حانگەلدى ءابجانوۆ: شاپەنوۆتەي ازاماتتاردىڭ پارلامەنتكە وتۋىنە قارسىمىن

كوممۋنيستىك يدەيانى قولدايتىن, جۋىردا عانا اتاۋىن وزگەرتكەن "قازاقستان حالىق پارتياسى" كانديداتتار تىزىمىندە الماتى قالاسى قوعامدىق كەڭەسىنىڭ مۇشەسى الىبەك شاپەنوۆ تە بار. ول بۇگىن facebook پاراقشاسىنا رەسەي دەپۋتاتتارىنىڭ قازاقستان تاراپىنا قاراتا ايتىلعان داۋلى سوزدەرىن ايىپتاعان قازاقستان حالىق پارتياسى ورتالىق كوميتەتى ساياسي بيۋروسىنىڭ مالىمدەمەسىن ءبولىستى.

مالىمدەمەدە پارتيا "رەسەيلىك ورەسى تار ساياساتكەرلەردىڭ, جۋرناليستەردىڭ جانە تانىمال تۇلعالاردىڭ قازاقستانعا دەگەن جاۋاپسىز جانە ءقاۋىپتى مالىمدەمەلەرىنە ءوزىنىڭ نارازىلىعىن بىلدىرەتىنى", "تەرىس پىكىرلەرگە تالداۋ جۇرگىزۋ, قۇقىقتىق باعا بەرۋ جانە ولاردىڭ قازاقستان رەسپۋبليكاسى اۋماعىنا كىرۋىنە تىيىم سالۋ, ءتىپتى قىلمىستىق جاۋاپتىلىققا تارتۋ سەكىلدى شارالار كەشەنىن قابىلداۋ قاجەت دەپ سانايتىنى" جازىلعان.

الايدا الىبەك شاپەنوۆتىڭ ءوزى 6 جەلتوقساندا قازاقستاننىڭ مەملەكەتتىلىگى مەن ونىڭ جەرى تۋرالى داۋلى مالىمدەمە جاساپ, سىنعا ۇشىراعان. ول ؛facebook پاراقشاسىندا رەسەي يمپەرياسىنىڭ 1914 جىلعى ءبىرىنشى دۇنيەجۇزىلىك سوعىس قارساڭىنداعى كارتاسىن جاريالاپ, "كارتادا ۇلتتىق مەملەكەتتەر قايدا؟ قازاقستان قايدا؟ قازاق كاپيتاليستىك رەسپۋبليكاسى قايدا؟ قازاق حاندىعى قايدا؟ قازاق ايماعى, قازاق وبلىسى نەمەسە گۋبەرنياسى قايدا؟" ؛دەگەن جازبا قالدىرعان.

جازبا جەلىدە ءبىرشاما شۋ شىعارىپ, كوپتەگەن ادامدار نارازى پىكىرلەرىن ءبىلدىرىپ جاتتى. بىرنەشە كۇننەن كەيىن شاپەنوۆ جازباسىنا وزگەرتۋ ەنگىزىپ, ءوز تاراپىنا ءتۇرلى سوزدەر ايتىلعانىن, الدەكىمدەر ءوزىن جامان جاقتان كورسەتۋگە تىرىسقانىن مالىمدەدى.

سونداي-اق ول داۋلى جازبادا قازاق مەملەكەتتىلىگى رەسەي يمپەرياسىنىڭ قۇرامىنا ەنگەننەن كەيىن جوعالعانى تۋرالى, ۇلكەن تەرريتورياسىنا قاراماستان قازاقتار رەسەي يمپەرياسىنىڭ ءتۇرلى اكىمشىلىك قۇرىلىمدارىنا بىتىراتىلعانىن ايتپاق بولعانىن جەتكىزدى.

جازباعا ساراپتاما جاساعان تاريح عىلىمدارىنىڭ دوكتورى, اكادەميك حانگەلدى ءابجانوۆ "شاپەنوۆ جازباسىنا وزگەرتۋ ەنگىزۋ ارقىلى ءوزىن اقتاۋعا تىرىسىپ وتىر, ونىسى داۋلى مالىمدەمەسىنىڭ تىگىسىن جاتقىزىپ, نارازى ادامداردىڭ كوڭىلىن اۋلاۋعا باعىتتالعان" دەگەن پىكىردە.

&ndash؛ ماسەلەنىڭ ءتۇيىنى ينتوناسيا &ndash؛ ەكپىن دەگەن دەگەن بار عوي, سوعان كەلىپ تىرەلەدى. ءبىر ءسوزدىڭ ءوزىن ءتۇرلى ماعىنادا, ءتۇرلى ەكپىنمەن ايتۋعا بولادى. شاپەنوۆ جازباسىنىڭ العاشقى نۇسقاسىندا "قازاقتىڭ جەرى جوق, ەلى جوق" دەگەن نۇسقادا ايتىپ وتىرعانداي اسەر قالدىرادى. ەكىنشى, تولىقتىرىلعان نۇسقادا تارقاتىپ, تىگىسىن جاتقىزىپ, تاريحتان ازداپ حابارى بار ەكەنىن كورسەتكەن. قالاي بولعاندا دا مەملەكەت, جەر ماسەلەلەرى ۇلكەن تاريحي داۋ-دامايعا ۇرىندىرۋى مۇمكىن ماسەلەلەر. ول مىسقىلى دا بار, ماقۇلداپ تا تۇرعانى بەلگىسىز ماعىنادا سويلەمەۋى كەرەك ەدى. ال كارتانى قارايتىن بولساق, شاپەنوۆ جوققا شىعارىپ تۇرعان ورال وبلىسى, تورعاي, اقمولا, سىرداريا, جەتىسۋ وبلىستارى تۇر. قازاقتىڭ بۇكىل جەرى تۇر. ەكىنشى اقمولا وبلىسى, ەكىنشى تورعاي جەر بەتىندە جوق قوي. سوندىقتان "قازاق ەلى قايدا" دەگەنىنە جول بولسىن. مۇلدە دەرەك كەلتىرمەسە, "مىنا ازامات ءبىزدىڭ جەرىمىزدى بىلمەيدى ەكەن عوي" دەۋگە بولادى. ال مىندا باتىستان التايعا دەيىن كورسەتىلىپ تۇرعاندىقتان, ماناعىداي ءسوز ايتۋ جاقسى نيەتتەن, جاقسى سوزدەن شىقتى دەپ ايتا المايمىن. جۇرتتىڭ رەنجۋىنە نەگىز بولىپ تۇرعان وسى. ونىڭ و باستاعى پيعىلى ءتۇزۋ بولماعان. تەك قارسىلىق كوبەيگەننەن كەيىن عانا اقتالعانداي ارەكەت جاسادى. ەگەر شاپەنوۆتەي ادام دەپۋتات بولىپ جاتسا, پارلامەنتىمىز جەتىسكەن ناتيجەگە قول جەتكىزبەيدى. بىلىققان ۇستىنە بىلىعا بەرەدى. مۇنداي ازاماتتاردىڭ پارلامەنتكە وتۋىنە ءۇزىلدى كەسىلدى قارسىمىن, &ndash؛ دەيدى اكادەميك.

الىبەك شاپەنوۆ سۇقباتتارىنىڭ بىرىندە بۇرىن قۇقىق قورعاۋ ورگاندارىندا ىستەگەنىن, اۋداندىق ىشكى ىستەر ءبولىمى باسشىنىڭ ورىنباسارى قىزمەتىنە دەيىن وسكەنىن, وتستاۆكاعا شىققان سوڭ پارتيا جۇمىسىنا ارالاسىپ, قازاقستان كوممۋنيستىك حالىق پارتياسى الماتى قالالىق كوميتەتىنىڭ ءبىرىنشى حاتشىسى بولعانىن ايتقان.

دەپۋتاتتىققا كانديدات facebook-تەگى پاراقشاسىن بەلسەندى جۇرگىزەدى. اتاۋلى كۇندەر تۋرالى جازىپ, 30, 40 جىل بۇرىن كەڭەس وداعىندا بولعان وقيعالاردى ەسكە الىپ وتىراتىن ادەتى بار. جازبالارىنىڭ بارلىعى دەرلىك ورىس تىلىندە.