شقو-دا تاۋەلسىزدىك كۇنى قارساڭىندا 700-دەن استام تۇرعىن جاڭا پاتەرگە يە بولىپ, ءبىرقاتار الەۋمەتتىك نىساندار اشىلدى

شىعىس قازاقستاندا تاۋەلسىزدىك كۇنى قارساڭىندا 11 الەۋمەتتىك ماڭىزى بار نىسان اشىلىپ, 744 وتباسىعا جاڭا پاتەرلەر مەن ۇيلەردىڭ كىلتتەرى تابىستالدى.

شقو اكىمى دانيال احمەتوۆ شىعىسقازاقستاندىقتاردى ۇلى مەرەكەمەن قۇتتىقتاپ, ەلىمىزدىڭ تۇڭعىش پرەزيدەنتى نۇرسۇلتان نازارباەۆتىڭ ەگەمەن مەملەكەتتىڭ قالىپتاسۋى مەن قازاقستاننىڭ جەتىستىكتەرىندەگى ءرولىن اتاپ ءوتتى.

-تاۋەلسىزدىك جىلدارىندا قازاقستان مەملەكەتتىلىگىن نىعايتۋدا, الەۋمەتتىك &ndash؛ ەكونوميكالىق دامۋدا ايتارلىقتاي جەتىستىكتەرگە قول جەتكىزدى, - دەپ اتاپ ءوتتى دانيال احمەتوۆ. - تۇڭعىش پرەزيدەنت نۇرسۇلتان نازارباەۆتىڭ دانا كورەگەن ساياساتىنىڭ جانە بارشا قازاقستاندىقتاردىڭ ىنتىماقتى ەڭبەگىنىڭ ارقاسىندا ەلىمىزدە جالپىۇلتتىق يدەيانىڭ ماڭىزدى قۇرامداس بولىگىنە, قوعامداعى كەلىسىمنىڭ نەگىزىنە اينالعان كەڭ اۋقىمدى رەفورمالار مەن قايتا قۇرۋلار تابىستى جۇزەگە اسىرىلدى. قازىرگى قازاقستان - بەيبىتشىلىك اۋماعى, ۇلتتىق بىرلىكتىڭ جانە وتانىمىزدىڭ بۇگىنى مەن بولاشاعى ءۇشىن ورتاق جاۋاپكەرشىلىكتىڭ سيمۆولى.

تاۋەلسىزدىك كۇنى قارساڭىندا شىعىس قازاقستاندا الەۋمەتتىك ماڭىزى بار نىساندار اشىلدى, ال وبلىس تۇرعىندارى جاڭا قونىس تويىن تويلادى.

ەكى جىل بۇرىن گلۋبوكوە كەنتىندە ەسەپ بەرۋ كەزدەسۋلەرىنىڭ بىرىندە تۇرعىندار اۋدانداعى مادەني مەكەمەنىڭ جوقتىعىنا شاعىمدانعان ەدى. ءوتىنىش نازارعا الىنىپ, كوروناۆيرۋستىق پاندەمياعا بايلانىستى ەنگىزىلگەن قاتاڭ شەكتەۋلەرگە قاراماستان, تاۋەلسىزدىك كۇنى قارساڭىندا جاڭا مادەنيەت ءۇيى اۋدان تۇرعىندارىنا ەسىگىن ايقارا اشتى.

سونىمەن قاتار, گلۋبوكوە كەنتىنىڭ كوپبالالى انالارى اۋماعى ويىن الاڭى, كوگالدار مەن گۇلزارلار, اۆتوتۇراق جانە جولدارمەن جابدىقتالعان جاڭا ۇيدەن پاتەر كىلتتەرىن الدى. جاڭا قونىس يەلەرى تاۋەلسىزدىك كۇنىنە وراي ەڭ قاجەتتى سىيلىقتى العاندارىن اتاپ ءوتتى.

اياگوز اۋدانىندا 120 وتباسى "نۇرلى جەر" باعدارلاماسى اياسىندا سالىنعان 60 پاتەرلى ەكى ءۇيدىڭ جاڭا قونىستانۋشىلارى بولدى. اياگوز اۋدانىنىڭ تاعى 20 كوپبالالى وتباسى ءبىر قاباتتى ۇيلەردىڭ كىلتتەرىن الدى.

تارباعاتاي اۋدانىنىڭ تۇرعىندارى مەرەكە قارساڭىندا ەكى پاتەرلى 11 ۇيگە قونىستانۋعا مۇمكىندىك الدى. بەسقاراعاي اۋدانىنىڭ تاعى 10 وتباسىنا ەكى پاتەرلى 5 ءۇيدىڭ كىلتى تابىس ەتىلدى. كۋرچاتوۆتا جەتىم جانە اتا-اناسىنىڭ قامقورلىعىنسىز قالعان 6 بالاعا پاتەر بەرىلدى. سونداي-اق, اتالعان ۇيدەگى پاتەر كىلتتەرىن كۋرچاتوۆتىڭ 7 تۇرعىنى الدى, ولاردىڭ ۇيلەرى اپاتتى دەپ تانىلدى جانە ءبىر كوپ بالالى وتباسى الدى. سونىمەن قاتار, مەرەكە قارساڭىندا سەمەي مەن ءۇرجار اۋدانىندا كوپبالالى وتباسىلار جاڭا پاتەرلەرگە قونىستاندى.
تاۋەلسىزدىك كۇنىنە وراي تارباعاتاي اۋدانى اقجار اۋىلىندا كۇردەلى جوندەۋدەن كەيىن اباي اتىنداعى مەكتەپ اشىلدى. تارباعاتاي جاستار رەسۋرستىق ورتالىعىنىڭ جانىنان كوۆوركينگ ورتالىعى اشىلدى. سونىمەن قاتار, اۋدانداعى اقمەكتەپ اۋىلىندا تۇرعىنداردى اۋىز سۋمەن قامتاماسىز ەتۋ ءمودۋلى ىسكە قوسىلدى. جارما اۋدانىنىڭ قاپاي جانە ارشالى اۋىلدارىندا مەرەكەگە وراي سۋ قۇبىرلارى جۇرگىزىلدى. اعىمداعى جوندەۋدەن كەيىن كاتونقاراعاي اۋدانىنىڭ اققاينار اۋىلىندا اۋىلدىق كلۋب, سونداي-اق ورەل اۋىلىندا كىتاپحانا اشىلدى.
وبلىس ورتالىعىندا اتاۋلى كۇن قارساڭىندا وقۋشىلار اراسىندا شايبالى حوككەيدەن "جۇلدىزشا" قالالىق ءتۋرنيرى وتكىزىلدى, ال "سامال" ساياباعىندا, "التاي" ستاديونىندا, كومسومولسكيي ارالىندا جانە ەتنوپاركتە كونكيمەن سىرعاناۋ ءۇشىن مۇز الاڭدارى اشىلدى. سونىمەن قاتار, "ساۋلەت 2020" جاس ساۋلەتشىلەر فورۋمى ءوتتى.
وبلىستىڭ بارلىق قالالارى مەن اۋداندارىندا ونلاين فورماتتا مەرەكەلىك كونسەرتتەر ءوتتى. سونىمەن قاتار, شىعىس قازاقستاننىڭ دامۋىنا قوسقان ۇلەسى ءۇشىن بەلسەندى ازاماتتار ماراپاتتالدى. رەسپۋبليكانىڭ تاۋەلسىزدىك كۇنى تۋرالى باياندايتىن ءبىرىڭعاي سىنىپ ساعاتتارى, عىلىمي زيالى قاۋىم, قۇقىق قورعاۋ ورگاندارىنىڭ قاتىسۋىمەن "بەيبىتشىلىك جانە جاسامپازدىق جىلدارى" ونلاين-كونفەرەنسياسى, قايىرىمدىلىق اكسيالارى, كىتاپ كورمەلەرى, مانەرلەپ وقۋ كونكۋرستارى ءوتتى.
سونىمەن قاتار, وبلىس تۇرعىندارى " مەنىڭ تۋىم. مەنىڭ وتانىم!»؛ اكسياسىنا قاتىستى. وسىلايشا, شىعىس قازاقستاندا 383 مەملەكەتتىك تۋ, 317 جالاۋشا جانە تۋ بەينەلەنگەن 35 باننەر ءىلىندى.