالىستىرعاندا جەمقور شەنەۋنىكتەردىڭ ارتىقشىلىق جاعدايىن جويادى. قونىس كولونياسىنا اۋىسۋ ءۇشىن جابىق تيپتەگى تۇزەۋ مەكەمەلەرىندە كەم دەگەندە ەكى جىل وتكىزۋ كەرەك. بۇل ايىرماشىلىق ءبىراز سىن تۋدىردى.

ۇشىنشى وزگەرىس ؛&ndash؛ قۇقىق قورعاۋ ورگاندارىنىڭ قىزمەتكەرلەرى مەن سۋديالار ءۇشىن سىبايلاس جەمقورلىق جازاسى كۇشەيتىلدى: ولار ءۇشىن, مىسالى, قر قىلمىستىق كودەكسىنىڭ 366-بابى («؛پارا الۋ»؛) بويىنشا ەڭ ۇزاق مەرزىمدەر قولدانىلدى.

تورتىنشى وزگەرىس ؛&ndash؛ مەملەكەتتىك قىزمەتكەرلەرگە, پارلامەنت دەپۋتاتتارىنا, سۋديالارعا شەتەلدىك بانكتەردە ەسەپشوتتار ۇستاۋعا تىيىم سالۋدى ەنگىزۋ. ەندى مەملەكەتتىك قىزمەتشىلەردى لاۋازىمعا تاعايىنداۋ كەزىندە ولارعا, ەگەر بار بولسا, شەتەلدەگى شوتتارىن جابۋعا 6 اي مەرزىم بەرىلەدى. ال جۇمىس ىستەپ جۇرگەن مەملەكەتتىك قىزمەتشىلەرگە كەلەتىن بولساق, ولارعا دا قر-دان تىس جەرلەردە ورنالاسقان شەتەلدىك بانكتەردەگى ەسەپشوتتاردى جابۋعا 6 اي مەرزىم بەرىلەدى.

سونىمەن قاتار, زاڭدا مەملەكەتتىك قىزمەتشىلەردىڭ شەتەلدىك بانكتەردە ەسەپشوتتارى بولۋعا قۇقىعى بار جاعدايلار انىقتالعان ؛&ndash؛ بۇل جۇمىس, وقۋ, تاعىلىمدامادان ءوتۋ, شەتەلگە ءىسساپارعا شىعۋ نەمەسە ەمدەلۋ نەمەسە زاڭدى وكىل رەتىندە كامەلەتكە تولماعان بالانىڭ شەتەلدە بولۋى.

ەگەر مەملەكەتتىك قىزمەتشى شەتەلدىك بانكتەگى ەسەپشوتىن جاپقىسى كەلمەسە, وندا ول ءوز ەركىمەن جۇمىستان كەتۋ تۋرالى ءوتىنىش بەرۋى كەرەك.