23 جەلتوقسان, 2020 ەكونوميكا
زەينەتاقى جيناعىنىڭ ءبىر بولىگىن مەرزىمىنەن بۇرىن شەشۋگە رۇقسات بەرىلدى
جيناقتىڭ ءبىر بولىگىن تۇرعىن ءۇي جاعدايىن جاقسارتۋعا, ەم اقىسىن تولەۋگە نەمەسە جەكە قارجى كومپانيالارىنىڭ باسقارۋىنا بەرۋگە بولادى.
فوتودا قر پارلامەنتىنىڭ ءماجىلىسى ءتوراعاسى – نۇرلان نىعماتۋلين
پارلامەنت ەكونوميكالىق ءوسىمدى قالپىنا كەلتىرۋ, زەينەتاقى جيناقتارىن مەرزىمىنەن بۇرىن الۋ تۋرالى ەرەجەنى قامتيتىن زاڭ جوباسىن قابىلدادى. بۇل تۋرالى ؛zakon.kz ؛سايتى حابارلادى. ؛
ماجىلىس دەپۋتاتتارى سەنات ەنگىزگەن ءبىرقاتار تۇزەتۋلەردى ماقۇلداپ, زاڭ جوباسىن قابىلدادى. بۇل زاڭ جوباسىندا زەينەتاقى جيناقتارىن مەرزىمىنەن بۇرىن الۋ تۋرالى ەرەجە دە بار.
2021 جىلدىڭ باسىنان باستاپ زەينەتاقى قورىنىڭ سالىمشىلارى جيناقتارىنىڭ ءبىر بولىگىن تۇرعىن ءۇي ساتىپ الۋ, ەمدەلۋ نەمەسە قارجى كومپانيالارىنىڭ باسقارۋىنا بەرۋ ءۇشىن پايدالانا الادى.
بۇعان دەيىن, ؛بىرقاتار نورمانى ناقتىلاپ, ىشكى قاراما-قايشىلىقتى جويۋ قاجەت بولعاندىقتان, زەينەتاقى جيناعىن مەرزىمىنەن بۇرىن شەشىپ الۋعا رۇقسات ەتەتىن زاڭ جوباسىن سەناتورلار ماجىلىسكە كەرى قايتارعان بولاتىن. سەنات سپيكەرى ماۋلەن اشىمباەۆ "ازاماتتاردىڭ زەينەتاقى جيناعىنىڭ ءبىر بولىگىن باسپانا الۋعا جانە ەمدەلۋگە جۇمساۋعا قۇقىعى بەلگىلەنەدى. وسى زاڭ جوباسىندا ءبىلىم گرانتتارىنا بەرىلەتىن كۆوتا دا قاراستىرىلعان. ؛زاڭ قابىلدانعاننان كەيىن ەل يگىلىگىنە قىزمەت ەتەدى دەپ سەنەمىز" دەگەن بولاتىن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر