ديدار حامزا قازاقستان چەمپيونى اتاندى

اقتاۋ قالاسىندا ءوتىپ جاتقان دزيۋدودان قازاقستان چەمپيوناتىندا تۇركىستان ؛ وبلىسىنىڭ بالۋانى ديدار حامزا 90 كەلىگە دەيىنگى سالماقتا التىن مەدالگە يە بولدى, دەپ حابارلادى تۇركىستان وبلىسى اكىمىنىڭ ءباسپاسوز قىزمەتى. ؛

چەمپيوناتتا توپ جارعاندار ىرىكتەلىپ, ءتورتجىلدىقتىڭ باستى دوداسى, كەلەر جىلى وتەتىن توكيو وليمپياداسىنىڭ ليسەنزيالىق تۋرنيرلەرىنە قاتىسا الادى.

ەلىشىلىك سايىستا رەسپۋبليكا بويىنشا مىقتى بالۋاندار باقتارىن سىناۋدا. بۇرىن 81 كەلىدە باق سىناعان ديدار جاڭا سالماقتا جەڭىسكە جەتتى. ەكىنشى ورىندى شىمكەنتتىك ەرسۇلتان مۇزاپپاروۆ يەلەنسە, ءۇشىنشى ورىندى اسلان ساعيتبەك (قوستاناي وبلىسى) پەن ادىلەت ميسين (اقتوبە وبلىسى) ەنشىلەگەن.

تۇركىستان وبلىسىنىڭ دزيۋ-دو كۇرەسىنەن اعا جاتتىقتىرۋشىسى سەرىك قۇلتاەۆتىڭ ايتۋىنشا, ەرلەر مەن ايەلدەر 7 سالماق ؛ بويىنشا بەلدەسۋدە. ءار وبلىس, قالانىڭ باپكەرلەرى قازاقستان چەمپيوناتىنا ەڭ ۇزدىك دەگەن شاكىرتتەرىن الىپ كەلگەن. بوز كىلەمدە بەلدەسىپ جاتقان ايەلدەر اراسىندا تۇركىستان وبلىسىنىڭ ؛ دارىندى ؛ بالۋانى 70 كەلى سالماقتا ونەر كورسەتەتىن پەريزات جاقىپبەكوۆا كۇمىس جۇلدەگەر اتاندى.

سونىمەن قاتار 81 كەلىدەگى جاس بالۋان نۇريدين ەرالحان قولا جۇلدەگەر اتانسا, مولداش كەرىمبەك ۇزدىك بەستىككە ەندى. بۇگىن ەرلەر اراسىندا 100 كەلى مەن ودان جوعارى سالماقتاعى بالۋاندار شەبەرلىكتەرىن كورسەتەدى. ال, ايەلدەر ؛ اراسىندا 78 جانە +78 دەن ؛ جوعارى بۇرىمدى بالۋاندار باقتارى مەن ؛ باپتارىن سىنايتىن بولادى.

 ؛

 ؛