رۋحاني جاڭعىرۋ: اقتوبەنىڭ 7 جەتىستىگى

«؛رۋحاني جاڭعىرۋ»؛ باعدارلاماسىن جۇزەگە اسىرۋدا اقتوبە وبلىسىندا اتقارىلعان جۇمىستار اۋقىمدى, مازمۇندى, جەتىستىكتەرى مول. 13 ارنايى جوبا اياسىندا ىسكە اسىرىلعان ەرەكشە 7 جوباعا توقتالماقپىز.

تۋعان جەرگە تاعزىم
«؛تۋعان جەر»؛ ارنايى جوباسى اياسىندا «؛تۋعان جەرگە تاعزىم»؛ اكسياسى بويىنشا جەرلەس-مەسەناتتاردىڭ دەمەۋشىلىگىمەن 2020 جىلى اكسيا اياسىندا 1 ملرد. 180 ملن. تەڭگەگە 368 جوبا جۇزەگە اسىرىلدى.
اقتوبە قالاسىندا «؛ەسەت باتىر ەسكەرتكىشى»؛ قورىنىڭ دەمەۋشىلىگىمەن ەسەت باتىردىڭ ەسكەرتكىشى ورناتىلدى. فۋتبول جانە باسكەتبول ويناۋعا ارنالعان «؛تاۋكە حان»؛ سپورت الاڭى اشىلدى.
العا قالاسىندا ەسەت باتىر كوكىۇلىنىڭ ەسكەرتكىش ءمۇسىنىن اباتتاندىرۋ جۇمىستارى جۇزەگە اسىرىلسا, تەمىر اۋدانى شۇبارقۇدىق اۋىلىندا گەنەرال-لەيتەنانت ج. كەرەەۆتىڭ ەسكەرتكىشى ورناتىلدى. قوبدا اۋدانى تالدىساي اۋىلدىق وكرۋگىندە بالالارعا ارنالعان سپورتتىق الاڭ سالىنىپ, ايتەكە بي اۋدانىندا «؛اكەلەر ساياباعى»؛ سپورت قۇرىلعىلارىمەن جابدىقتالدى.

«؛ادەبيەت. رۋح. قوعام»؛ رەسپۋبليكالىق ادەبيەت فورۋمى
«؛ۇلى دالانىڭ جەتى قىرى»؛ ماقالاسى قازاق ەلىنىڭ ۇلتتىق قۇندىلىقتارىن ايشىقتايتىن جوبالارىمەن ەرەكشەلەنەدى.
«؛ۇلى دالانىڭ ۇلى ەسىمدەرى»؛ ارنايى جوباسى اياسىندا اقتوبە قالاسىندا «؛ادەبيەت. رۋح. قوعام»؛ رەسپۋبليكالىق فورۋمى وتكىزىلىپ, وعان قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت, اقىن اقۇشتاپ باقتىگەرەەۆا, شقو اباي اۋدانىنىڭ اكىمى جارقىنبەك بايسابىروۆ قاتىستى.
اتالعان شارادا ادەبي بايقاۋ جەڭىمپازدارى انىقتالىپ, 1 ملن تەڭگە قارجىلاي سەرتيفيكاتقا يە بولىپ, ءارتۇرلى جانردا قالام تەربەپ جۇرگەن جۇيرىكتەر انىقتالدى. تاحاۋي احتانوۆ اتىنداعى جۇلدەنى جازۋشى-دراماتۋرگ سەرىك اسىلبەكۇلى يەلەنسە, قۋاندىق شاڭعىتباەۆ اتىنداعى سىيلىق اقىن-اۋدارماشى بايبوتا قوشىم نوعايعا بۇيىردى. اقىن جانات اسكەربەكقىزى ساعي جيەنباەۆ اتىنداعى جۇلدەگە يە بولىپ, اقىن, جۋرناليست ەرتاي اشىقباەۆ ءىزتاي مامبەتوۆ اتىنداعى بالالارعا ارنالعان شىعارمالار نوميناسياسىنىڭ يەگەرى اتاندى.
فورۋم اياسىندا ۇلى ويشىل, قازاقتىڭ باس اقىنى اباي قۇنانبايۇلىنا ەسكەرتكىش ورناتىلدى.
اتالمىش شارا بارىسىندا سىرىم باتىر داتۇلى جەتەكشىلىگىمەن 1785 جىلى قازاقستان تاريحىنداعى تۇڭعىش «؛حالىق كەڭەسى»؛ قۇرىلتايى وتكەن اقتوبە قالاسىنىڭ باتىس جاعىنداعى جىڭىشكە وزەنى بويىندا «؛حالىق كەڭەسى»؛ ەسكەرتكىش-بەلگىسى اشىلدى.
ۇلى دالانىڭ ۇلى ەسىمى
«؛تۇركى الەمىنىڭ گەنەزيسى»؛ ارنايى جوباسى اياسىندا «؛ەر ەدىگە &ndash؛ نوعايلى ءداۋىرىنىڭ جىرى»؛ حالىقارالىق عىلىمي-تاجىريبەلىك كونفەرەنسياسى ۇيىمداستىرىلىپ, 500 دانامەن جارىققا شىققان جىر البومىنىڭ تۇساۋكەسەر ءراسىمى ءوتتى. جىرشىلار ءبىر كۇن بويى ساحنادان ەدىگە جىرىن جىرلادى. جىر جيناققا «؛ەدىگە باتىر ەپوسى»؛, «؛قىرىمنىڭ قىرىق باتىرى»؛, «؛قاراساي-قازي»؛, ت.ب. جالپى سانى 40-تان استام جىرلار ەنگىزىلگەن. مۋزىكالىق البوم 10 دىبىستىق جازبا ديسكىدەن تۇرادى, وندا 60 ساعاتتىق جىر جازىلعان. مۇنداي فولكلورلىق جوبا التىن وردانىڭ 750 جىلدىعىنا ارنالىپ, رەسپۋبليكادا العاشقى رەت اقتوبەدە جۇزەگە اسىرىلدى.
س.بايىشەۆ ۋنيۆەرسيتەتىمەن بىرلەسە «؛ەدىگە باتىر»؛ ەپوسىنىڭ 600 جىلدىعىنا وراي «؛ەدىگە باتىر»؛ ەپوسى جانە ۇلتتىق رۋحانيات»؛ اتتى حالىقارالىق كونفەرەنسياسى ۇيىمداستىرىلىپ, اقتوبە قالاسىندا «؛ەر ەدىگە»؛ قوعامدىق قورىنىڭ دەمەۋشىلىگىمەن ەدىگە باتىرعا ەسكەرتكىش ورناتىلدى.
كيەلى قازاقستان
«؛كيەلى جەرلەر گەوگرافياسى»؛ ارنايى جوباسى اياسىندا وبلىستاعى تاريحي جانە مادەني ەسكەرتكىشتەرگە ارحەولوگيالىق زەرتتەۋلەر جۇرگىزىلدى.
شالقار اۋدانىنىڭ مۇعالجار تاۋ سىلەمدەرى, شوشقاكول قىرقاسى مەن شاعىراي جونى, ءۇستىرت (دوڭىزتاۋ) جانە ۇلى بورسىق قۇمى اۋماعى زەرتتەلدى. انىقتالعان ەسكەرتكىشتەردىڭ نەگىزگى باسىم بولىگى تاس عاسىرىنىڭ تۇراقتارى مەن قولا ءداۋىرى, ەرتە تەمىر عاسىرى جانە ورتا عاسىرلارعا قاتىستى قورعاندار.
ويىل اۋدانىنىڭ شوپتىكول-ى قورىمىنداعى 38 جەرلەۋ-عۇرىپتىق نىساندارىنان تابىلعان زاتتاي جادىگەرلەر مەن جەرلەۋ داستۇرىنە قاراپ ب.ز ءىى-ىv عاسىرلارعا ءتان ەكەنى انىقتالدى.
ىرعىز اۋدانىنداعى شەڭبەرتال-ى قورىمى ەنەوليت جانە قولا ءداۋىرىنىڭ تۇراقتارى مەن قورىم ءتۇرىن بەينەلەيدى. بەيىت قۇرىلىسى مەن ىشىندەگى زاتتار ساراپتاماسى بويىنشا قورىمدى ب.ز.ب. ءىى مىڭجىلدىققا جاتقىزۋعا بولادى.

بۇگىنگى اقپاراتتار اعىمى زامانىندا زەرتتەلگەن ەسكەرتكىشتەردى تانىتۋ, ۇرپاققا جەتكىزۋ ماقساتىندا qr-كودتار ورناتىلدى. ەسكەرتكىشتەرگە كەلۋشىلەر qr كودتار ارقىلى ارنايى ءموبيلدى قوسىمشادان ەسكەرتكىش تۋرالى نەگىزگى مالىمەتتەردى, ورنالاسقان جەرى, تاريحى, تاريحي ورىنمەن بايلانىستى اڭىز-اڭگىمەلەرمەن تانىسا الادى. جوبا اياسىندا بارلىعى 97 ەسكەرتكىشكە, ونىڭ ىشىندە قالا اۋماعىنداعى 39 ەسكەرتكىشكە, اۋداندارداعى 58 ەسكەرتكىشكە بىرەگەي جانە جەكەلەگەن qr-كودتار ورناتىلدى. 2021 جىلى وبلىس بويىنشا 50 ەسكەرتكىشكە qr-كود ورناتۋ جوسپارلانىپ وتىر.

وڭىردەگى تۋريستىك وبەكتىلەردىڭ كارتاسى جاسالىپ, بارلىق اۋداندارعا تۋريستىك ساپارلار ۇيىمداستىرىلدى.
تۋريستتەر اگروتۋريزم بويىنشا ۇلتتىق تاعامدار (قىمىز, قايماق, بالقايماق, سارىماي جانە ت. ب.) دايىنداۋ ۇدەرىسى, «؛بارقىن»؛ ءشول قۇمدارى, جىبەك جولىنىڭ (كوكجار جارمەڭكەسى, كوپەس ۇيلەرى) تاريحى, باتىس قازاقستانداعى جالعىز مارال شارۋاشىلىعىمەن تانىستى.
سونىمەن قاتار گەولوگيالىق نىسانداردىڭ حالىقارالىق تىزىمىنە ەنگىزىلگەن «؛ايدارلىاشا»؛ گەولوگيالىق قيماسى, «؛جامانشىڭ»؛ كراتەرى, «؛ەسەت ءدارىباي»؛ مەموريالدىق كەشەنى, «؛حان مولاسى»؛ مەموريالدىق كەشەنى, «؛اقتولاعاي»؛ ءۇستىرتى, «؛اقبوتا-ساڭكىباي»؛ بورلى تاۋلارى, «؛حازرەت مەشىتى»؛, «؛دوسجان يشان»؛ مەموريالدىق كەشەنى, «؛تولەۋبۇلاق»؛ ۇڭگىرى تۋريستىك باعىتقا الىنعان.

#بىزبىرگەمىز
2020 جىل - «؛ۆولونتەر جىلى»؛ اياسىندا «؛بىرگەمىز»؛ ۇلتتىق جوباسىنىڭ 7 باعىتى ء(«؛بىلىم»؛, «؛ساباقتاستىق»؛, «؛ساۋلىق»؛, «؛تازا الەم»؛, «؛اسىل مۇرا»؛, «؛قامقور»؛, ء«؛ۇمىت»؛) بويىنشا جۇمىستار اسا قارقىنمەن جۇزەگە اسىرىلدى. جىل باسىندا قۇرامىندا 1000-عا جۋىق ۆولونتەرلارى بار 35 توپ قىزمەت ەتسە, قازىرگى تاڭدا 2000-نان استام ۆولونتەرلارى بار 94 ۆولونتەرلىق توپ بار.
«؛اقتوبە قايىرىمدى جاندار»؛, «؛نۇر-شاپاعات»؛, «؛د.ا.ر.»؛ جانە «؛جۇرەكتەن جۇرەككە»؛ ۆولونتەرلىق توپتارى جۇيەلى تۇردە مۇمكىندىگى شەكتەۋلى جانداردى قولداۋ, جالعىز باستى قارتتار, مۇقتاج جاندار مەن جەتىمدەر, انالار ۇيلەرىنە ماتەريالدىق, رۋحاني, قوعامدىق كومەكتەر كورسەتىپ وتىرسا, «؛مەيىرىم»؛ ۆولونتەرلىق توبى جانە «؛قىزىل جارتى اي»؛ قوعامىنىڭ ۆولونتەرلارى «؛رەپرودۋكتيۆتى دەنساۋلىق»؛, «؛العاشقى مەديسينالىق كومەك»؛ باعىتتارىندا قىزمەت اتقارىپ, كامەلەت جاسقا تولماعان جاسوسپىرىمدەر اراسىندا قۇقىق بۇزۋشىلىق پەن زورلىق زومبىلىقتىڭ الدىن الۋ ماقساتىندا «؛جاس ساقشى»؛ توبى جۇمىس جۇرگىزدى.
توتەنشە جاعداي رەجيمى كەزىندە ۆولونتەرلارمەن #بىزبىرگەمىز اكسياسى اياسىندا بارلىعى 374 شارا ۇيىمداستىرىلىپ, 21 019 كومەك كورسەتىلدى, ونىڭ ىشىندە 4356 وتباسى ازىق-تۇلىكپەن قامتاماسىز ەتىلدى, 16 494 ادامعا مەديسينالىق ماسكالار تاراتىلدى. سونىمەن قاتار, ۆولونتەرلارمەن ءۇي جاعدايىندا ەم قابىلدايتىن ارداگەرلەر, قارتتار تۇراتىن 169 ۇيگە جەرگىلىكتى ەمحانالاردان دارى-دارمەكتەر جەتكىزىلدى.
توتەنشە جاعداي جانە كارانتيندىك رەجيم كەزەڭدەرىندە قوعامدىق جۇمىستارعا تارتىلعان ۆولونتەرلار ماراپاتتاۋعا ۇسىنىلىپ, بۇگىنگى تاڭدا 40 ۆولونتەر ەلباسىنىڭ, قر پرەزيدەنتىنىڭ, وبلىس اكىمىنىڭ جانە قر ءiiم-نىڭ العىس حاتتارىمەن, «؛حالىق العىسى»؛ مەدالىمەن ماراپاتتالدى.
ۋنيۆەرسيتەت جوبالارى
ق.جۇبانوۆ اتىنداعى اقتوبە وڭىرلىك ۋنيۆەرسيتەتى 2020-2021 جىلعى وقۋ جىلىنان باستاپ ءبىرىنشى كۋرس ستۋدەنتتەرىنە «؛ۇلتتىق رۋحانيات»؛ ەلەكتيۆتى كۋرسى ەنگىزىلدى.
«؛ۇلى دالانىڭ ۇلى ەسىمدەرى»؛ جوباسى اياسىندا «؛اقتوبە اقتاڭگەرلەرى»؛ عىلىمي-تانىمدىق جوباسى شەڭبەرىندە تاريحي تۇلعالار تۋرالى زەرتتەۋلەر جۇرگىزىلىپ, ارحيۆ قۇجاتتارى زەردەلەنۋدە. ناتيجەسىندە عىلىمي جيناق جارىق كورىپ, قىسقامەتراجدى تاريحي-تانىمدىق فيلم ازىرلەنۋدە.
«؛تۋعان جەر»؛ جوباسى بويىنشا مەسەناتتاردىڭ قولداۋىمەن «؛جۇبانوۆقا جومارتتىق»؛ اكسياسى اياسىندا ءا.مولداعۇلوۆا, ا.جۇبانوۆ, ب.تاجىباەۆ, ە.دىلمۇحانبەتوۆ, ت.ايبەرگەنوۆ, ۇمبەتباي ۋايدين اتىنداعى وقۋ جانە اتاۋلى كابينەتتەر اشىلدى.
ۋنيۆەرسيتەتتىڭ 85 جىلدىعىنا «؛85 جىلدىققا &ndash؛ 85 كىتاپ»؛ اكسياسى ۇيىمداستىرىلىپ, پروفەسسور-وقىتۋشى قۇرامى ءوز ەڭبەكتەرىن كىتاپحانا قورىنا سىيعا تارتتى. اتالعان شارا اياسىندا «؛ق.جۇبانوۆ اتىنداعى اقتوبە وڭىرلىك ۋنيۆەرسيتەتىنە 85 جىل»؛ مەرەيتويلىق ەنسيكلوپەديا, «؛جۇبانوۆ كىتاپحاناسىنىڭ 100 كىتابى»؛ جوباسى سەرياسى بويىنشا پروفەسسور-وقىتۋشى قۇرامىنىڭ عىلىمي-زەرتتەۋ جۇمىستارىنىڭ ناتيجەسى رەتىندە 17 مونوگرافيا باسپادان شىعارىلىپ, جالپى سانى 38-گە جەتتى.
«؛جاڭعىرعان سانا &ndash؛ جاڭا سەرپىن»؛
ەلباسى, قازاقستان رەسپۋبليكاسىنىڭ تۇڭعىش پرەزيدەنتى ن.ا.نازارباەۆتىڭ «؛بولاشاققا باعدار: رۋحاني جاڭعىرۋ»؛ اتتى باعدارلامالىق ماقالاسىنىڭ 3 جىلدىعىنا وراي «؛جاڭعىرعان سانا &ndash؛ جاڭا سەرپىن»؛ كىتاپ-جيناعى شىعارىلىپ, كىتاپ-جيناققا زيالى قاۋىم وكىلدەرىنىڭ, قوعام قايراتكەرلەرىنىڭ وي-تولعامدارى مەن اقتوبە وبلىسى اۋداندارىنىڭ, وبلىستىق سالالىق باسقارمالار جانە جوعارى وقۋ ورىندارىنىڭ قوعامدىق سانانى جاڭعىرتۋ جولىندا اتقارىلعان جۇمىستارى تۋرالى ماتەريالدار جيناقتالعان.
كىتاپ-جيناق ماماندارعا, ولكەتانۋشىلارعا, وقىتۋشىلار مەن ستۋدەنتتەرگە, جالپى تۋعان ولكەنىڭ وركەندەۋىنە ۇلەس قوسامىن دەگەن بارلىق وقىرمانعا ارنالدى.

جۇزەگە اسىرىلعان جوبالار مەن اتقارىلعان جۇمىستاردى قورىتىندىلاپ, «؛رۋحاني جاڭعىرۋ»؛ باعدارلاماسىن ىلگەرىلەتۋگە باعدارلانعان جاڭا ماقسات-مىندەتتەردى سارالاي كەلە 147 تارماقتان تۇراتىن 2021 جىلعا ارنالعان ءىس-شارالار جوسپارى جاساقتالدى. وعان وبلىستىق سالالىق باسقارمالار, جوعارى وقۋ ورىندارى مەن اقتوبە قالاسى, 12 اۋدان اكىمدىكتەرى ۇسىنعان ءىس-شارالار مەن جوبالار ەنگىزىلدى.
مەملەكەت باسشىسى ق.توقاەۆتىڭ ۇلتتىق قوعامدىق سەنىم كەڭەسىنىڭ iv وتىرىسىندا بەرگەن تاپسىرماسىنا سايكەس, قر تاۋەلسىزدىگىنىڭ 30 جىلدىق مەرەيتويىن فورمالدى شارالار مەن ناۋقانشىلدىققا جول بەرمەۋ ماقساتىندا 2021 جىلى «؛30 جىل &ndash؛ 30 ناقتى ءىس»؛ جوباسىن جۇزەگە اسىرۋ قولعا الىنىپ وتىر. اتالعان جوبا اياسىندا وبلىستاعى الەۋمەتتىك, يدەولوگيالىق جانە ەكونوميكالىق سالالار بويىنشا 30 ناقتى, ءارى مازمۇندى جوبالار جوسپارلانۋدا.