23 جەلتوقسان, 2020 news
فوتو: ۆيدەودان الىنعان سكرين
تۇركىستان وبلىسىندا بەلگىسىز ادامدار كولىكتەن ءتۇسىپ, تەلەفونمەن سويلەسىپ تۇرعان ەر ادامعا وق جاۋدىرا باستاعان. بولعان وقيعا بەينەباقىلاۋعا ءتۇسىپ قالىپ, ۆيدەوسى جەلىدە تارادى. ؛
جەلى قولدانۋشىلارى "90-شى جىلدارداعى قاقتىعىس سياقتى" دەپ اتاۋ بەرگەن ۆيدەودان تەلەفونمەن سويلەسىپ تۇرعان ەر ادامنىڭ جانىنا سۇر كولىك كەلىپ توقتاپ, ىشىنەن بەلگىسىز ادامدار جۇگىرىپ ءتۇسىپ, وق جاۋدىرا باستاعانىن كورۋگە بولادى.
اتالعان وقيعا 17 جەلتوقساندا تۇركىستان وبلىسىندا بولعانى انىقتالدى.
"17 جەلتوقسان كۇنى ساعات 22:15-تە سارىاعاش اپب-نە اۋداندىق اۋرۋحانادان ءتۇرلى دەنە جاراقاتتارى بار ەر ادامنىڭ جەتكىزىلگەنى تۋرالى حابارلاما كەلىپ ءتۇستى. دارىگەرلەر زارداپ شەككەن ادامعا مەديسينالىق كومەك كورسەتتى. اتالعان دەرەك سارىاعاش ءاپب-نىڭ سدتبت-نە 293-باپتىڭ 3-بولىگى "بۇزاقىلىق" بويىنشا تىركەلدى.
اقپارات العاننان كەيىن وقيعا ورنىنا جەدەل-تەرگەۋ توبى شىقتى. الدىن الا مالىمەتتەر بويىنشا, جول بويىنداعى كافەلەردىڭ بىرىندە كەلۋشىلەر اراسىندا ەرەگەس بولىپ, ارتى توبەلەسكە ۇلاسقان. ناتيجەسىندە بۇرىن بىرنەشە رەت سوتتالعان, سونىڭ ىشىندە قاراقشىلىق ءۇشىن سوتتالعان جابىرلەنۋشى اۋرۋحاناعا كومەك سۇراپ جۇگىنگەن, ال كۇدىكتىلەر اۆتوكولىكپەن قاشىپ كەتكەن.
سول كۇنى پوليسيا كۇدىكتىلەردىڭ جەكە باسىن انىقتادى. تۇركىستان وبلىسىنىڭ پوليسيا دەپارتامەنتىندە ولاردى ۇستاۋعا باعىتتالعان تاجىريبەلى قىزمەتكەرلەر قاتارىنان جەدەل توپ قۇرىلدى" دەلىنگەن تۇركىستان وبلىسى پد ءباسپاسوز قىزمەتىنىڭ حابارلاماسىندا.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر