19 جەلتوقسان, 2020 سپورت
فوتو: instagram/daznboxing
ورتا سالماقتا ibf جانە ibo تۇجىرىمدارى بويىنشا الەم چەمپيونى, قازاقستاندىق گەنناديي گولوۆكين كاسىپقوي رينگتەگى ء41-شى جەڭىسىنە قول جەتكىزدى. بۇل تۋرالى ؛prosports.kz ؛حابارلادى. ؛
گولوۆكين حولليۆۋدتا (فلوريدا شتاتى, اقش) وتكەن بوكس كەشىندە پولشالىق كاميل شەرەمەتامەن قولعاپ ءتۇيىستىردى. بۇل كەزدەسۋدە گولوۆكين وزىنە تيەسىلى تيتۋلدارىن قورعادى.
گولوۆكين العاشقى راۋندتان باستاپ باسىمدىقتى قولىنا الدى. ءبىرىنشى راۋندتىڭ سوڭىنا قاراي ول پولشالىق بوكسشىنى نوكداۋنعا ءتۇسىردى. ەكىنشى راۋندتا دا ءبىر رەت قۇلاتتى. ءتورتىنشى راۋندتا پولياك تاعى دا اۋىر سوققى الىپ, تورەشى ەسەپ اشتى. الايدا جەكپە-جەك 7 راۋندتا اياقتالدى. گولوۆكيننىڭ اۋىر سوققىسىنان كەيىن پولشالىق بوكسشى 7-راۋندتا نوكداۋنعا تۇسكەن. كەيىن كەزدەسۋدى جالعاستىرۋدان باس تارتتى. ؛
وسىلايشا, گولوۆكين ء41-شى جەڭىسىنە قول جەتكىزدى, ونىڭ 36-سىن نوكاۋتپەن ءتامامداپ وتىر. ەنشىسىندە ءبىر تەڭ ەسەپ پەن ءبىر جەڭىلىس بار.
قازاقستاندىق بوكسشى بۇل جەكپە-جەكتەن كەيىن ورتا سالماقتا تيتۋل قورعاۋ بويىنشا رەكورد ورناتتى. بۇعان دەيىن امەريكالىق بەرنارد حوپكينس الەم چەمپيونى تيتۋلىن 20 رەت قورعاپ, رەكورد قويعان ەدى. ال گولوۆكين بۇگىن تيتۋلدارىن 21-رەت قورعاپ قالدى.
پولشالىق بوكسشى بولسا, كارەراسىندا العاش رەت قارسىلاسىنا جول بەردى. بۇعان دەيىن شەرەمەتا 21 جەكپە-جەك وتكىزىپ, ءبارىن جەڭىسپەن اياقتاعان. بەس رەت نوكاۋتپەن جەڭگەن بولاتىن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر